Grazas á presentación do libro de Arcos Moldes de Comoxo e de Santos descubrín que Rianxo ten un himno, que foi interpretado alí en directo pola Aula de Cultura Musical da Galiza da UNED Senior en Rianxo.
Arquivo | cultura RSS feed for this section
O himno de Rianxo
11 MarPresentación do libro “Arcos Moldes, mestre sen escola”
10 Mar
O pasado sábado, 4 de abril, tivo lugar no auditorio de Rianxo a presentación do libro Arcos Moldes, mestre sen escola. Trátase dunha revisión, máis detallada e con máis información da biografía publicada en 1994 por Xosé Comoxo e por Xesús Santos. Levaban varios anos traballando nesta obra, que agora ve a luz grazas á Deputación da Coruña e ao Concello de Rianxo.
Imaxes do entroido no CRA Rianxo Irmáns Ínsua, celebrado en Leiro
1 Mar
Este ano o entroido vén cargadiño de fotos. Desta vez é a ANPA do Colexio Rural Agrupado Irmáns Ínsua de Rianxo quen nos facilita as imaxes da festividade. Este ano os centro a celebración tivo lugar na escola de Abuín, en Rianxo. O CRA de Rianxo abarca as escolas rurais de Cuvide, Cruceiro, Outeiro, A Capela, O Pazo, Rañó, Abuín e Quintáns.
O Día do Deporte Choqueiro 2017
28 Feb
Un ano máis, no pavillón de deportes de Rianxo, celebrouse o Día do Deporte Choqueiro, organizado pola Concellaría de Deportes. Aquí vos traemos algunha imaxe das actividades, xa que ademais de inchables os nenos puideron montar en triciclos, xogar a derribarse ou botar partidas en videoconsolas.
Programa de entroido en Rianxo 2017
25 Feb
Non perdas ningún dos eventos que hai programados no concello estes días. Destaca como sempre o concurso de carrozas en Taragoña, a festa de entroido no Araño e o baile en Isorna, así como as actividades no centro de Rianxo.
Entroido no colexio de Rianxo 2017
24 Feb
E aquí temos tamén os disfraces dos cativos de Rianxo. Baixo o lema da biblioteca, “Comer e ler, fante crecer” este ano desenvolveuse a temática desta celebración. Así que trunfou a cociña. Os galegos en xeral e os rianxeiros en particular somos de bo dente, así que don carnal tivo a súa particular homenaxe a través da comida, dos produtos típicos galegos e de programas que están a triunfar entre pequenos e non tan pequenos. E por suposto, ademais de bos alimentos, que na casa non falten grandes libros.
Así foi o traslado e a misa de corpo presente de Castelao en Bos Aires
24 XanDe novo a Aula de Cultura Musical da Galiza (Uned Senior Rianxo) volve ofrecernos un gran documento na rede. Desta vez o traslado dos restos de Castelao polas rúas de Bos Aires e a misa de corpo presente na basílica de Santa Rosa de Lima, ao tempo que se entrevista ao presidente do Centro Galego da capital arxentina e a Luís Sobreira, Presidente do Instituto Argentino de la Cultura Gallega.
Encontros de folclore en Rianxo
28 Out
Fin de semana cargadiña de actividades grazas a Vai de Roda, quen organiza ata o domingo os Encontros de Folclore do venres 4 ao domingo 6.
I Mostra de teatro afeccionado Alter Ego
11 Out
O domingo pasado dou por finalizada a Mostra de teatro afeccionado Alter Ego organizado pola Agrupación teatral Criaturas e co patrocinio do Concello de Rianxo, Toffe Rianxo, Zona Comercial A Martela e a Diputación da Coruña.
Polo escenario do auditorio Rianxeiro e durante duas semanas pasaron agrupacións da talla de Ditea coa obra Animaliños, Vacaloura teátrica con Mousike e as Kronomusas, Pinchacarneiro Teatro con L, Grupo de teatro Airiños con Hoxe non se paga e para rematar a Agrupación Teatral Criaturas coa obra O Paxaro de Osiris
Comezou a función cos agradecementos por parte de Criaturas, a intervención da concelleira de Cultura do Concello de Rianxo Raquel García e a entrega do premio a Airiños, premio que foi outorgado por votacións efectuadas nas diversas funcións da mostra e feitas polo público asistente.
Deixámovos a continuación unha serie de fotografías feitas durante a obra O Paxaro de Osiris:
Novo curso en Vai de Roda
27 Set
Vai de Roda comeza o novo curso. Podes apuntarte a clases de acordeón e gaita, pandeireta e canto, percusión e gaita e tamén baile.
