O pasado 21 de xuño, e no colexio ADR Castelao de Rianxo, tivo lugar a festa de fin de curso da ANPA Os Gudiños.
Alí, e xa dende as 11 da mañá, poidemos asistir a diversas actuacións, degustar ricas lambetadas, e mesmo mercar diverso material de artesanía. Ademais, houbo unha carpa onde servían churrasco e polbo.
A verdade é sempre me sorprendeu a programación cultural de Rianxo. Cada semana sempre hai moitas e diversas actividades. E o Auditorio é un bulir de representacións teatrais, exposicións, clases maxistrais, concertos… Como traballo na Coruña e a miña moza tamén, lamentablemente só podo baixar a Rianxo cada dúas fins de semana. Por sorte, desta vez puidemos vir o venres cedo, así que aproveitamos para acudir a unha desas actividades programadas, ao espectáculo do Mago Antón.
O domingo pasado tivemos a oportunidade de ver un ano máis o resultado do traballo de meses, por parte de moitas e moitos rianxeir@s que se afanaron en confeccionar as alfombras florais que tapizaron as rúas de Rianxo no día da festividade de Corpus.
Dende hai bastantes semanas, unha das noticias que ronda polas cabezas dos rianxeiros é quen vai ser o novo párroco. Como sabedes, o sacerdote Fernando Palleiro leva moitos anos oficiando misa e distintas cerimonias relixiosas na igrexa de Santa Columba, polo que é normal que haxa curiosidade en saber quen vai ser o novo sacerdote.
O ano pasado, con motivo do traballo para a exposición de Ruando Rianxo, quedamos cos deportistas do Clube de Remo de Rianxo. Xa puidestes ver na mostra unha gran foto deles, pero nesa sesión sacamos moitas outras que hoxe queremos compartir con vós.
Durante o mes de maio, a Concellaría de Servizos Sociais realizará unha campaña de recollida de produtos de limpeza e hixiene en colaboración cos centros educativos.
Necesítanse produtos como por exemplo deterxente, suavizante, lava pratos, lixivia, desodorizante, xel, champú, papel hixiénico, pañais, compresas, maquinillas de afeitar, pasta de dentes, xabón, e moitos máis….
Os produtos que se recollan repartiránse entre as familias do concello con menos recursos económicos.
Se queres doar algún produto de hixiene ou limpeza, pódelo deixar nos seguintes puntos de recollida:
– Escolas Unitarias do C.R.A. Rianxo
– Instituto Félix Muriel
– Escola Infantil
– Servizos Sociais
E se queres facer algunha doazón para as familias con menos recursos económicos, podes poñerte en contacto cos Servizos Sociais Comunitarios, que está na estrada de Tanxil, nº 12. Tamén podes contactar con eles no teléfono 981 860 061 ou ben no correo servizos.sociais@concelloderianxo.es
Poucos días despois do acontecemento, subimos raudos e veloces as fotos do martes de entroido que se celebrou o pasado 4 de marzo 😉
A Asociación Sociocultural Fogo Fatuo de Rianxo, en colaboración coa Área de Educación, Cultura e Normalización Lingüística do Concello de Rianxo, organiza o 4 de maio concerto-presentación do disco Once Badaladas da agrupación Alvariza. Será no Auditorio de Rianxo a partir das 19:00 h. Alí poderán mercarse as entradas (1€) e entrar no sorteo de 2 CDs de Alvariza.
Imos acabar hoxe a serie fotográfica da Semana Santa rianxeira 2014, coas fotos do Desencravo celebrado o venres pola tarde na Praza de Rafael Dieste.
Fotos de Rianxo 