Esta entrada vai para o meu amigo Mario, que foi o que me levou a descubrir a antiga casa rectoral de Leiro. Como podedes ver, está totalmente abandonada e feita un cristo (nunca mellor dito). Dentro estaba o antigo cinema da parroquia, como o demostra o carteliño de “Prohibido Fumar”. E nos arredores pode atoparse unha antiga cociña, os cortellos e un enorme hórreo (supoño que se enchía no seu día grazas á inestimable axuda dos veciños) que está a ser devorado polas hedras.
Velaquí varias fotos do exterior da igrexa da parroquia de Leiro.
Sen dúbida é o máis estraño cruceiro de todos cantos teño visto en Rianxo. O pé é dun cruceiro, pero a figura non é a típica. Non hai ningunha figura cristiá, nin virxes, nin santos nin Xesucristo na cruz. Só unha figura que lembra a certos pobos antigos, pero que non sabemos de cando pode datar.
Non sei se poñer un cercado electrificado enriba do muro dunha propiedade é legal ou non, pero para min é cando menos chocante. Isto pode verse nunha finca particular en Leiro, preto de Abuín e a min de boas a primeiras recordoume a unha prisón ou un campo de concentración.
Hoxe vou colgar distintas fotos dos petróglifos dos Mouchos, que se atopan en Leiro, pretiño da praia das Cunchas.
Iso si, de novo dende este blog imos darlle un tirón de orellas ao Concello porque a sinalización para dar con este petróglifos é simplemente PÉSIMA. Só hai un cartel na estrada xeral que une Rianxo con Catoira, pasando por Leiro e Isorna. Despois, alá atopes os petróglifos, como acontece con outro tipo de restos deste tipo. Vamos, que atopas un veciño do lugar que coñeza ben o sitio ou ben te podes convertir en Indiana Jones na busca do petróglifo perdido.
Mirade que corredoira hai que coller para dar con eles:
E se tes sorte e das con esta corredoira, despois tes que esquivar ou sufrir toxos e alá arriba atoparás os petróglifos.
Para que despois non se diga que se tiran os cartos. Acaso era necesario duplicar a sinalización para ir á praia das Cunchas ou á do Porrón cando a que xa había estaba en perfectas condicións?
Parece de lonxe unha árbore, verdade? Pero en realidade trátase do hórreo da casa reitorial de Leiro, que está totalmente abandonado e comido polas hedras.
A pasada fin de semana, xusto o domingo, un día no que os areais se encheron de xente querendo desfrutar do bo tempo e do que se presumía un adianto do verán, na praia das Cunchas había un arroás morto. Non sei o tempo que levaba alí nin se se ía analizar, pero boa imaxe non daba.
Este é o petróglifo dos Campos, que pertence á parroquia de Leiro, e a onde se pode ir ou ben pola zona de Brión ou ben por Rianxiño, xa que está preto do instituto.
O que si, denunciar a deixadez á que está exposta non só o patrimonio histórico e cultural rianxeiro, senón todo o galego. Para atopar o sitio no que está este petróglifo, un ten que ser pouco máis que adiviño, xa que non hai indicacións. Doutra banda, non hai un mínimo de acondicionamento da zona. O dito, que está como se non estivese.
Xa estamos no maio, en plena primavera e coas cores das xestas iluminando os nosos montes.
Fotos de Rianxo 