Segundo unha nota de prensa que nos enviaron, este pasado luns o Goberno Municipal de Rianxo convocou a tódolos arquitectos de Rianxo a unha xuntanza. A idea era reunirse co equipo redactor do Plan Xeral de Ordenación Urbanística (PXOM). O encontro durou dúas horas e media, e tamén estiveron Carlos Coto, o arquitecto responsable da Área de Rehabilitación Integral, así como cinco arquitectos, unha arquitecta técnica, e Adolfo Muíños e Carlos Gey.
O pasado sábado, 24 de xaneiro, tivo lugar no noso concello a presentación do libro Rianxo na ditadura franquista 1939-1979, dos historiadores Xesús Santos e Xosé Comoxo.
Este sábado 24 de xaneiro, ás 20.30 horas no Auditorio de Rianxo preséntase o libro Rianxo na ditadura franquista (1939-1979), dos rianxeiros Xosé Comoxo e Xesús Santos, editado pola Deputación Provincial da Coruña.
Segundo a presentación do libro, “estudar o acontecido en Rianxo durante os case corenta anos do franquismo era unha cuestión pendente. Os autores desta obra sabían que atoparían dificultades durante a investigación, por ser un tema que de por si provoca controversia, coa agravante de extravío ou ocultación deliberada de documentación. O froito dese traballo é este libro, no que debullan un sen fin de acontecementos que retratan a vida relixiosa social e administrativa presidida polo nacional catolicismo”.
“Estudan os primeiros anos da posguerra, os da fame e depuracións, así como a volta, lenta, ás diversións e aos pasatempos de sempre (bailes, danzas, comparsas, regatas marítimas, cine, fútbol…). Dedican espazo a descifrar o mandato dos diferentes alcaldes, ás ordes da Falanxe provincial, que, salvo excepcións, non destacaron nas melloras das infraestruturas, en parte debido á mala situación das arcas do Estado e das municipais”.
“O tema político tamén é abordado polos investigadores, sacando á luz certas diverxencias habidas dentro da organización falanxista”.
“Non se esqueceron do mundo do agro e do mar, tan importante para a economía local, e os seus diversos problemas. As campañas marisqueiras e os enfrontamentos mariñeiros, están presentes neste arduo traballo”.
Estes días estamos a ver noticias esperanzadores na prensa sobre o sector do xeito. No xornal Faro de Vigo indican que se aprobou un novo plan para a sardiña. O que pasa é que non está clara a cota para o xeito:
“El sector del ‘xeito’, por su parte, es cauto con la modificación de la orden que reserva parte de la cuota para esta flota aunque no concreta cuál a pesar de que los xeiteiros aspiran a que se les deje faenar todo el año. “Habrá qué esperar a ver la cantidad que nos reservan y qué tipo de gestión se hace de la pesquería”, afirmó el presidente de la Asociación Gallega de Armadores de Artes Menores (Asoar-Armega), José Luis Rodríguez. “La cantidad reservada así como la flota a la que vaya dirigida será fijada mediante resolución del secretario general de Pesca”, recoge el documento del Ministerio de Agricultura.
Rodríguez pide “proporcionalidad” en el reparto. “El xeito ha dejado claro que es un arte sostenible, por lo que espero que haya una cantidad justa y necesaria para mantener su actividad durante todo el año. Los xeiteiros no son los que agotan el recurso”, defendió”.
Pola súa banda, en El Correo Gallego xa se indica que hai 200 toneladas para o xeito:
“El patrón mayor de Rianxo, Miguel Ángel Iglesias, mostró ayer su satisfacción por la modificación que hizo el Gobierno central de la orden por la que se establece una plan de gestión para la sardina de las aguas ibéricas y la de la que fija un plan de gestión para los buques de los censos del caladero nacional del Cantábrico y Noroeste, que permite a los xeiteiros volver a pescar sardina tras casi cuatro meses de paro.
Iglesias dijo que la reserva de 200 toneladas para los xeiteiros “é unha boa noticia, aínda que non temos moi claros os detalles. A orden da a entender que se trata dun tope para todo o ano, polo que esa cantidade sería ridícula, tendo en conta que en Galicia hai 427 barcos xeiteiros”. El patrón añade que “quero pensar que son 200 toneladas só para cando haxa peche”.
Por último, hai varios días en Diario de Arousa tamén se falaba deste tema, e de como un par de barcos volveron á sardiñas, mentres que o resto vai á campaña do vou de bara.
Velaquí este vídeo que acabamos de atopar sobre como se presentou en Bruxelas, na Comisión Europea, o problema do xeito, unha arte de pesca tradicional que se confunde coa pesa masiva e destrutora doutro tipo de artes.
Por certo, que no facebook se creou a páxina “Salvemos o xeito” onde se poden seguir as últimas noticias relacionadas co tema.
Un total de nove vivendas de mestres, agora desocupadas, serán convertidas en vivendas Sociais en Rianxo
Adolfo Muíños lembrou esta mañá a obra social do concello de Rianxo neste ano. Aproveitou o momento para agradecer ao Colexio Castelao a súa labor voluntaria no reparto diario de comida. Entre 10 e 12 familias da zona con problemas para cubrir as súas necesidades básicas estanse a beneficiar desta obra social.
Tras saír o pasado mércores 3 de decembro no DOGA, xa se poderá consultar 0 9 deste mes a aprobación inicial do Plan Xeral de Ordenación Municipal. Esta primeira aprobación pasa agora á fase de consulta e alegacións da cidadanía, que terá dous meses para realizar calquera contribución o que crea oportuno.
Onte, 30 de outubro, ás 20:00 horas, deu comezo no Concello a aprobación inicial do Plan Xeral de Ordenación Municipal. Nun abarrotado salón de plenos, a corporación municipal deu a coñecer a grandes rasgos o plan que se remitíu á Xunta de Galicia e que agora, xa devolto ao Concello, se procedeu a votar.
Estado do firme por comunidades. Fonte: Asociación Española de la Carretera. 2014
Segundo un estudo da Asociación Española de la Carretera (AEC) realizado este ano, o estado do firme das estradas españolas é o peor dende que comezaron a analizalo en 1985. Os autores sinalan que hai un grave deterioro, ata o punto de que “actualmente as estradas españolas se atopan nun estado de conservación ‘deficiente’, rozando xa o ‘moi deficiente'”. Galicia, como se ve arriba, está entre as peores comunidades en canto ao estado do firme, xunto con Asturias, Navarra, A Rioxa e Aragón. Non obstante, somos das comunidades con mellores notas en canto a sinalización vertical ou barreiras de seguridade.
Pero neste blog centrámonos no noso concello, en Rianxo. Así que quixemos ver o estado das estradas rianxeiras, sobre todo a raíz dalgún tuit que nos chamou a atención:
Asi están as pistas en #Corques, despois imos todos as urnas, nn digo nada… @concellorianxo pic.twitter.com/YSeFwajBKr
— Mariola (@aloiram_) agosto 7, 2014
Grazas a un amigo meu, a Tato, descubrín unha aplicación moi interesante do xornal Cinco Días que permite coñecer a débeda de cada un dos concellos españois. Incluso é posible descargar un documento en pdf con todos os datos.
Fotos de Rianxo 