Tag Archives: Vanessa Martínez Durán

Resultados electorais de Rianxo 2015 por parroquias e pequena análise

25 Mai

O día despois das eleccións, xa cos datos na man, queremos analizar un pouco como se comportou o voto. Así que antes de nada, imos ver como se repartiu no ano 2011: Como vedes, o PP gañaba no Araño, Isorna, Leiro e Taragoña. O BNG facía o propio en Asados e Rianxo. Nesta ocasión, houbo cambios significativos: PARROQUIASO prieiro que vemo é que o BNG, ademais de Rianxo e Asados, sumou O Araño (seguramente polo efecto de Tito o Dulceiro). O PP, que era o máis votado en catro parroquias, mantivo unicamente Taragoña (de onde é Vanessa Martínez) como seu principal feudo. Mentres que o PSOE, que nas anteriores non foi a opción máis votada en ningunha parroquia, si o voi nesta ocasión en Isorna (de onde é Mari Carmen Figueira) e en Leiro. resultados2015En canto aos resultados, houbo dúas forzas que perderon votos, que foron PP e PSOE, deixándose un concelleiro cada unha polo camiño.

O voto estivo máis fragmentado, polo que entra no escenario Rianxo en Común, con dous concelleiros e 695 apoios.

Sinalar que o PSOE quedou tan só a 25 votos do PP, co cal a diferenza entre os dous foi mínima, pero PSOE ten un concelleiro menos.

O BNG nestas eleccións sumou 18 votos con respecto ás anteriores, co cal son un resultados positivos, ao ser a única forza que mantén.

Pola súa banda, o PP perde 752 papeletas con respecto aos anteriores comicios. E o PSOE déixase 368 apoios. Entendemos que aquí puido pesar a fragmentación do voto e que a candidata levaba pouco tempo á fronte do partido.

Con respecto a Rianxo en Común, había certa expectación, porque semellaba que podía fragmentar o voto de esquerda e dar máis porcentaxe de votos ao PP. Finalmente semella que non foi así e, esta formación recén creada, faise con dous concelleiros e 695 apoios, polo que as “mareas” non só teñen representación nas grandes cidades, senón tamén en vilas como en Rianxo.

Dito isto, queda saber quen vai estar á fronta da alcaldía. Semella, en conclusión, que vai gobernar de novo Adolfo Muíños, pero haberá que ver se con apoios puntuais ou ben repetindo no goberno co PSOE ao carón. Co PSOE e con Rianxo en Común semella que pode haber boa sintonía, pero o tempo o dirá.

Por certo, que nos faltaba falar de canta xente votou. En total houbo 6.448 persoas que depositaron a súa papeleta, un 66,64% dos electores. Houbo pola contra 3.228 persoas que se abstiveron (33,36%). Ademais, 154 votos foron declarados nulos (2,39%) e 86 papeletas (1,37%) foron en branco.

A participación foi tres puntos inferior ao 2011. Daquel votou o 69,44% dos que podían exercer este dereito (6.873 electores). Hai que ter en conta que a poboación baixou e, por esa razón, tamén os electores. Hai catro anos os votos nulos foron menos que nesta ocasión (118, o que equivalía ao 1,72% dos votos), pero o voto en branco foi moi superior (140 papeletas, é dicir, o 2,07% dos votos).

Advertisements

A entrevista a Vanessa Martínez, finalmente non puido ser

20 Mai

Como sabedes, a miña idea era poder entrevistar a todos os candidatos á alcaldía de Rianxo. Hai catro anos non puiden conversar con Carlos Gey (PSOE) e, nesta ocasión, a persoa coa que non puiden falar foi con Vanessa Martínez (PP). Neste caso, soliciteille a entrevista o 28 de marzo, ao que dixo que “sin problema”.

Seguir lendo

O estado das estradas rianxeiras

9 Set
Estado do firme por comunidades. Fonte: Asociación Española de la Carretera. 2014

Estado do firme por comunidades. Fonte: Asociación Española de la Carretera. 2014

Segundo un estudo da Asociación Española de la Carretera (AEC) realizado este ano, o estado do firme das estradas españolas é o peor dende que comezaron a analizalo en 1985. Os autores sinalan que hai un grave deterioro, ata o punto de que “actualmente as estradas españolas se atopan nun estado de conservación ‘deficiente’, rozando xa o ‘moi deficiente'”. Galicia, como se ve arriba, está entre as peores comunidades en canto ao estado do firme, xunto con Asturias, Navarra, A Rioxa e Aragón. Non obstante, somos das comunidades con mellores notas en canto a sinalización vertical ou barreiras de seguridade.

