Rianxo en fotos a través das súas xentes

26 Feb

O ano pasado, xunto aos compañeiros do Foto Club Sálvora, movemos unha exposición fotográfica por distintos concellos, entre os que non podía faltar Rianxo. Nese momento xurdiu a idea de poder facer unha mostra exclusivamente centrada no noso concello. Así que puxemos a traballar dende finais do ano pasado e, despois de darlle voltas, chegamos a unha idea: combinar un proxecto no que mesturar retratros fotográficos coas vivencias persoais dos rianxeiros.

Foi así como naceu Ruando Rianxo, un proxecto no que queremos fotografar e entrevistar a xente de todas as parroquias, coma vós e coma nós. Moitas veces temos pequenas grandes historias ao noso lado, na casa do veciño e pásannos totalmente desapercibidas. Por iso lle queremos poñer rostro aos traballadores do mar, aos artistas, ao agro, á hostalería, á música… que vive e medra en Rianxo.

Queremos aproveitar o post para darlle as grazas á área de Cultura do Concello, onde presentamos a idea e foi moi ben acollida. Temos o seu patrocinio, o seu apoio e tamén a reserva do Auditorio para finais de ano. Así que agardamos contar coa vosa visita, que de seguro que vos gustará o que vedes. E se non gusta, pois a turrarnos das orellas 😉

Na exposición é imposible recoller as historias dos máis de 12.000 habitantes que ten o noso municipio, pero do que se trata é de que boa parte das persoas que aparezan en Ruando Rianxo sexan a voz e o sentir de moitos outros rianxeiros. De que cando se realice a mostra no Auditorio saibades que de seguro tedes un veciño, un amigo ou un familiar alí retratado e que descubrades, ao igual que Xoán Antón e máis eu, a outros rianxeiros cos que de seguro vos cruzastes moitas outras veces sen saber a súa historia.

Porque Rianxo é un concello rico en persoas, en historias e en vivencias. E nós queremos plasmar parte desa riqueza. De feito, se coñecedes alguén interesante (e vivo) na vosa parroquia, podedes contactar con calquera de nós para valorar a súa inclusión na exposición:

Xoán Antón Castro: a.rosagz@gmail.com

Eu (Óscar): oscar.reboiras@gmail.com

Etiquetas: ,

Coidadiño coa forma na que aparcades en Boiro

22 Feb

Xa sei que este tema non ten nada que ver con Rianxo nin leva ningunha foto. Pero como neste blog tamén informamos e somos moitos os que imos ata Boiro para saír, mercar ou facer calquera outro tipo de xestión, pareceume boa idea avisarvos de que hai que ter moito ollo á hora de aparcar no concello veciño.

O caso é que se aparcades no lado esquerdo da vía vos pode caer unha multa de 100€ (a metade se pagades rápido). É dicir, vós ides por unha vía de dobre sentido, vedes que hai moito sitio para aparcar no outro lado e aparcades no lado esquerdo da calzada, pois podedes arriscarvos a que vos veña a Policía Local de Boiro a deixar unha bonita receita 🙂

Non, aínda que o pensedes, non me pasou a min. Pero si a xente coñecida. Loxicamente é algo que descoñecemos a maioría, incluso que sexa motivo de multa. Polo que vin, isto xa o aplican outros concellos, como o de Pontevedra.

Segundo lin, o artigo 90 do Regulamento Xeral de Condutores indica que “está prohibido estacionar o vehículo na calzada ou na marxe dunha vía de dobre sentido de circulación, sen deixalo no lado dereito, correspondente ao sentido da marcha”. Polo visto isto pode ocasionar manobras perigosas. Eu non o vexo así, xa que podes saír dun garaxe ou dun cruce ben á dereita ou á esquerda. E o lóxico é facelo con  precaución. Agora, a lei está aí, pero é ter coñecemento desta cousas, non vaia ser.

Nota de prensa do Teatro Airiños

21 Feb

Hoxe xoves 21 de febreiro do 2013, o teatro Airiños de Asados tería que estar na cidade da cultura en Compostela recollendo o seu galardón outorgado pola laboura desenvolta polo grupo de teatro máis antigo de Galiza (en activo).

