A Agrupación Socialista de Rianxo mandou unha nota de prensa indicando que “Mari Carmen Figueira, candidata socialista á alcaldía de Rianxo en 2015 e 2019, e actual primeira tenente de alcalde do municipio, non encabezará de novo a lista do PSdeG nos próximos comicios de maio de 2023”.
Seguir lendo
Na táboa de arriba podes ver os resultados de 2015, cando se presentaron catro formacións ás eleccións locais.
Na táboa de abaixo podes ver de xeito completo e por parroquias os resultados destas eleccións 2019:
En Rianxo: era unha praza desputada, porque tanto Adolfo (BNG), como Germán (PP), Sara (Ciudadanos) e María Xosefa (CxG) viven ou traballan na vila. O BNG segue a ser a forza máis votada, pero perde 14 papeletas. Perden máis apoios o PP e o PSOE, mentres que os gaña Rianxo en Común e aparecen Ciudadanos e Compromiso por Galicia con máis de 100 votos, demostrando o apoio dos veciños destas noas candidatas.
En Taragoña: esta parroquia era feudo tradicional do PP (a candidata nos anteriores comicios, Vanessa Martínez é de aquí), pero desta vez o máis votado foi o BNG, aumentando en 65 os votos que tivera en 2015. Rianxo en Común sobe lixeiramente, baixan PP e PSOE e Ciudadanos supera os 100 votos.
En Asados: a formación máis destacada volve ser o BNG, a pesar de deixar 25 apoios. Destacamos o PSOE, que perde 77 votos e Rianxo en Común gaña 32 votos. Ciudadanos acada 29 papeletas e CxG , ao igual que nas outras parroquias fóra da vila, arredor dunha ducia.
No Araño: tamén era unha praza desputada, porque Julián (ReC) e o número 2 do PP son da parroquia, pero o BNG volve manter a hexemonía grazas en boa medida ao traballo de Tito (número 3 do BNG) estes anos, aínda que deixándose 5 votos. Os populares perden máis de 60 votos, os socialistas 50 e Rianxo en Común gaña 90 apoios.
En Leiro: mentres na campaña anterior votou polo PSOE como primeira opción, desta vez deixouse 70 votos e o BNG convértese na opción favorita dos veciños desta parroquia. O PP perde 30 papeletas, ReC sobe 5 apoios e Ciudadanos ten unha moi boa representación por número de habitantes.
En Isorna: de novo o PSOE é a forza máis votada, contando Mari Carmen Figueira co apoio dos veciños da súa parroquia. A segunda praza é para o PP, pero tanto populares como socialistas perden algo de apoio. O BNG suma 17 aopios con respecto aos anteriores comicios e ReC outros 14.
Como resumo xeral, o BNG suma 57 votos con respecto a 2015, pero non converte esta lixeira subida en máis concelleiros. O PP perde 296 votos e queda cun representante menos na corporación. O PSOE foi o que máis apoios perde, tendo 375 papeletas menos, pero mantendo a mesma representación. Rianxo en Común é o partido que máis sobe dos catro que se presentaron hai catro anos, con 201 votos máis. Ciudadanos entra na corporación con 354 votos (entendemos que boa parte deles do PP e algún do PSOE) e Compromiso por Galicia, a pesar de que na vila tivo un bo resultado, non consegue moitos votos nas parroquias e queda sen escano no Concello.
Compartimos con vós o cuestionario que lle realizamos a Mari Carmen Figueira, que se presenta a través do Partido Socialista (PSOE) á alcaldía de Rianxo.
Os seis candidatos á alcaldía de Rianxo participaron no día de hoxe nun debate organizado polo movemento veciñal Fousas ao Monte. No marco da I Romaría das Fousas, celebrada en Filgueiras (Taragoña), os aspirantes a facerse co mando do Concello expuseron as súas propostas en materia de medioambiete e de política forestal.
Acaba de celebrarse na televisión Canal Rías Baixas un debate entre catro dos seis candidatos nas eleccións municipais de Rianxo. Segundo puidemos saber, a norma do debate era que participasen os partidos con representación na actualidade no Concello, por iso non estaban os candidatos de Ciudadanos e de Compromiso por Galicia.
Sen máis, compartimos o vídeo no que participan Adolfo Muíños (BNG), Germán Allut (PP), Mari Carmen Figueira (PSOE) e Julián Bustelo (Compromiso por Galicia).
Continuamos coas valoracións dos líderes locais do que está a ser este primeiro ano de lexilatura tras as últimas eleccións municipais. Desta vez é a socialista Mari Carmen Figueira quen nos explica cales son as demandas que lle están a realizar ao goberno rianxeiro e tamén como viu os resultados das eleccións xerais en Rianxo, onde o PSOE creceu en votos.
Quixemos preguntarlle a todos os líderes das formacións rianxeiras que concurriron a estas eleccións municipais cal é a valoración que fan dos resultados e como ven o seu traballo nos próximos catro anos. A primeira en contestarnos foi Mari Carmen Figueira, do PSOE.