Pero neste blog centrámonos no noso concello, en Rianxo. Así que quixemos ver o estado das estradas rianxeiras, sobre todo a raíz dalgún tuit que nos chamou a atención:

Seguir lendo

Valoración do PP deste primeiro ano de goberno municipal en Rianxo

28 Mai

Con motivo de que se cumpre un ano dende que houbo eleccións municipais en Rianxo e un cambio de goberno no noso concello, quixemos preguntarlle á oposición, liderada por Vanessa Martínez Durán, como foron estes doce meses e como valora as actuacións da alcaldía de Adolfo Muíños.

– Como valoras este primeiro ano de goberno en Rianxo de BNG-PSOE?
– Un ano perdido, xa que non se solucionou o maior problema do noso Concello, pois seguen aumentando a débeda, como exemplo teñen que acceder ó Plan de Axuste do Goberno Central por unha contía de 1,2 millóns de Euros, o que os obriga a subir os impostos do IBI no 10% o primeiro ano, o 5% no segundo e o 8% no último ano. Por outra banda, prevese este ano, unha operación de tesourería por valor de 400.000 euros para pagar soldos, que hai que devolver neste ano. Todo isto engadido, á débeda que traen arrastrada dos 4 millóns de euros que se pediron no Plan de Saneamento do 2009, onde o Sr. Carlos Gey era o asesor do Alcalde e polo cal, actualmente estamos a pagar 1,1 millón de euros en intereses.

– Cales cres que son as principais carencias do concello ás que non se atenderon neste tempo?
– Ese é o problema, que neste ano non se lle dou solución a ningunha das carencias do noso Concello. Prometeron cousas tan necesarias como: o Centro de día, o saneamento integral en todas as parroquias, o Centro social,… e non se cumpriu nada do que prometeron

– Foi colaborativa a actitude da alcaldía con vós?
– En ningún momento.

– Como foi o voso traballo na oposición?
– Intentamos dar voz ó pobo transmitindo as súas inquedanzas e demandas non resoltas. A partir de aí, o pobo é quen ten que valoralo.

– Cales son as propostas/cousas que vos comenta a xente que son precisas en Rianxo?
– O que comentei anteriormente, Centro de día, o saneamento integral, un Centro Social, pero do que máis se queixan é da famosa promesa incumprida do BNG de facer unha auditoría externa no Concello.

– Cres que o PP de Rianxo seguiu crecendo neste último ano?
– Si, pois o goteo incesante de novos afiliados e colaboradores, así no lo amosa.

– Sodes o partido que máis importancia lle está dando ás redes sociais e mesmo potenciastes moito a vosa web poñendo información dos plenos. Considerades que son unha canle imprescindible para chegar á xente?
– A páxina web é unha forma de amosar a certos sectores poboacionais o que está pasando nos Plenos do noso Concello e as redes sociais é unha forma de estar en contacto coa xente para recoller inquedanzas. ¿Imprescindibles? Non, pois a maioría da poboación rianxeira non fai un uso cotián delas, ben porque non a usan a cotío ou ben porque en moitos lugares do noso Concello non chega a rede de internet. A pesar disto, nós vamos a seguir empregándoas porque o consideramos positivo.

– Cales serán os seguintes pasos do PP de Rianxo?
– Traballar, traballar e traballar por e para Rianxo.

Vanessa Martínez, a voceira do PP en Rianxo, coméntanos as súas impresións sobre a situación política en Rianxo

11 Xuñ

Hoxe houbo cambio de goberno en Rianxo, recaendo o bastón da Alcaldía no BNG tras un acordo co PSOE. Dende este blog contactamos con Vanessa Martínez, voceira do PP en Rianxo (a lista máis votada nas eleccións), para que valorase os resultados das eleccións e tamén a nova situación política en Rianxo.

– Como valoras o resultado das eleccións en Rianxo? Sorprendeuvos o resultado do PP?
O pobo por fin, perdeu o medo. Despois de estar gobernando o mesmo partido durante toda a democracia e tantos anos o mesmo alcalde, estas eleccións marcarán un antes e un despois en Rianxo. O Partido Popular recolleu novos votos polo castigo que recibiu o PSOE e que os rianxeiros decidiron darnos como premio a 4 anos de traballo, dunha oposición seria e rigorosa e dunha fiscalización minuciosa ao equipo de goberno.

– Que cres que aconteceu en Rianxo para que o PSOE pasase de ter maioría absoluta a ser a forza menos votada?
Unha deixadez total por parte do alcalde e do candidato que levaban, que era unha continuación del. Polo tanto, o descontento que había, foi reflectido polo pobo nas urnas.

– Que opinión che merece o pacto de goberno entre o BNG e o PSOE?
O afán do BNG pola alcaldía levouno a facer un pacto, que si é o que se di a prensa, nos deixa como estabamos. É a mesma escoba pero con diferente pau… E dicir, o Sr. Muíños dedicouse a criticar as contas do Concello durante 4 anos e á persoa que as levaba, e agora dálle esa concellalía a el. E por parte do PSOE, que vou dicir… dous días despois do resultado das eleccións din nos medios de comunicación que eles van a estar onde os puxo o pobo, que é na oposición, e agora desdinse a cambio do poder. Xogaron con Rianxo e cos rianxeiros. O BNG fai unha lectura errónea das eleccións dicindo que Rianxo votou a esquerda claramente, iso é relativamente certo pero porque en Rianxo se presentaron dous partidos de esquerdas e un de dereitas. Esa lectura só se pode facer se se presentasen o mesmo número de partidos coa mesma ideoloxía. Está demostrado que en Rianxo van a gobernar os perdedores, porque así o reflectiron as urnas.

