Hoxe, 20 de marzo do 2015, produciuse un feito que vai tardar 25 anos en repetirse. Trátase dun eclipse solar total e que dende Rianxo se puido observar con moi boa claridade, aínda que, para a nosa desgraza, aquí non foi total, aínda que case.
A continuación deixamos a secuencia de fotos de todo o eclipse que fomos fotografar á estrada que sube á Muralla.
Velaquí un par de fotos antigas que nos cedeu Manuel Franco e que son de Luis Noya. Nelas podesmo ver a capela sen ningún tipo de balaustrada, só coas escaleiras para subir. Tamén podemos ver a entrada a Rianxo dende Rinlo, coa estrad sen asfaltar e sen beirarrúas. E incluso observamos que está o cartel da antiga farmacia.
Aínda que de seguro que moitos o coñecedes de velo actuar en Airiños ou de estar no bar dos seus pais, o Berberecho, Álvaro Ordóñez é un mozo estudante de Enxeñaría Informática. Como bo rianxeiro, presume de terra e de lingua. Tanto, que grazas aos seus coñecementos e habilidades desenvolveu unha aplicación para que escribamos ben en galego no noso smartphone. Esta app foi recoñecida como a mellor nun concurso organizado pola Axencia para a Modernización Tecnolóxica de Galicia da Xunta de Galicia.
Seguir lendo
O vindeiro sábado 14 de marzo, vaise presentar no Bar A Lareira do Pazo o II Torneo de Poesía Recitada Erótica, ferve a lingua. Ademais, este ano vén nin máis nin menos que cun premio de 1.000 euros para a/o gañador/a do torneo. Aí é nada.
Un ano máis, e van xa nove, celebrouse no auditorio o Día do Deporte. En concreto foi o pasado sábado ás 21.00 horas, momento no que o Concello de Rianxo recoñeceu o traballo dos nosos clubes de deportistas en prol do desenvolvemento do deporte local durante o 2013 e o 2014.
Nesta ocasión ,14 clubs deportivos, 10 deportistas e 13 patrocinadores foron os principais protagonistas da gala. Ademais, fíxose entrega do Premio ó Mérito Deportivo 2015, que recoñece a unha persoa cunha traxectoria de especial entrega e dedicación na promoción do deporte e dos valores deportivos en Rianxo.
Antes de nada, darlle as grazas aos organizadores do XIV Autocross o Castro de Taragoña, á escudería Rallyactividad e ao meu veciño Sergio por convidarnos a cubrir o evento do motor por excelencia en Rianxo. A verdade é que non defraudou.
Hoxe 28 de febreiro celebrouse en Rianxo a homenaxe a Rosalía de Castro, para conmemorar o 178 aniversario do nacemento da escritora padronense o pasado 24 de febreiro, cunha lectura de textos tanto da autora, como propios de entidades, particulares..
(foto propiedade de Fogo Fatuo)
(foto propiedade de Fogo Fatuo)
Todo comezou na praza de Manuel Antonio, onde tamén está a estatua de Rosalía, á cal lle puxeron unha touca feita polo colectivo artesanal Ondiñas Mainas de Rianxo, seguindo a proposta da SEGA (http://www.asega-critica.net/2015/02/rosalia-de-castro-aterece.html), o acto estivo acompañado polos gaiteiros de Fogo Fatuo que fixeron primeiro un pasarúas pola vila.
De seguido, as lecturas de texto traladáronse ó salón de actos da casa consistorial do concello debido ás inclemencias do tempo, onde Adolfo Muiños abreu o acto coa lectura dun texto da Asociación de Escritoras e Escritores en Lingua Galega (AELG).
Para dar paso ó acto actuaron as Rianxeiras da Covecha, un grupo de tres irmáns afincadas en A Pobra do Caramiñal pero con fondas raices rianxeiras (como elas se definiron).
Logo pasouse á lectura en si dos textos e das cales vos imos poñendo unhas fotos:
-Comezou Hadriana Ordoñez:
-Marité Iglesias:
-Adelina Ces:
-Mauricia Ces:
-Marina Losada:
-Pepa Martinez:
Logo, tamén Pepa se encargou de dar a coñecer o colectivo Artesanal Ondiñas Mainas que escomeza a sua andadura en Rianxo, e foron @s encargad@s de confecionar o chal que se lle colocou ó busto de Rosalía.
Logo voltaron a actuar as Rianxeiras da Covecha.
O acto rematou cun convite a tod@s @s asistentes e a quen se queira xuntar ás próximas xornadas a Rosalía de Castro o vindeiro ano que ven.
Xa temos lista a colección completa de imaxes do que deu de si a III Marcha BTT de Rianxo. En concreto xuntamos 2.530 fotografías de distintos puntos da proba. Para que vexades mellor as imaxes, velaquí todo organizadiño por zonas:
Hoxe é deses días nos que publicamos algo con moita tristura. Acabamos de coñecer a noticia de que faleceu de forma repentina Carlos Gey, tenente alcalde de Rianxo. Polo que dende aquí mandamos un abrazo á familia.
Na cabalta de Reis. Foto de A Fiestra
Imos hoxe coa oferta cultural para a fin de semana en Rianxo. E comezamos coa exposición “Retrospectiva” do pintor noiés Nacho C. Beiro. A expo, poderá visitarse dende hoxe mesmo (inaugúrase ás 20.30 horas no Auditorio) até o vindeiro 14 de marzo.
Fotos de Rianxo 