Os amigos da Peña Ciclista Castro Barbudo organizan nin máis nin menos que a 17ª edición da súa tradicional Subida ata o monte que dá nome á súa asociación. Este ano, ademais, organizan unha andaina e a actividade será pola mañá, en concreto o domingo 12 de xuño.
O pasado venres, 3 de xuño, presentouse na Biblioteca Municipal de Rianxo a exposición “As Revistas Musicais dos anos 20”, vinte reproducións das portadas das revistas depositadas no Fondo Local de Música do concello de Rianxo.
Hai 15 días, o lugar de Pousada, no Araño, volveu recuperar o seu cruceiro, despois de que no ano 2009 se partise. O motivo foi un temporal, que provocou que caese ao chan, partíndose en varios cachos, como se pode ver nas imaxes.
Seguir lendo
Durante esta tarde a policía municipal de Rianxo acordoou parte da praza da Guadalupe. O motivo foi un exame de abellas.
Nun primeiro momento pensamos que podían ser avespas asiáticas, pero xa nolo desmentiron dende o Concello, polo que pedimos desculpas polo erro.
Ao pouco, chegou un apicultor, protexido totalmente cun traxe. Colleu algunhas abellas, coa raíña, e pouco a pouco o resto fóronse introducindo. Dese xeito xa se evita todo perigo na zona. A actuación, como vino, foi moi rápida.
O pasado 27 de maio, moitos veciños do concello estiveron no plató do Luar da TVG. Alí representaron a romaría do San Pedro de Vilas, cantaron e bailaron. Velaquí ese marabilloso momento. Estivo a xente de Vai de Roda, a agrupación Río de Anxo e a xente de Airiños.
Hoxe recollemos o que foron as creacións florais feitas polos veciños de Rianxo durante o domindo de Corpus. Moito colorido e moito traballo para estas efémeras obras de arte. Repasamos por zonas o que deron de si as alfombras.
Esta fin de semana, o campo de fútbol de Vilas, en Asados, acolleu o mellor fútbol. Os rapaces que seguramente nuns anos estean a xogar nas categorías superiores do fútbol, nos equipos máis recoñecidos e nas competicións máis esixentes, pasaron por aquí para deleitarnos co seu fútbol.
Este pasado sábado, 28 de maio, tivo lugar o XI Serán de Rianxo, organizado pola asociación Vai de Roda. Hai que dicir que tiveron un mérito enorme, xa que ao mal tempo lle houbo que sumar que ese día foi a final da Champions. Non era fácil competir contra ese evento deportivo, pero xa vedes que houbo resposta e que a xente foi ata o Campo de Arriba a cantar, bailar e divertirse.
Na rúa do Medio xa dende primeira hora da tarde comezaron a traballar na elaboración das alfombras florais para celebrar o Corpus. Os preparativos iniciáronse moitas semanas antes, xa que xuntar todo o material e preparar algo así leva moito tempo, algo que a maioría non coñecemos.
Fragmento dun monólogo de Víctor Grande feito na Coruña coa Rianxeira como tema principal 🙂
Fotos de Rianxo 