A socialista indica que “queremos facer unha valoración dos resultados das eleccións locais 2015 positiva, xa que aínda que baixamos un concelleiro, foi só por 25 votos. Temos que ter en conta tamén os escasos tres meses que tivemos para prepararnos que, como saben, foi a partir do falecemento de Carlos Gey, que era o candidato”.
Por este motivo, sinalan que “nese pouco tempo, fomos quen de intentar recuperarnos e presentarnos ante o noso pobo de unha maneira, cremos que, moi digna”.
Por outra banda, explica que “omos conscientes do resultado das urnas. O único interese que temos é traballar porque Rianxo progrese dende a posición onde nos toque a estar durante esta vindeira lexislatura”.
En relación ás noticias que saíron estes días na prensa da proposta do populares para que goberne o PSOE en Rianxo, di que “non imos aceptar a proposta do PP, porque acatamos os resultados das votacións dos rianxeiros e rianxeiras. Queremos ser útiles para Rianxo, pero dende a posición onde nos situou o pobo”. Por todo iso, reitera, “o noso único interese é contribuír co noso traballo a que no noso Concello haxa un goberno estable para conseguir que Rianxo teña todo o que merece e necesita”.
O día despois das eleccións, xa cos datos na man, queremos analizar un pouco como se comportou o voto. Así que antes de nada, imos ver como se repartiu no ano 2011: 
Como vedes, o PP gañaba no Araño, Isorna, Leiro e Taragoña. O BNG facía o propio en Asados e Rianxo. Nesta ocasión, houbo cambios significativos: O prieiro que vemo é que o BNG, ademais de Rianxo e Asados, sumou O Araño (seguramente polo efecto de Tito o Dulceiro). O PP, que era o máis votado en catro parroquias, mantivo unicamente Taragoña (de onde é Vanessa Martínez) como seu principal feudo. Mentres que o PSOE, que nas anteriores non foi a opción máis votada en ningunha parroquia, si o voi nesta ocasión en Isorna (de onde é Mari Carmen Figueira) e en Leiro. 
En canto aos resultados, houbo dúas forzas que perderon votos, que foron PP e PSOE, deixándose un concelleiro cada unha polo camiño.
O voto estivo máis fragmentado, polo que entra no escenario Rianxo en Común, con dous concelleiros e 695 apoios.
Sinalar que o PSOE quedou tan só a 25 votos do PP, co cal a diferenza entre os dous foi mínima, pero PSOE ten un concelleiro menos.
O BNG nestas eleccións sumou 18 votos con respecto ás anteriores, co cal son un resultados positivos, ao ser a única forza que mantén.
Pola súa banda, o PP perde 752 papeletas con respecto aos anteriores comicios. E o PSOE déixase 368 apoios. Entendemos que aquí puido pesar a fragmentación do voto e que a candidata levaba pouco tempo á fronte do partido.
Con respecto a Rianxo en Común, había certa expectación, porque semellaba que podía fragmentar o voto de esquerda e dar máis porcentaxe de votos ao PP. Finalmente semella que non foi así e, esta formación recén creada, faise con dous concelleiros e 695 apoios, polo que as “mareas” non só teñen representación nas grandes cidades, senón tamén en vilas como en Rianxo.
Dito isto, queda saber quen vai estar á fronta da alcaldía. Semella, en conclusión, que vai gobernar de novo Adolfo Muíños, pero haberá que ver se con apoios puntuais ou ben repetindo no goberno co PSOE ao carón. Co PSOE e con Rianxo en Común semella que pode haber boa sintonía, pero o tempo o dirá.
Por certo, que nos faltaba falar de canta xente votou. En total houbo 6.448 persoas que depositaron a súa papeleta, un 66,64% dos electores. Houbo pola contra 3.228 persoas que se abstiveron (33,36%). Ademais, 154 votos foron declarados nulos (2,39%) e 86 papeletas (1,37%) foron en branco.
A participación foi tres puntos inferior ao 2011. Daquel votou o 69,44% dos que podían exercer este dereito (6.873 electores). Hai que ter en conta que a poboación baixou e, por esa razón, tamén os electores. Hai catro anos os votos nulos foron menos que nesta ocasión (118, o que equivalía ao 1,72% dos votos), pero o voto en branco foi moi superior (140 papeletas, é dicir, o 2,07% dos votos).
Quedo con Mari Carmen na sede do PSOE, para estarmos tranquilos e non ter o típico ruído de bar de fondo á hora de transcibir a gravación. Ela leva o fío da conversa. Comeza falándome do debate televisado, de que a xente lle comentou que non parecía unha política, senón alguén normal, pero que se sente orgullosa diso e que en persoa sabe que gaña. Tamén me fala de que estes últimos anos estivo apartada da vida política por unha enfermidade e da responsabilidade que ten agora como cabeza de lista. De feito, xa fóra das preguntas, comenta que en Rianxo sempre houbo unha rosa gobernando e quere que volva.
Na canle de televisión Rías Baixas debateron os tres partidos con representación nas últimas eleccións locais (motivo polo cal non estaba Rianxo en Común). Participaron Adolfo Muíños (candidado do BNG), Mari Carmen Figueira (candidata do BNG) e Norberto Uzal (número 2 do PP).
Fotos de Rianxo 