Os amigos da Peña Ciclista Castro Barbudo organizan nin máis nin menos que a 17ª edición da súa tradicional Subida ata o monte que dá nome á súa asociación. Este ano, ademais, organizan unha andaina e a actividade será pola mañá, en concreto o domingo 12 de xuño.
Este pasado sábado, 28 de maio, tivo lugar o XI Serán de Rianxo, organizado pola asociación Vai de Roda. Hai que dicir que tiveron un mérito enorme, xa que ao mal tempo lle houbo que sumar que ese día foi a final da Champions. Non era fácil competir contra ese evento deportivo, pero xa vedes que houbo resposta e que a xente foi ata o Campo de Arriba a cantar, bailar e divertirse.
Na rúa do Medio xa dende primeira hora da tarde comezaron a traballar na elaboración das alfombras florais para celebrar o Corpus. Os preparativos iniciáronse moitas semanas antes, xa que xuntar todo o material e preparar algo así leva moito tempo, algo que a maioría non coñecemos.
Fernando Ponte Hernando, doutor en Mediciña e Cirurxía na USC e doutor en Historia da Ciencia na UdC envíanos esta fotografía. Como nos conta el mesmo hai uns anos publicou e presentou en Rianxo o seu libro sobre o Ángel Baltar Cortés. Por iso nos manda esta foto que lle cedeu a familia do doutor Miguel Gil Casares (1871-1931), a quién está dedicada.
Na foto pode lerse: “Villagarcía de Arousa. Playa de las Sinas. ¿? (Ballenóptero) que herido a tiros en Rianjo, vino a morir en riba playa el noviembre 1915”.
A historia, como sabedes, foi escrita no seu día por Rafael Dieste. E tamén foi recollida por Rabunho Rexeita, que sacou á luz as primeiras noticias sobre o tema, publicada en novembro de 1916, o cal non coincide coa data da fotografía. Pero, sen dúbida, é un documento único e de gran valor.
O Venres Santo a verdade é que o tempo non acompañou, polo que os actos máis destacados non se puideron celebrar polas rúas de Rianxo, senón dentro do tempo. Comezamos coas imaxes do Santo Encontro. Todas as fotos, de novo, foron facilitadas pola Irmandade da Paixón de Cristo, a quen lles agradecemos a súa xenerosidade.
De novo, agradecerlles á Irmandade da Paixón de Cristo que nos permitisen difundir as súas fotos.
O pasado sábado, 19 de marzo, o Club Piragüismo Rianxo-Toffe organizou en Rianxo a primeira regata da liga galega de kayak de mar. Participaron 268 deportistas pertencentes a 22 clubes galegos, toda unha marca. O gañador foi o Club de Mar Ría de Aldán.
Fotos do Domingo de Ramos en Rianxo. As imaxes son da Irmandade da Paixón de Cristo, a quen lle damos as grazas.
A Semana Santa 2016 de Rianxo comezou xa hai uns días, pero os principais actos van ter lugar esta semana. Mañá haberá vía crucis, o xoves pola noite procesión, mentres que o Venres Santo terá lugar o Santo Encontro, o Desencravo e o Santo Enterro.
Fotos de Rianxo 