Hoxe, pola mañá presentouse no Concello o curso de verán, que organiza a Universidade da Coruña a semana próxima (14-18 xullo), en Rianxo.
Na presentación estiveron presentes Adolfo Muíños (alcalde de Rianxo), Carlos Gey (concelleiro de Urbanismo), Carlos Henrique Fernández Coto (responsable da Oficina de Rehabilitación do Concello), Xosé Manuel Vázquez Mosquera (director do curso) e Sandra González (secretaria do curso).
O pasado 21 de xuño, e no colexio ADR Castelao de Rianxo, tivo lugar a festa de fin de curso da ANPA Os Gudiños.
Alí, e xa dende as 11 da mañá, poidemos asistir a diversas actuacións, degustar ricas lambetadas, e mesmo mercar diverso material de artesanía. Ademais, houbo unha carpa onde servían churrasco e polbo.
Un ano máis, hai que felicitar a Comisión de Festas de San Pedro de Vilas polo estupendo traballo que fan. É unha celebración nun marco incomparable, pero que moitos rianxeiros aínda non coñecen pola propia localización do lugar, pero que paga a pena visitar e vivir, porque hai un ambiente inmellorable. Ademais, a organización gastou máis de 2.000 euros en actuacións musicais, o que amosa o traballo e o esforzo realizado.
A verdade é sempre me sorprendeu a programación cultural de Rianxo. Cada semana sempre hai moitas e diversas actividades. E o Auditorio é un bulir de representacións teatrais, exposicións, clases maxistrais, concertos… Como traballo na Coruña e a miña moza tamén, lamentablemente só podo baixar a Rianxo cada dúas fins de semana. Por sorte, desta vez puidemos vir o venres cedo, así que aproveitamos para acudir a unha desas actividades programadas, ao espectáculo do Mago Antón.
Este vindeiro sábado e xa dende as 10 da mañá, celébrase a tradicional romaría do San Pedro de Vilas.
O domingo pasado tivemos a oportunidade de ver un ano máis o resultado do traballo de meses, por parte de moitas e moitos rianxeir@s que se afanaron en confeccionar as alfombras florais que tapizaron as rúas de Rianxo no día da festividade de Corpus.
A cantante María Xosé Silvar, Sés, foi a gañadora do premio Leixaprén, que recoñece a defensa e promoción da lingua galega. Sés, considera como a grande innovación artística da música galega, resultou ser a máis votada polos
Equipos de Normalización e Dinamización Lingüística dos centros de ensino polo uso cotián e a defensa e promoción que fai da lingua galega.
O pasado 30 de maio, tivemos a oportunidade de asistir no salón de actos do auditorio de Rianxo, á presentación do libro de poemas “Remontar o río” da nosa veciña e grande escritora Helena Villar Janeiro.
A ensenada de Rial, en Leiro, é un sitio estupendo para pasear. Non obstante, cando baixa a marea podemos ver que serve como tumba para moitas gamelas e embarcacións antigas que o tempo e o uso acabaron por liquidar. Entre a area e o fango, emerxen os esqueletos de madeira do que antano era unha chalana para ir ás fanecas, para ir ata barcos máis grandes ou para moverse preto da ría.
Fotos de Rianxo 