Mais, e en repulsa polo que está a acontecer no eido da cultura e en  apoio aos traballadores das artes escénicas e musicais que estes mesmos días se manifestan alí mesmo polo parón que sofre o sector, non pasarán a recoller dito premio.

Velaquí a nota de prensa que deixan na sua páxina web:

http://teatroairinhos.es/novas/comunicado-de-prensa/

Etiquetas: , ,

Festa do entroido en Asados (Rianxo)

19 Feb

O domingo 17 de febreiro, estivemos na festa do entroido que dou por rematadas as actividades choqueiras deste ano 2013.

Por mor das inclemencias meteorolóxicas as actividades que estaban programadas para o martes de entroido foron pospostas para este domingo na praza de Castelao en Rianxo, pero a choiva ameazante e o frío fixeron que ó final os inchabeis, actuación de Peter Punk, a charanga NASA, a feira do entroido, as actividades para nenas e nenos, o enterro do Toribiño, etc, etc… se trasladaran ó patio cuberto do colexio Ana María Diéguez de Asados.

A verdade é que estivo moi ben, e a actuación do pallaso Peter Punk estivo do máis entretido.

Eiquí vos deixamos unhas cantas instantáneas do que foi dando de si a tarde:

facendo as filloas

Image

E máis filloas…

Image

O enorme patio cuberto do colexio escomezando a ateigarse de xente de tódalas parroquias do concello e concellos da bisbarra.

Image

Os xogos tradicionais

Image

Os obradoiros de maquillaxe, nos que as colas eran interminables (a ver se nos oen dende o concello e para o ano traen máis…)

Image

Image

Image

Expectación durante a actuación do pallaso

Image

Até a 3ª idade se apuntou ás actividades, e non vexades con que marcha!!!

Image

Image

Image

E non houbo maneira humán de facela rir…

Image

Momentos perigosos da actuación…

Image

…E tan perigosos

Image

Image

Despois de toda a troula da tarde levouse a cabo un sorteo de varios agasallos entre as persoas que estaban disfrazadas.

Para rematar este entroido procedeuse á queima do querido Toribiño, tamén no exterior do colexio.

Etiquetas: , , , ,

Teatro no Curral do Marqués

17 Feb

O dia 16 de febreiro no Curral do Marqués (Taragoña),asistimos á representación de Tapergüare, unha función a cargo de Ta, Per e Güare (Carro d´Eguas, Xián Iglesias e Raquel Ramos)

Image

Ó longo dunha hora de función este trio preséntanos un kit de supervivencia para capear á crise emocional á que nos enfrontamos día a día.

Image

Ó incrible prezo de 199,99 euros en oferta exlusiva para os curralenses, (prezo sen oferta 200 eurazos), admítense pagos contrareembolso, ó contado ou ben coa tarxeta de compra do Corte Inglés…

Image

O Buduíño, un utensilio para poder masacrar salvaxemente as persoas que che fan a vida imposibel no día a día.

Image

O Resbalín. un marabilloso unguento para aplicar no teu cute e que TODO CHE RESBALE!!!

Image

O Casco inhibidor, que achegará a ti esas ansias de poder ás que non estás acostumado.

Image

O Buscador de descambiado, que xira e xira míais forte canto máis descambiado teña no bolsillo a tua vítima…

Image

E así chegamos ó fin desta obra, deixándonos emprazados para unha vindeira función nas cales nos darán as claves para sobrevivir a políticos e banqueiros…

Image

ATA LOGUIÑO!!!!!

Etiquetas: , , , , , , ,

Fotos do festival Bituindetris

12 Feb

A xente da Asociación Antrospinos de Taragoña, organiza todos os ano coincindo co Entroido un festival de imitacións. Nesta ocasión tivo lugar o pasado venres 8 de febreiro no Centro Cultural de Taragoña:

bituindetris

Basicamente do que se trata é de botar unhas risas e de os mellores imitadores repitan no Festival Antrospinos que organizan durante o verán.

Queremos darlle as grazas á Asocación, por cedernos as fotos que colgaron no seu facebook de tan incrible evento. A participación foi enorme, con 18 grupos e alí non collía unha alma máis. Vese que ano a ano o espectáculo chama a máis xente, e iso é algo moi a valorar, a labor de unión e de dinamización que fan este tipo de colectivos no noso concello.

