Fonte: web da Guadalupe
Arquivo | festas RSS feed for this section
Todo listo para a 6ª edición do Festival Antrospinos
19 Xul
Trátase do maior festival de música que se celebra no Barbanza e celébrase grazas ao traballo e ao mérito duns mozos de Rianxo. Cada ano medra un chisco máis e tráenos a Taragoña grupos de todo o mundo. Así que nos toca a todos apoialos e ir os días 26 e 27 de xullo a Campo Maneiro. Velaquí as novidades deste ano.
Novidades sobre a festa da Guadalupe: cartel gañador e feirón mariñeiro
17 XulO cartel do rianxeiro Lorenzo Méndez foi o escollido como base para anunciar as fests da Guadalupe 2013. Fonte: web da comisión de festas
Ademais, os interesados tamén poden inscribirse no X Feirón Mariñeiro “A Feira de 1913” para a Guadalupe 2013 a través de http://www.guadaluperianxo.org/feiron
Festa de San Xoán 2013
19 XuñChega a noite máis máxica do ano, a máis curta e a que nos deixa cheirando a roupa 🙂 O San Xoán, coas súas cacharelas, o churrasco e as sardiñas asadas tamén se celebra en Rianxo, aínda que agardemos que o tempo acompañe. Velaquí algunhas das actividades que podes ter.
En primeiro lugar, en Buhía, no Araño, organízase a tradicional festa de San Xoán. Hai que ter en conta que na Hermida teñen unha capela na honra deste santo e todos os anos organizan unha celebración. Hai misa e dúas orquestras pola noite:
Foto sacada por Rabunho Rexeita
Ao día seguinte, o 23 de xuño a partir das 22:00 horas, a Asociación Antrospinos organiza unha festa na praia da Torre de Taragoña. Non faltará a comida e mesmo haberá unha barra de bebidas e actuación musical:
Festa en San Pedro de Vilas 2013
18 XuñO próximo 29 de xuño, terá lugar en Asados a festa de San Pedro de Vilas.
Como nos indican dende a organización, trátase dunh “romaría pensada para todas persoas”, xa que para os maiores “hai misa cantada e dúo moi bailable despois de comer”. Para os pequenos da casa hai “un hinchable gratuíto e animación de 14 a 18 horas”. E para os que teñen ganas de marcha, hai “concertos nocturnos con dous grupos rock e dous DJ”.
Festival Miúdo, o 20 de abril, en Rianxo
13 AbrO sábado 20 de abril, dende as 22.00 horas no Campo de Arriba (Rianxo), terá lugar o Festival Antrospinos Miúdo organizado pola Asociación Cultural Festival Antrospinos. Actuarán os grupos Os 3 Trebóns, Os Ulträqäns, Familia Caamagno e pechará Bigote Mix.
Fotos de Rianxo 