Habitualmente pensamos nesta época como meses fríos e grises. Pero realmente os matices e as cores desta estación con únicos. Nos montes de Rianxo pensamos habitualmente en piñeiros e en eucaliptos, que son de folla perenne, e están verdes todo o ano. Pero hai grande abundancia de carballos e cada vez temos máis castiñeiros, sobre todo á beira do río Te. Velaquí algunhas estampas do outono no noso concello.
Esta semana, Xusto Xosé Ordóñez Figueira, terceiro tenente de alcalde de Rianxo e concelleiro de Deportes e Patrimonio Histórico sorprendíamos ao publicar as súas nóminas. Fíxoo na súa páxina Rabunho Rexeita, para que así puidésemos coñecer de primeira man canto cobra polo seu traballo no Concello.
Velaquí o peirán de Quintáns, en Isorna. Non só é fermoso dende o aire, senón dende terra. Podes chegar por unha pista estreita que remata nun fermoso cruceiro e unhas vistas espectaculares do río Ulla.
Imaxe de Google
Mañá domingo, ás 10 da mañá, está convocada unha marca a pé que partirá de Isorna e chegará a Rianxo sobre as 12 horas. Trátase dunha camiñata en protesta pola eliminación do autobús que ía dende a Vacariza ata o instituto de Rianxiño.
Como podemos ler no blog Loqueyotediga, partirase da antiga escola da Vacariza para amosar o enfado por esta medida dentro da “política de recortes” levada a cabo pola Consellería de Educación, facendo fincapé en que de novo o rural se ve afectado.
Quen o desexe pode unirse á marcha para apoiar o obxectivo, que non é outro que os rapaces non teñan que realizar 45 minutos de ida e outros 45 de volta nunha viaxe que cansa aos estudantes, porque os pais destes mozos non se resignan a “que este recorte sexa definitivo”.
O pasado sábado celebrouse no centro sociocultural do Araño o tradicional magosto que organiza a asociación de veciños. Nesta ocasión asáronse preto de 40 quilos de castañas que estaban boísimas. Aquí podedes ver un pequeno resumo do que foi a xornada.
O Día de Defuntos é unha xornada moi especial para moita xente. É un día para ir ata os cemiterios, rezar aos que xa non están e lembrar o seu recordo. Centos de rianxeiros pasaron hoxe polos diferentes camposantos da nosa localidade, que contaban cunha estampa pouco habitual, con moitas luces e flores.
Quen ten ganas de castañas quentiñas? Pois mañá, 31 de novembro, no Araño haberá a fartar e de xeito gratuíto. Na Centro Sociocultural van celebrar o magosto, contando ademais con inchables e noso Magosto. Este ano pensamos nos máis cativos, polo que teremos inchables e tamén coa actuación de Fanfarra Títeres coa súa obra “A caixiña máxica”. O grupo A Restreva tamén animará a tarde e se queredes tomar algo na cantina, os prezos estarán tirados 😉
É, sen dúbidas, unha das citas deportivas do ano en Rianxo, non porque veñan corredores de todos os lados, senón sobre todo polo volume de xente que move o evento. Hai que pensar que o ano pasado se inscribiron máis de 900 persoas, e este ano agárdanse, alomenos, outras tantas. É a III Carreira Popular Toffe – Concello de Rianxo.
Velaquí unha foto antiga do cruceiro de Rianxiño. Ao principio pensamos que era o da praza da Igrexa, pero menos mal que está Xosé Comoxo atento para avisarnos do noso erro 🙂
Unha das librarías máis antigas de Galicia está en Rianxo. En concreto é a libraría Cándido. Hai documentos que a data de 1904, aínda que se cre que comezou a funcionar antes. Iso si, daquela chamábase “Establecimientos La Colmena” e tiña fíos, agullas e de todo un pouco.
Alí estivo a primeira imprenta de Rianxo, que era manual.
Fotos de Rianxo 