Arquivo | festas RSS feed for this section

Fotos das Festas da Guadalupe 2011: a procesión

16 Set

Teño que confesar que o domingo pola mañá, vendo o mal tempo que facía, non pensei que houbera procesión. É máis, a miña moza mesmo me comentaba que seguramente a misa se fixera na igrexa e non na capela, como acontecera anos atrás. Pero non, a misa foi no lugar de sempre e a procesión saíu á hora prevista. Un día despois comentáronme que durante a mesma houbo unha estampida da banda de música de Catoira, que notou dúas gotas e marchou. A verdade é que me parece pouco profesional pola súa parte tendo en conta que se en Rianxo sacan o máis prezado para moitos, a Virxe, eles terían que acompañala tamén.

O caso é que como vedes, en lugar de sol, ese domingo había moitos paraugas.

Iso si, cada vez imos máis modernizados ás procesións e nin faltan as zapatillas de Nike 😀

A diferenza da banda de música de Catoira, os da banda de gaitas Buxaina de Taragoña si que estiveron en todo momento acompañando á Virxe.

Se saes nalgunha destas fotos e che gustaría tela en grande ou ben queres que a retire do blog, escríbeme a oscar.reboiras@gmail.com

Etiquetas: , , ,

Fotos das Festas da Guadalupe 2011: a festa da escuma

15 Set

A diferenza doutros anos, nos que Rianxolandia e a festa da escuma se celebraba coincidindo co último día das celebracións, o venres, desta vez, por mor do recorte dun día, a cousa pasou ao sábado. E aínda que a xornada amenceu gris e con algún que outro chuvasco, ao final animouse un montón de xente.

Se por algún casual saquei a túa foto aquí e che gustaría tela en calidade grande ou ben queres que a retire porque non che fai graza que a publique, escríbeme a oscar.reboiras@gmail.com

Isto de meterse coas gafas non sei eu se é moi bo 🙂

Velaquí os bombeiros en acción e un feixe de xente con ganas de auga:

Hai que ter coidado coa escuma porque pica, e senón que llo digan a este rapaz:

Durante a festa detectouse algún submarino co periscopio levantado:

Iso si, houbo quen foi voluntariamente á festa e houbo a quen tiveron que obrigar a desfrutar da escuma 🙂

Iso si, aos rapaces como que lles soubo a pouco e se vían apenados cando os operarios comezaban a limpar:

Da celebración vou destacar algunhas anécdotas. A primeira é que mentres ducias de mozos e non tan mozos se mollaban na escuma, había quen pasaba de refilón por alí para casar:

E tamén había quen quería tomar algo no Guadalupe mentres desfrutaba da sesión vermú e vese que debía levar zapatos novos que intentaban evitar o contacto coa escuma:

Por último, un espontáneo que se subiu durante a sesión vermú ao palco da orquestra Océano e que non tivo máis ocorrencia que… baixar completamente os pantalóns!! E si, eran as dúas e pico do mediodía, non da noite :O

Etiquetas: , , ,

Fotos das Festas da Guadalupe 2011: o chupitaso

11 Set

Uno máis os rianxieros comezamos estas Festas da Guadalupe de Rianxo 2011 con moitas ganas. Infinidade de xente nova na praza de Castelao tiña ganas de despedir o verán como se merece e todo o mundo estaba desexando que soara o chupitaso e comezara a festa. Ao pregón creo que cada vez se lle fai menos caso, aínda que este ano o escritor Anxo Angueiro o traballou moito. Pero os máis novos están para outras cousas e cada vez o chupitaso é máis unha mestura entre a festa da auga e a do viño, e mesmo hai pistolas de auga e todo. Ademais, é raro estar no Campo de Abaixo e non rematar mollados.

Velaquí algúns momentos do chupitaso.

Etiquetas: , , , ,

Festa do Mexillón 2011

16 Ago

A pasada fin de semana celebrouse a Festa do Mexillón de Rianxo. O certo é que esta festa cambiou moito nos últimos anos e, mentres antes se facía pola tarde e estaba pensado para os turistas, agora colleu unha maior dimensión e dura toda a fin de semana, conta con moitas actividades e mesmo actuacións musicais. De todos os xeitos, foi unha lástima o tempo, porque o domingo debeu ser dos peores días do verán.

Eu paseime por alí o sábado ás 11 da noite e este era o ambiente.

Etiquetas: ,

A festa dos Milagros do Araño 2011

8 Ago

Como cada primeiro domingo de agosto, na parroquia rianxeira do Araño celébrase a festividade da Nosa Señora dos Milagros. Hai misas cada hora, dende as 8 da mañá, pero sen dúbida, a que ten maior afluencia é a da 1 do mediodía, na que se realiza unha pequena procesión que remata coa imaxe da Virxe na igrexa parroquial. Velaquí as imaxes deste ano.

Remato a serie de imaxes, coma sempre, co posto das sandías 🙂

Como nota curiosa, comentar que pola tarde, o meu pai e máis eu quixemos ir en bicicleta polo monte (aínda que tivemos que volver mollados coma pitos). O caso é que baixando do Vilar (cando faltaba un quilómetro para o campo de fútbol), atopámonos co camión da orquestra Passarela, que nos preguntou se había máis arriba algún sitio para dar medio volta ao tráiler. O que non sei é como non deron volta directamente no campo das festas ¿?

Etiquetas: , , ,

O Festival Antrospinos 2011

3 Ago

Antes de nada teño que dicir que este foi o primeiro ano que fun ao Festival Antrospinos (e iso que ía polo cuarto capítulo) e teño que dicir que estou moi impresionado. Sinceramente non me esperaba que tiveramos aquí ao lado, en Taragoña, un festival deste nivel: moitos grupos de todas as partes do mundo (ademais de músicos galegos pasaron polo festival artistas de Portugal, Arxentina, Barcelona ou Andalucía).