– En algúns círculos comentábase que en caso de que o PP gobernase en minoría existía o risco de que sufrise unha moción de censura nun período de dous anos. Chegouvos isto a vós? Este feito era motivo de preocupación?
Era unha preocupación que tiñamos, que en canto trouxésemos proxectos da Xunta de Galicia, que se nos fixese unha moción para rematar eles a lexislatura. Pero tampouco era unha cousa que nos sacase o sono, porque nós o que queremos e que o pobo sexa o gran favorecido, goberne quen goberne.

– Cales serán os obxectivos do PP en Rianxo nestes próximos catro anos?
Facer unha oposición rigorosa, fiscalizando ao equipo de goberno minuciosamente. Imos estar ao lado dos veciños, dos que nos votaron e dos que non. Os intereses do Partido Popular, son os de todos os rianxeiros, que Rianxo estea no lugar que se merece e non no vagón de cola.

– Antes de facerse público o pacto entre o BNG e o PSOE, criades na posibilidade de que tiñades opcións de gobernar aínda que fose en minoría?
Si e non. Creemos que o que nos merecíamos era gobernar en minoría, como ben dixo o pobo. Pero sabendo das ansias de goberno que tiña o BNG sabiamos que accederían a calquera proposta que lles propuxesen dende o PSOE. A pesar de que nós non tivemos ningún tipo de contacto co PSOE, sabiamos que eles si querían pactar con nós, porque así nolo fixeron saber. Nós mantivémonos na postura que sempre dixemos de non pactar con ninguén, pero no caso de ter algunha toma de contacto co PSOE, isto custaríalle moi caro ao pobo de Rianxo porque o BNG ía acceder ao que fixese falta para pactar co PSOE, con tal de obter a alcaldía. O que si nos gustaría sería gobernar en minoría e con acordos puntuais co BNG, pero a eles non lles interesaba.

Resultados das eleccións municipais en Rianxo por parroquias

28 Mai

Un dos lectores deste blog (ao que lle agradezo publicamente o xesto) envioume o detalle dos votos nas eleccións municipais de Rianxo por parroquias.

En primeiro lugar lugar o que podemos ver é que o PP foi o parido máis votado no Araño (seguramente tivo moito que ver o traballo destes últimos anos da súa número tres, Nieves), en Isorna (practicamente dobrando en votos ao PSOE e ao BNG), en Leiro e en Taragoña (a candidata á alcaldía, Vanessa Martínez, é desa parroquia, polo que era algo bastante esperable).

Pola súa banda o BNG foi o máis votado en Asados (tres votos máis ca o PSOE, pero gañándolle a Carlos Gey na súa propia parroquia) e tamén en Rianxo (o candidato á alcadía, Adolfo Muíños, está moi vencellado a nivel cultural coas asociacións do lugar).

O PSOE vemos que non foi o máis votado en ningures e como moito puídose conformar con ser o segundo con máis papeletas no Araño, en Isorna, en Leiro e en Taragoña (pero en moitos destes lugares con poucas papeletas de diferenza).

Vemos que hai bastante polarización por parroquias entre os partidos máis votados. Así, no Araño o PP ten 176 votos máis ca o BNG, en Isorna esa cifra chega aos 212, en Leiro aos 46 e en Taragoña ao 95. Vemos que nas parroquias do rural é onde máis forza ten o Partido Popular (seguramente tamén se sente as máis esquecidas polo Concello) e tamén en Taragoña porque Vanessa é dalí.

Non obstante, no centro urbano é onde o BNG se perfila como o partido máis forte e onde logrou recurtar parte da desvantaxe fronte aos populares  noutros lugares: en Rianxo tivo 168 votos máis.

Entrevista a Vanessa Martínez, candidata á alcaldía de Rianxo polo PP

11 Mai

19.30 horas do domigo. Aparco o coche a 10 metros do Pontella. Na beirarrúa hai ducias de persoas charlando, seguramente comentando o mitin que o PP ofreceu hora e media antes e no que estivo Alfonso Rueda, o secretario xeral do PPdeG. Vexo a Vanessa de lonxe e decido achegarme. Está falando con alguén e, ao verme, xíranse. Decido presentarme (xa acordaramos a entrevista por correo) e imos a un reservado do restaurante. De fondo xoga Nadal con Djokovic polo que, mentres acendo a gravadora, sinto un deja vú. Velaquí case a práctica totalidade da entrevista.

Seguir lendo