O sábado 23 disputouse no campo de Vilas o segundo partido de liga dos prebenxamíns.
Nesta ocasión, a superioridade dos pequechos do Unión fíxose palpable e acadaron un resultado de 22-0!!!
Non arranca mal esta primeira toma de contacto dos nosos cativos co futbol, despois do empate na casa dos de Cesures. Agardemos que siga a racha e os nenos sigan divertíndose que, a fin de contas, é o que importan a estas idades.
Deixamos unhas poucas fotos do transcurso do encontro:
O pasado 31 de agosto, celebrouse na nosa localidade o V Trofeo Internacional Distribunosa-Concello de Rianxo. Nós estivemos alí, polo que temos en fotos algúns deses momentos do encontro e tamén a entrega de trofeos.
Houbo máis de 250 participantes de todas as idades e de moitos lugares (galegos e do resto de España, pero tamén de Francia, Cuba, Serbia, Inglaterra, Uzbekistán, Portugal ou Lituania), o que demostra a capacidade de convocatoria deste trofeo rianxeiro. Ademais, en Rianxo participaron tres Grandes Mestres Internacionais (a nivel mundial hai 1.420).
O sábado 16 de novembro, disputouse en Pontecesures o primeiro partido de liga dos prebenxamíns do Unión de Asados. Ás 13:15 do mediodía comezaba o encontro Cesures-Unión.
Nun partido entretido e non falto de polémica (expulsión do adestrador do Unión), o ambiente foi moi bo e os pequechos tanto do Cesures como os do Unión pasárono xenial e desfrutaron dunha xornada futbolística de moitísimo nivel, tendo en conta a curta idade que teñen estes cativos.
O Concello de Rianxo e o Club Atletismo Rianxo organizaron a I Carreira Popular Toffe – Concello de Rianxo.
Este evento estivo patrocinado por Cafetería Toffe e Soldesin:hos e colaboraron Cabreiroá, Eroski Center, ASPROMERI, Asteleiros Catoira, Serviocio e Deputación da Coruña.
Baixo unha incesaten choiva os mais de 500 participantes afanáronse en acadar a meta, e pese ó mal tempo tamén algún público se atreveu a presenciar en directo as carreiras.
Aquí vos deixamos un bo feixe de fotos do que foi dando de si a mañá.
Esta semana, en concreto o sábado 31 de agosto, terá lugar en Rianxo un evento de nivel, o V Trofeo Internacional Distribunosa Concello de Rianxo. Só hai que dicir que virán ata a nosa localidade que os mellores xogadores de Xadrez que se poden ver neste tipo de torneos. De feito, xa está confirmada a presenza do Gran Mestre Internacional cubano Arian González.
Calquera pode participar no toreno. Só ten que completar a inscrición ata o 29 de agosto, ben na web do Club de Xadrez Rianxo ou ben enviando un correo electrónico a escolaxadrezrianxo@gmail.com
Hai un feixe de premios para os gañadores. Así, o primeiro clasificado levará 500 euros e o trofeo Distribunosa, o segundo contará con 300€ e unha copa e o terceiro 200€ e un trofeo. Pero ata o 8º clasificado todos levan premio en metálico. Nos tramos de ELO tamén haberá ata 12 premios en metálico.
O evento terá lugar no pavillón municipal de Rianxo dende as 10.30 horas.
Dende o 18 de xuño xa está aberto o prazo para as actividades de verán do concello de Rianxo.
Así que os pais e as nais do concello, polo menos xa teremos onde ter entretidos os cativos no periodo estival.
Este ano, tráennos diversos trocos que non tiñamos outros anos:
O fío condutor será unha VIAXE ARREDOR DO MUNDO, con inicio e remate en Rianxo, e que pasará por tódolos continentes.
Aquí o resumo de toda a programación dispoñible: www.concelloderianxo.es/avoltaaomundo
Tamén, e para os que lles guste a música, a Banda Escola de Música de Rianxo, vai dar durante os meses de xullo e agosto uns obradoiros musicais polas parroquias de Rianxo, Taragoña e o Araño , orientados a rapaces e rapazas de entre 3 e 7 anos.
A pasada fin de semana, o xadrez rianxeiro conseguiu grandes éxitos. En primeiro lugar, o equipo feminino infantil do Club de Xadrez de Rianxo proclamouse campión galego. Aí é nada.
Estas mozas quedaron campioas galegas infantís, no concello de Sober, en Lugo. Resultados:
CLUB XADREZ RIANXO 2.5 – ESCOLA LUGUESA DE XADREZ 1.5
E.X. PONTEVEDRA 0.5 – CLUB XADREZ RIANXO 3.5
Pola súa banda, Jorge Méndez Rial, quedou primeiro na VII Copa Galicia Maristas 2013 co Circuíto Galego Escolar 2013, celebrado en Ourense o sábado 8 de xuño.
Este 15 de xuño terá lugar ás 17.00 horas o II Trofeo Castro Barbudo. A proba é puntuable en dous campionatos e realizarase nun circuíto de 5 quilómetros de lonxitude.
Os próximos días 6 e 7 de xullo as Juadalupeñas de Rianxo organizan un maratón de fútbol sala. O prazo de inscrición está aberto e hai catro premios máis que interesantes, de 800€ para o gañador, e de 500, 300 e 100€ para os seguintes.
Se queres inscribirte, aínda estás a tempo. Só tes que enviar un correo a cojurianxo@gmail.com ou ben chamar aos teléfonos 680473283 ou ben 680788892.
O pasaso domingo 2 de xuño, tivo lugar a III Travesía a nado “Vila de Rianxo”. A proba comezaba no peirao e facíase por fases, xa que había tres categorías, correspondentes a tres distancias: 900, 1.500 e 2.000 metros.
Fotos de Rianxo 