Pero sobre todo, o que me sorprendeu foi a organización. Había unha zona de acampada bastante amplia e con moitas tendas (o meu pai comentoume que o venres o pararan catro mozas portuguesas para preguntarlle por onde se ía ao festival).

O escenario era enorme, o cartel do máis variado e o lugar dos concertos estaba valado. A entrada era totalmente gratuíta pero non se permitía facer botellón, así que había un par de gardas de seguridade controlando que a xente non trouxera alcol. Entendo que era un xeito de poder afrontar os gastos do festival, porque no recinto a organización tiña as súas propias barras con bebida. Pero certamente quedoume a dúbida de se cos patrocinadores que teñen no cartel (a construtora Fuentes Esperante, a de pozos Tarrío&Suárez, a de polvo Fesba e a de autobuses Muíños) e co que puideron gañar entre bebidas e unha pequena tenda con artigos do Festival Antrospinos puideron cubrir todo.

Sinceramente, a miña felicitación aos organizadores, agardo que cada vez se coñeza máis o Festival Antrospinos e que dende o Concello se apoie a súa continuidade.

No perfil do facebook do Festival Antrospinos tedes un feixe de fotografías do evento, e recoméndovos que vos deades unha volta por alí, porque están moi ben. E eu tamén vos deixo algunhas que saquei do sábado. Estes son os andaluces Canijos Sin Fronteras, que cantaban a todas as Maris habidas e por haber: Maricarmen, Mariconchi… 🙂


E estoutros son os lisboetas Gilbert’s Feed Band, un grupo que intentaba irradiar alegaría e bo rollo no seu espectáculo:

Etiquetas: , , , ,

Un día menos de Guadalupe

13 Xul

Segundo confirman dende a páxina de facebook da Comisión de Festas da Guadalupe de Rianxo, este ano nas festas haberá un día menos 😦

Comentaran hai tempo que ían intentar que continuasen os mesmos días, pero vese que finalmente os cartos non deron para tanto e supoño que o último venres dirá adeus. Isto é o que comentan eles:

“…finalmente non puido ser, xa que os gastos increméntanse e os cartos non dan para máis. En breve emitiremos un comunicado explicando a decisión. Pero que iso non vos afecte: a menos días, diversión máis concentrada!”.

 

Etiquetas: , ,

Fotos das festas da Guadalupe de Rianxo 2010

12 Nov

Velaquí tedes acceso a todos as fotos da Guadalupe do ano 2010. Se saes nalgunha foto e queres que cha pase en calidade alta (ou ben queres que a retire do blog), por favor, ponte en contacto comigo no correo que está arriba de todo, ciclando na pestana “Info”.

Etiquetas: , , , ,

Fotos das festas de Guadalupe de Rianxo 2010: o último día

8 Nov

E cun pouco de pena chegamos ao remate das festas.  Pero para o ano máis e que non falte ninguen.
Aquí vos quedan as últimas fotos onde podedes ver distintos momentos ao longo da noite: a cantata da Rianxeira coas vengalas, o chocolate con churros,  a festa ata as nove da mañá (aínda que este ano acabou un pouco antes debido a uns “graciosos” que a última hora se dedicaron a cortarlle a luz á orquestra) e moito alcol. Vamos, que de novo as nosas felicitacións para a xente da Comisión de Festas, porque este ano as festas foron de novo as mellores!

Aínda que igual non se poida apreciar moi ben, este home leva un par de globos atados á súa coleta. Para quen non o saiba, a rapaza é Dora la Exploradora, e el estaba explorando as combinacións de distintas bebidas espirituosas.

As festas fan que nos convirtamos en máis amigos:

“Espero que os xelos non nos senten mal, que sempre pasa o mesmo”.

Hai, o que une unha boa botella de viño. O amor, que xorde así, cando menos o espera un:

Ata os confederados viñeron ás festas 😀

O chocolate con churros este ano tomámolo a iso das 5 da mañá no Refugio. Para a nosa pena o Toffe non estaba aberto (o ano pasado estaba riquísimo e saiunos moi barato). Do cholocate do Refugio non hai queixa, pero dos churros si: auténticos ladrillos en tiras. Estaban durísimos, todo o mundo estaba flipando, porque había que ter bos dentes para abordalos e non morrer no intento. De feito, eu saín do local para ir compralos a unha churrería e recibín aplausos por parte dunha mesa.

Velaquí un auténtico festeiro rianxeiro ás 8 da mañá, fresco como unha leituga:

O atuendo destoutro tampouco é menos curioso: o que queda dunha guitarra desas que venden os marroquís e un modelo de gafas que arrasaron estas festas. Creo que moito non vía (a foto está moi pixelada porque a saquei de moi lonxe e tiven que aumentar o detalle).

A que é apetecible? Creo que o que se vía no Banco Pastor ás 9 da mañá estaba rico, rico:

Algúns, con tanta festa, volveron á súa infancia:

E pola mañá podíase ver esta estraña estampa: mentres algúns se erguían e comezaban a ler o xornal, outros aínda non tiñan claro que facer, se tirar para a cama ou seguir.

Está claro que se as igrexas fosen bares, non lle faltarían fieis 😉

Etiquetas: , , , , , ,

Festas da Guadalupe de Rianxo 2010: a festa da escuma

8 Nov

Como non podía ser menos, este ano tamén houbo moitos nenos e grandes (aínda que destes menos ca noutros anos) na festa da escuma que se celebra na praza de Castelao. Iso si, pouca escuma e moita auga por parte dos bombeiros 😀

Etiquetas: , , , , ,

← Older Entries
Newer Entries →