Tag Archives: Isorna

Fotos da reitorial de Isorna

17 Xul

reitoral (2)

Hai un tempo publicamos por aquí imaxes do hórreo de Isorna, o terceiro máis grande de Rianxo. Pois ben, hoxe queremos colgar as imaxes do resto do conxunto do que forma parte, da fermosa reitoral onde podemos atopar pezas únicas como un retrete de pedra que daba directamente ao rego que discurría por detrás da finca, algo pouco habitual naqueles tempos.

Agradecerlle de novo ao arquitecto Carlos Henrique Fernández Coto e ao antigo sacristán da parroquia por poder gozar dunha visita única a un sitio realmente fermoso.

Seguir lendo

O Combo Dominicano, na Bacariza

13 Xuñ

Faltan poucos días para que chegue o verán e, con el, as festas e os bailes. Acabamos de ter festa no Pazo e tamén en Asados. E a cousa non para, porque este sábado 18 de xuño, na Bacariza (Isorna), tiran a casa pola fiestra traendo unha das orquestras de moda: o Combo Dominicano.

bacariza

Tamén estará a orquestra Samba a  partir das 23.00 horas. Pero, sen dúbida, os canarios serán o prato forte, xa que ademais arrastran tras súa unha lexión de fans e amantes dos merengues, bachatas e demais música latina. O dito, apuntade na axenda xa que o sábado pola noite na Bacariza hai festa rachada 😉

“Isto é un despropósito. Tomáronnos por tontos”

28 Feb

Os propietarios das fincas afectadas polo viaducto do AVE ao seu paso por Isorna están en pé de guerra. E non é para menos. Séntense enganados despois de dar todas as facilidades para construír unha obra que consideran de interese público. Sete anos despois, as fincas produtivas nas que levan anos traballando, son unha especie de pedregal que en nada se parece aos terreos que tiveron que deixar. E reclaman, como é lóxico, que a empresa deixe as fincas non de calquera maneira, senón intentando que queden en condicións moi semellantes a como se entregaron.

AVE (18)

Seguir lendo

O peirán de Quintáns

21 Nov

quintans

Velaquí o peirán de Quintáns, en Isorna. Non só é fermoso dende o aire, senón dende terra. Podes chegar por unha pista estreita que remata nun fermoso cruceiro e unhas vistas espectaculares do río Ulla.

O cabo de Trececruces

8 Feb

astrescruces

Documento da Xunta sobre as Tres Cruces

Por certo, que na punta de todo os cruceiros que aparecen son os da foto inferior.

As casas das cunchas rianxeiras

16 Nov

casa

Todos coñecemos de seguro a capela da Illa da Toxa. A súa gran peculiaridade é que está cuberta de cunhas de vieira. Aínda que no noso concello esa solución non é habitual, si que temos algúns exemplos parecidos.

Seguir lendo

O garaxe máis curioso de Rianxo

17 Out

Velaquí un curioso e moi ben pensado garaxe. En realidade son dous. Atópanse na parroquia de Isorna e, como vedes, é amplo e colle perfectamente un coche grande e todo o que se vos ocorra. Antes eran remolques dun camión e agora están reaproveitados como un espazo para gardar vehículos. Un dos remolques era do Froiz e outro dunha froitería. Así que xa vedes, baratos e funcionais 🙂

varias 2 042

varias 2 043

varias 2 044