Unha das cousas que máis nos enche de orgullo aos rianxeiros é esa canción coñecida en toda Galicia. Unha peza que trascende do local para representar a toda unha comunidade, porque A Rianxeira non deixa de ser o himno oficioso da nosa comunidade, unha cantiga recoñecida por todos os que vivimos aquí e que todo galego leva tamén canda si, incluso cando emigra. É un fenómeno social, máis aló de fronteiras, pero que nos sitúa tamén no mapa (cousa que sempre gusta).
Estes días celebrouse en Rianxo o Mercado Pirata. Unha sorprendente aposta que busca darlle unha pequena volta aos cada máis estendidos mercados medievais, celtas, da historia…
Velaquí unha serie de fotos de Rianxo dende o aire, nas que se pode apreciar tamén a fermosura da ría de Arousa. Son fotos de hai varios anos, xa que o dique grande aínda non estaba rematado, nin existían as casetas novas dos pescadores ou do Bingo.
Imaxes de Turgalicia
Seguindo coa programación do Verán Cultural en Rianxo para este mes de agosto, deixámovos a info de todo o que poderemos desfrutar esta fin de semana de mediados de agosto no concello.
Nela non viviron nin Manuel Antonio, nin Dieste nin Castelao. Nin falta que fai.
Nos seus 100 metros non hai o bulicio de xente doutras rúas da vila. Nin tampouco o necesita.
Ao seu paso non hai terrazas que esquivar, nin luces de neón. Só unha pequena perruquería. A vista do transeúnte ten tempo para admirar as pequenas e humildes vivendas, nas que habitan rianxeiros tamén humildes, boa xente que non precisa ser un Manuel Antonio para ver que a súa calzada contén poesía e historia.
De noite vólvese máxica. As súas luces descubren recunchos, balcóns, sombras na pedra, curvas nas fachadas, esconden cables e iluminan os vidros dos seus senlleiros edificios.
É a rúa de Arriba. Cando vaias por ela, ben para conectar co Campo ou coa rúa do Hospital, detente só un anaco, xira en derredor e verás que as rúas sinxelas e modestas son as máis fermosas.
Onte pola mañá convocamos a quen se animase a participar nunha andaina duns 11 quilómetros, os que unen a Ponte de Té, en Taragoña, co Pozo Bastón, no Araño. E a verdade é que a experiencia non puido resultar mellor, xa que ao percorrido fomos unhas 42 persoas, ás que se uníu outra media ducia na Ferrería. Velaquí un pequeno resumo rápido de como foi a mañá.
Como cada ano, a Agrupación de baile e música tradicional Aleivosía (pertencente á Asociación Sociocultural Fogo Fatuo organiza o Festival de baile e música tradicional Aleivosía. E xa van 13 edicións que de seguro traen moi boa sorta á formación.
Dende Rabunho Rexeita e dende Fotos de Rianxo gústanos presumir, e moito, das paraxes de Rianxo. Por esa razón, o próximo domingo, 9 de agosto se nos ocurríu facer unha ruta de sendeirismo, á que vos animamos a unirvos. Se queres pasar unha agradable mañá desfrutando da paisaxe rianxeira, só te tes que apuntar en http://ir.gl/rutaTe
Esta noite haberá unha ruta por Rianxo. Para apuntarvos (andar polo de agora é gratis) hai que ir aos pavillóns polideportivos ou ao Servizo de Deportes. Tamén podedes enviar un correo a deportes@concelloderianxo.gal
A saída será ás 22.30 horas na praza de Castelao. Serán uns 16 quilómetros e irase polas praias de Tanxil e As Cunchas, por camiños de Leiro, Asados e Taragoña, para rematar outra vez en Rianxo. Velaquí o percorrido en Google Maps.
Unha noite mais, e imos pola terceira, achegámonos ó auditorio rianxeiro a disfrutar de boa música, e desta vez a cargo do Combo de Jazz da Escola de Música de Rianxo.
Baixo a dirección do mestre Alfredo Susavila, o Combo ofreceunos duas horas de repertorio musical.
Deixámovos unhas cantas fotos dos integrantes dirixidos por Alfredo que son os seguintes:
Trompetas: Roberto
Sax. Alto: Amaro
Sax. Tenores: Valentín e Germán
Trombón: Ismael
Piano: Israel
Guitarra: Luis
Contrabaixo: Pachi
Batería: Antón
Velaí o transcorrer do concerto.
Hoxe pola noite proseguirán as veladas de Jazz, desta vez da man de David Regueiro Swingtet (ó abeiro do programa, III Ciclo Cultura no Camiño promovido polo AGADIC- Xunta de Galicia), que coma sempre se tentará levar á praza de Rafael Dieste, pero se ameaza choiva se trasladará ó auditorio rianxeiro.
Fotos de Rianxo 