Calquera tempo pasado foi mellor! Así nos comeza explicando Merchi Pimentel de que se trata a “Xuntanza de Asados”, que este ano celebrou a terceira edición. A idea, certamente é moi boa, xa que “xurdiu dun encontro de amigos e amigas da infancia de entre os cales algúns, por distintos motivos, viven fora da “tribu” (Asados)”. Así que agora, unha vez ao ano, intentan quedar e lembrar vellos tempos.
Xuntanza de Asados 2014
6 Ago
Noites de Jazz 2014 (I)
1 Ago
Xa van alá dous días das Noites de Jazz 2014 no Concello e estamos en pleno ecuador de concertos, xa que aína quedan outras dúas xornadas máis. E asegurámovos que estas noites de calor nas que apetece saír e dar unha volta, a praza de Rafael Dieste é un sitio idóneo para pasar un bo rato. E se por enriba podemos escoitar música da talla do que estamos a ver, que mellor!
Cartel das festas do Araño 2014
31 XulEsta fin de semana, os días 1, 2 e 3 de agosto celébranse as festas do Araño. O venres será a festividade do Carme, o sábado o Santísimo Sacramento e, para rematar, o domingo celebrarase a festa da Virxe dos Milagros coa misa grande ás 13.00 horas. Ese día, pola tarde, haberá xogos para nenos e unha divertida festa da escuma.
Actuarán as orquestras Brujas, D’Noche, Abanico, Terranova, Alcázar e o trío Unión y Fuerz. Aquí vos deixamos o cartel para quen queira desfrutar:
Quedada para ganchillar
30 Xul
O pasado 25 de xullo, tivo lugar a I Quedada para ganchillar. A idea, de Pepa Martinez Vicente, consistía, desta vez en confeccionar un chal para a estatua da rianxeira, que está na praza de Padrón, coméntanos Pepa que esta será a primeira de outras quedadas, pois xa andan a bulirlle pola cabeza outros proxectos creativos…
Á iniciativa sumouse tamén o colectivo Entreagullas, a ONG Implicadas no Desenvolvemento, e a ONG Solidariedade Galega co Pobo Saharaui (SOGAPS).
Feira do Libro de Rianxo (presentacións libros I)
28 Xul
Xa rematou a Feira do Libro de Rianxo deste 2014, e imos coa subida de fotos dos actos que fomos cubrindo.
Feira do Libro de Rianxo (inauguración)
27 Xul
O xoves 24 inaugurouse a feira do libro de Rianxo, acontecemento que acae no noso pobo por segundo ano consecutivo, a feira poderá visitarse ata hoxe domingo, 27 de xullo.
Roteiros Teatralizados
26 Xul
Durante a Feira do Libro de Rianxo, estanse a celebrar uns roteiros teatralizados polas rúas de Rianxo. Aínda queda unha función máis, hoxe sábado ás 11:00 da noite, na rúa de Abaixo. Estas funcións están realizadas polos Quinquilláns, teatro de rúa, saíndo da praza de Castelao e percorrendo as casas de Manoel Antonio, Castelao, Dieste e rematando na biblioteca.
Aquí vos deixamos unhas fotos da función do xoves pola noite para, se non o fixeches, te animes a vir desfrutar do teatro na rúa:
Cruceiro de Pastoriza I
25 Xul
Este é un dos fermosos cruceiros que podemos atopar na aldea de Pastoriza, en Taragoña. Ten un gran pedestal sobre o que se asenta e arriba, podemos observar a figura de Cristo e, de costas, a da Virxe.
Fotos de Rianxo 