O pasado sábado 23 de maio celebrouse a décimosexta edición da Subida Ao Castro Barbudo organizada pola Peña Cicloturística Castro Barbudo de Taragoña.
Tag Archives: Taragoña
O próximo sábado, XVI Subida o Castro Barbudo
15 Mai
Xa te podes apuntar para participar na XVI Subida ao Castro Barbudo, que terá lugar o sábado 23 de maio en Taragoña. Ademais, rematará cunha churrascada espectacular, como cada ano. Para repoñer ben as forzas despois das pedaladas 😉
O prezo este ano será de 12 euros (festa final incluída), tanto para federados como non federados. Disporase dun avituallamentos un sólido e doutro líquido e todos os inscritos entrarán no sorteo de varios regalos.
Ás 3 da tarde en Campo de Pazos comezarán as inscricións, e ás 16.00 horas comezará a proba. Se vos gusta a bici de montaña, non deixedes de ir, que ademais dos montes de Taragoña, Rianxo e Lousame formaredes parte dunha proba que leva 16 anos, que se di pronto.
Taragoña, a parroquia enfrontada coa Igrexa Católica (parte 2)
26 Abr
Onte explicábamos aquí como, alá polo ano 1968, chegara a Taragoña un cura que se gañou a todos os veciños e a toda a parroquia: Vicente Sampedro. Só botou alí dous anos, porque a Igrexa o mandou para Sobrado dos Monxes. E iso foi tomado coma unha afrenta, como unha mensaxe de que a xerarquía eclesiástica non aceptaba ese tipo de curas, de que non se querían clérigos que non cobrasen, que mirasen pola xente, que botasen unha man aos máis necesitados. E Taragoña reaccionou, como era lóxico, dando as costas á Igrexa.
Taragoña, a parroquia enfrontada coa Igrexa Católica (parte 1)
25 Abr
Hoxe queremos lembrar unha historia que aínda segue a dar que falar en Taragoña. E iso que xa van alá varias décadas, en concreto 45 anos. Pero foi un tema tan profundo e que callou tanto nesa parroquia, que aínda hoxe en día hai veciños que cando morren non fan funeral: entérranse directamente sen pasar pola igrexa e sen a cerimonia do funeral.
María, lavando á man nun lavadoiro de Taragoña
8 Xan
Hai varias décadas, cando non existían electrodomésticos e había que lavar a roupa, os lavadoiros eran un punto de referencia para a veciñanza. Alí xuntábanse as mulleres coas sabas, roupa interior, pantalóns e saias para fregar e refregar contra a pedra, dándolle con xabón e cepillo. No noso Concello hai moitos lavadoiros e, aínda que parezan cousa do pasado, aínda hai xente que os usa.
Seguir lendo
O esteiro de Beluso dende o aire
23 Out
Entre Cespón, Bealo e Taragoña, atopamos o fermoso esteiro de Beluso. Como curiosidade, comentar que a zona ten unha temperatura media anual duns 14ºC.
> Documento do Plan de Ordenación do Litoral de Galicia da Xunta sobre o esteiro de Beluso.
Incidente no XIII Autocros O Castro 2014 de Taragoña
17 OutAlucinante o que pasou o outro día en Taragoña. Os pilotos deberían ter un pouco máis de coidado, porque xa é complicado o que pasa ao volante, como para poñerse a pelexar no medio da pista.
Entrevista con Carmen, A Pachina
25 Ago
Se dicimos Carmen Meda Ces, de seguro que pouco saben de quen falamos. Pero se a identificamos como Carmen A Pachina (6 de novembro de 1932) de seguro que todo o mundo a recoñece. O ano pasado foi unha das persoas que formaban parte da exposición de Ruando Rianxo. Hoxe, queremos facer pública a conversa que tivemos con ela, e que se nos perdera xunto cunha gravadora que agora atopamos. É unha persoa con carácter, que demostrou que a muller é o sexo forte sempre e cando lle deixan traballar e facer cousas. Ata andou ao estraperlo e foi a primeira fémina na zona en conducir en coche. Coñecémola un pouco máis.
Fotos e vídeos da XV Subida o Castro Barbudo
25 Mai
O pasado 17 de maio, celebrouse a XV Subida ao Castro Barbudo. Nin máis nin menos que 15 anos dunha proba na que os participantes coñecen os montes rianxeiros e, nesta edición, tamén os de Lousame.
Fotos de Rianxo 