Arquivo | Taragoña RSS feed for this section

The Navigator Company, a Ence portuguesa, terá a súa base en Rianxo

28 Dec

Acabamos de ter noticia de que a empresa The Navigator Company escolleu Rianxo como a súa sede en Galicia. A compañía papeleira portuguesa, que contaba en 2012 cunha facturación anual superior aos 1.500 millóns de euros, mercou hai pouco unha grande extensión das parcelas dispoñibles no polígono de Te. De feito, como puidemos comprobar, os operarios xa levan días traballando na base das novas instalacións.

Seguir lendo

Fotos da I Andaina de 25 km do Barbanza

2 Out

IMG_8617

O domingo 1 de outubro tivo lugar a  I Andaina de 25 km do Barbanza, organizada por Barbanza Vintedouspes, coa colaboración do Concello de Rianxo. Apuntáronse preto de 200 deportistas a esta cita deportiva que partía dende Campo Maneiro, en Taragoña.

Seguir lendo

Andaina Campo Maneiro – Pico Muralla

22 Set

A próxima semana, o domingo 1 de outubro, en Rianxo celébrase a I andaina de 25 km do Barbanza. Conta coa organización do Club de Montaña do Barbanza Vintedouspés e iníciase ás 9 da mañá de Campo Maneiro.

Seguir lendo

Fotos do III Slálom Concello de Rianxo

6 Set

IMG_7414

Por terceiro ano consecutivo as rúas do polígono de Te convertéronse nun circuíto no que demostrar non só quen é o máis rápido, senón quen é o máis hábil ao volante.

Seguir lendo

Fotos da XVIII Subida Castro Barbudo

7 Ago

BTTCastroBarbubo2017 018

Un ano máis a Peña Cicloturista Castro Barbudo celebrou a súa proba máis veterana, que chegaba á maioría de idade. Desta vez chegou con novidades, xa que en lugar do sábado á tarde se desenvolveu durante a mañá do domingo. Ademais, había dúas categorías, a habitual marcha cicloturista, duns 31 quilómetros, e unha ruta de 62 kilómetros, puntuable para o Open De Galicia Xcm.

Seguir lendo

Fotos e crónica do II Trail Subida Pico Muralla “Concello de Rianxo”

25 Xul

IMG_3147

O 23 de xullo tivo lugar o II Trail Subida ao Pico Muralla, organizado polo Concello. En Rianxo déronse cita preto de 120 participantes. Saíron de Setefogas polo paseo marítimo ata o paseo do río Te, para chegar a preto do Pozo Bastón e, dende aí, subir e subir ata o Pico Muralla. Nin máis nin menos que 670 de desnivel, un exercicio non apto para todas as pernas.

Seguir lendo

Por que levar un neno a un dos colexios rurais de Rianxo?

7 Xul

No noso concello, as escolas de Cuvide, do Cruceiro, de Outeiro, da Capela, do Pazo, de Rañó, de Abuín e de Quintáns, forman parte dos Colexios Rurais Agrupados de Rianxo. A ANPA Irmáns Insua que aglutina estes colexios, lanzou un vídeo co de “animar as familias a matricular os seus fillos nas escolas do CRA, xa que algunhas debido, á baixa matriculación teñen o risco de pechar. Algo que sería unha pena”.

Hai que lembrar que lembrar que no 2013 pechou a da Vacariza, antes pechou a de Buía e hai unhas semanas coñeciamos a triste noticia do peche de varias escolas en Galicia, algunhas delas con moitos nenos.

Nesta ocasión as nais e pais cóntannos que tal a súa experiencia nestas escolas, que nada teñen que envexar a outras grandes.