O pasado 24 de outubro celebrouse na bibloteca municipal de Rianxo o Día da Biblioteca 2014, coa segunda edición de acampada na mesma.Xa dende a tardiña, foron moit@s @s que se achegaron até o pazo do Martelo para desfrutar de Magín Blanco García que ofreceu un contacontos con música.
O pasado 1 de novembro celebrouse en Rianxo a II Carreira Popular Toffe-Concello de Rianxo.
Nunha mañá espléndida, foron moitas e moitos que se achegaron ata o noso concello para poderen desfrutar desta xa segunda edición da carreira. Á cita inscribíronse mais de 900 persoas contando tódalas categorías que comezaron xa a competir dende as 11 da mañá.
A carreira estivo organizada polo Concello de Rianxo, coa colaboración do Clube de Atletismo de Rianxo, e o patrocinador oficial foi a Cafetería Toffe.
Tamén patrocinaron o evento Construcións Oñial, J. Stop, Obras e Servizos, Soldesin:hos, Solucións e Deseños Integrais na hostalería, Conservas Cortizo, In9 Eventos, Grupo HM- Estacións de Servizo BP, ROT, S.L. Electricidade, Neumáticos Soto-Estación de Servicio MEROIL, Academia Castelao, Administración de Loterías “O Mexillón de Ouro”, IMAXE Rotulación, Centro Médico A Coviña.
No subministro dos avituallamentos estiveron EROSKI, Cabreiroá Disteva e Frutas Lozano.
E na parte de colaboradores estiveron A Deputación da CoruñaAquiafit, S.L. Piscina Municipal, Boiropadel, Protección Civil Rianxo, Protección Civil de Noia e o blog fotosderianxo.com.
Tamén participaron a Garda Civil, Departamento de Obras e Xardíns, Departamento de Turismo e o Servizo de Deportes
Deixámovos as táboas c@s premiad@ nas diferentes categorías:
E tamén as fotos que fixemos do podium para tódalas categorías:
Por último, deixámovos uns enlaces a uns álbumes en Flickr onde poderedes ver as fotos de tódalas carreiras.
Só nos queda por agardar que vos gusten as fotos. No caso de que vos vexades nalgunha imaxe na que non queredes saír, avisádenos ao correo fotosderianxo@gmail.com e pixelamos a imaxe.
Onte, 30 de outubro, ás 20:00 horas, deu comezo no Concello a aprobación inicial do Plan Xeral de Ordenación Municipal. Nun abarrotado salón de plenos, a corporación municipal deu a coñecer a grandes rasgos o plan que se remitíu á Xunta de Galicia e que agora, xa devolto ao Concello, se procedeu a votar.
Imos hoxe con dúas fotos que nos pasa Loli Yáñez (Acuarela Rianxo) que datan máis ou menos do ano 1955.
Na primeira delas aparece a avoa de Loli, Andrea a Xouba acompañada por Herminda con cinco grandes panelas do peixe.
Na segunda fotografía que nos cede Loli, podemos ver de novo a Andrea a Xouba, desta vez acompañada por Carmen a Montañesa, tamén coas panelas e podemos localizalas na rúa que une as rúas do Medio coa de Abaixo en Rianxo.
Moitísimas grazas Loli Yáñez por agasallarnos con estas dúas fermosas fotos.
O sábado 6 de setembro do 2014, quedou oficialmente inaugurada a exposición “De berros e olladas”, dos fotógrafos Marga Piñeiro Diaz, Enrique González e Isidro Cea no auditorio de Rianxo. A mostra plasma en imaxes un tema tan espiñento, e por desgraza tan á orde do día como é a violencia de xénero, lacra totalmente de actualidade en pleno século XXI.
O pasado 30 de agosto, durante todo o día, celebrouse no pavillón polideportivo de Rianxo o VI Torneo Internacional de Xadrez Concello De Rianxo. Houbo 310 inscritos, 90 máis que o ano pasado, polo que o evento medra ano a ano. Ademais, nesta edición contouse coa presenza de cinco Grandes Mestres (GM).
Na noite do 26 de agosto celebrouse no pavillón polideportivo de Rianxo un partido amigable entre o Santiago Futsal (http://www.santiagofutsal.com/) contra o FS Zamora (http://www.fszamora.com/).
O evento, de primeiro nivel , achegou a Rianxo, a dous equipos de primeiro nivel do futbol sala galego e nacional, e ademais tivemos a oportunidade de ver ó Santiago Futsal por primeira vez nesta tempada 2014/2015.
O partido, entretido en todo momento estivo dominado no marcador polo Santiago futsal, pero a falta de cinco minutos do final do encontro, o FS Zamora foi quen de empatar o partido, remantando este cun resultado de 2-2.
Seguidamente do partido procedeuse ó lanzamento de penaltis (Tres por equipo), nos cales o Santiago Futsal foi quen de impoñerse ó FS Zamora.
Para rematar, repartíronse trofeos tanto para o equipo gañador coma para o finalista.
O pasado sábado 23 de agosto tivo lugar na praza da Virxe da Guadalupe a clausura do X Ciclo de Bandas, a cargo do Trío Vahamonde, Lamas & Romero xunto coa Banda da Escola de Música de Rianxo.
Aquí vos deixamos unhas fotos que fomos facendo no transcorrer do concerto:
O venres 22 de agosto tivemos o enorme pracer de escoitar en directo ó grupo Barahunda. Este dúo formado por Helena de Alfonso e José Lara Gruñeiro, madrileños de nacemento e rianxeiros de adopción, estiveron desta vez acompañados á batería por Txema Mawenya.
Hoxe xoves, 14 de agosto, a partir das 20:30 h. na praza de Castelao celebrarase unha nova edición do Deporte na rúa, con actividades para tódalas idades: baloncesto 3×3, fútbol 3×3, bádminton, xogos tradicionais, tenis de mesa…
Na actividade colaborará AQUAFIT, empresa concesionaria da Piscina Municipal de Rianxo, que organizará actividade de fitness: zumba, spinning e remo-ergómetro.
As inscricións faranse na praza de Castelao no momento da actividade.
Fotos de Rianxo 