Os gañadores, como podedes ver nas fotos, foron as nadadoras de natación sincronizada 🙂 De segundo quedou Miguel Bosé (vídeo), terceiro foi Bruno Mars, cuarto David Bustamante e Álex e quinta quedou Britney Spears.

bituindetris2 bituindetris3 bituindetris4

Etiquetas: , , ,

Fotos do Entroido na parroquia do Araño II parte

12 Feb

Colgamos novas fotos do Entroido celebrado no Centro Sociocultural do Araño, que nos cederon dende a propia Asociación de Veciños do Araño.

entroido1

entroido2

entroido3

entroido4

entroido5

entroido6

entroido7

entroido9

Velaquí a entrega de premios:

entroido10

entroido11

entroido12

E aquí facendo o augardente:

entroido13

Houbo cestas para os mellores disfraces na categoría de adultos. Colaboraron o bar Barbanza, bar Lino, bar Nova Era, bar Xens, panadería Soto, autoservicio Agrelo, Aliprox Costas (Outeiro) e Eroski (Rianxo):

entroido14

entroido15

entroido16

entroido17

entroido18

entroido19

entroido20

Etiquetas: , , ,

Fotos do Entroido na parroquia do Araño

10 Feb

O pasado sábado 9 de febreiro celebrouse no Centro Sociocultural do Araño o Entroido. De novo hai que felicitar á Asociación de Veciños por realizar tantas actividades e cohesionar dese xeito a parroquia.

A festa contaba mesmo cunha señora facendo as sobremesas típicas destas festas, nunha filloeira onde podía realizar sete filloas a un tempo. Iso si, non chegaron a nada 🙂

entroido_aranho

Pero tamén hai que agredecer o traballo de moitos outros veciños, que levaron orellas e mesmo filloas feitas na casa. Pero tamén se serviron patacas fritas, refrescos, viño…

Non obstante, os protagonistas foron os veciños e os rapaces disfrazados:

entroido_aranho (2)

Tamén houbo animación cun grupo de gaitas:

entroido_aranho (3)

entroido_aranho (4)

entroido_aranho (5)

entroido_aranho (6)

Houbo concurso de disfraces e, grazas á colaboración do bar Lino, do bar Xens, do bar Nova Era, da panadería Soto, da tenda Aliprox (Taragoña) e do Eroski de Rianxo, houbo cestas para os gañadores.

entroido_aranho (7)

entroido_aranho (8)

entroido_aranho (9)

entroido_aranho (10)

entroido_aranho (11)

entroido_aranho (12)

entroido_aranho (13)

entroido_aranho (14)

entroido_aranho (15)

Etiquetas: , , ,

Presentanción do libro “Herdeiros pola forza”

9 Feb

O dia 08 de febreiro ás 20:00 hrs. presentábase no colexio Brea Segade de Taragoña (Rianxo), o libro Herdeiros pola forza, da Editora 2.0.

O libro, e segundo os propios autores, revisa a conflictividade que existe entre a sociedade, o poder e o patrimonio cultural en Galicia.

Na biblioteca do colexio, ateigada de persoeiros tanto da bisbarra como vidos dende outros lugares, e durante duas horas, os autores  debullaron e explicaron o contido do libro e como foron facéndose coas historias que nel narran.

Manolo Gago, xornalista e coautor do libro.

Image

Xurxo Ayán, arqueólogo e coautor do libro.

Image

Image

Image

Image

Image

O mestre Jose Luís Dopico, (organizador do evento), deu por rematada a presentacion cunha chamada a outro dos nosos patrimonios, o noso idioma, a lingua que nos une como ben patrimonial. Logo convidou a tódol@s asistentes a uns pinchos de empanada nunha sala anexa á biblioteca do centro escolar.

Image

Etiquetas: , , , ,

Un mozo de Rianxo necesita a túa colaboración

7 Feb

Román, este rianxeiro de 20 anos, necesita a colaboración de todos nós para porlle solución a un feito que non o deixa vivir dende o pasado 24 de xaneiro. Neste vídeo podedes ver que aconteceu. Moi triste 😦

Etiquetas: , , ,

← Older Entries
Newer Entries →