Hoxe cólgovos aquí unha imaxe impresionante do monte do Araño. Ao fondo, sobre o Pico Muralla, vense unhas nubes preciosas que lle dan ao ceo un toque máxico.
As casetas dos pescadores ou o Bingo
27 MarEn Rianxo hai bastante sentido do humor, por iso, ás novas casetas dos pescadores que fixeron os de Portos chámanlle o Bingo. Creo que non fai falta dar explicacións, non si?
Vista da vila de Rianxo
25 MarComo estes días está a facer moi bo tempo, é unha gozada contemplar como a vila de Rianxo se mira no mar.
Concello de Rianxo
Fotos antigas: a matanza do porco
23 MarPolo de agora, neste blog só puxen fotos recentes de Rianxo. Pero como non só quero plasmar o que é o Rianxo actual, senón tamén dar unha visión do que era antes, hoxe déixovos un recordo imborrable, unha foto desas de famila que atopei nunha viaxe a Bos Aires, visitando a familia. Aquí aparecen a miña bisavoa (a que está sentada), a miña tía avoa, os meus tíos (os nenos que están en cada esquina), o meu padriño (o que está no colo de miña bisavoa) e un curmá de meu pai (o segundo pola esquerda). Todos en familia para celebraren un día de festa: a matanza do porco.
A capela de San Bartolomeu
21 MarUnha das edificacións singulares de Rianxo é a capela de San Bartolomeu.
Está situada no porto de Rianxo, ao carón da lonxa e dos edificios onde os mariñeiros gardan os seus apeiros de traballo.
Polo que sei, antes estaba situada nun illote ao que se podía acceder cando baixaba a marea. Pero como en todas as vilas costeiras, fóiselle gañando terreo ao mar e agora é totalmente accesible dende a vila.
A praia de Tanxil
17 MarParece que o bo tempo vai animando á xente á ir á praia. Esta fin de semana a praia de Tanxil, en Rianxo, xa foi collendo vida.
Dous gatos mariñeiros
17 MarVelaquí vos deixo unha foto que saquei na desembocadura do río da Grenla, entre Rianxo e Leiro. O título do post non podía ser máis axeitado 😀
O pazo dos Baltar
16 MarO pazo de Baltar está situado nun dos mellores lugares de Rianxo: fronte ao mar e xusto enriba da praia de Tanxil. De feito, se paseades pola praia, isto é o que veredes.
Como vedes, ten unha frondosa vexetación. O certo é que a día de hoxe é un lugar abandonado, xa que a familia Baltar non vive no lugar, senón que vén de ramos en pascoas.
O certo é que se trata de un casería imponente que leva anos en Rianxo e que pertence a este rica familia que, polo que sei, viven en Santiago. Polo que oín por aí, seica o cabeza de familia era médico e de aí lle viñan os cartos.
Cólgovos tamén unha foto da entrada da casa. Dicirvos que no seu día a xente viña sacar aquí as fotos da súa voda, porque a cousa lucía.
A Rianxeira
9 MarNon, este post non é para falar desa coñecida marca de atún, senón do monumento á muller rianxeira. Como sabedes, Rianxo é porto pesqueiro. E aínda que de coller os peixes se adoitan encargar os homes, a tarfa de vendelos recae nas mulleres. Así que aquí o monumento á muller rianxeira, coa súa patela na cabeza cargadiña de xoubas (as máis ricas da ría de Arousa).
A praza da Igrexa ou praza de Rafael Dieste
27 FebXusto no casco antigo de Rianxo podemos unha pequena praza á que todos os rianxeiros chamamos a praza da Igrexa (se se pode buscar algo sinxelo, para que complicarse a vida, non?), aínda que dende o Concello está bautizada como praza de Rafael Dieste. Forma un bonito conxunto coa igrexa de Santa Columba, o cruceiro e o pazo de Martelo, que ata hai ben pouco era a biblioteca municipal.
Nas fins de semana de verán, cando fai bo tempo, a xente adoita ir á terraza que hai na praza polas mañás e ver como se casa a xente na igrexa. Ata o lugar chegan os coches coas mozas a piques de casar e suben polas bonitas escaleiras do santuario.
Igrexa de Rianxo Santa Columba
O pazo de Martelo
Fotos de Rianxo 