Tag Archives: adolfo muíños

Debate na televisión dos candidatos de Rianxo

1 Mai

Na canle de televisión Rías Baixas debateron os tres partidos con representación nas últimas eleccións locais (motivo polo cal non estaba Rianxo en Común). Participaron Adolfo Muíños (candidado do BNG), Mari Carmen Figueira (candidata do BNG) e Norberto Uzal (número 2 do PP).

Fotos e crónica da presentación do libro Rianxo na ditadura franquista

27 Xan

_MG_0482

O pasado sábado, 24 de xaneiro, tivo lugar no noso concello a presentación do libro Rianxo na ditadura franquista 1939-1979, dos historiadores Xesús Santos e Xosé Comoxo.

Seguir lendo

O estado das estradas rianxeiras

9 Set
Estado do firme por comunidades. Fonte: Asociación Española de la Carretera. 2014

Estado do firme por comunidades. Fonte: Asociación Española de la Carretera. 2014

Segundo un estudo da Asociación Española de la Carretera (AEC) realizado este ano, o estado do firme das estradas españolas é o peor dende que comezaron a analizalo en 1985. Os autores sinalan que hai un grave deterioro, ata o punto de que “actualmente as estradas españolas se atopan nun estado de conservación ‘deficiente’, rozando xa o ‘moi deficiente'”. Galicia, como se ve arriba, está entre as peores comunidades en canto ao estado do firme, xunto con Asturias, Navarra, A Rioxa e Aragón. Non obstante, somos das comunidades con mellores notas en canto a sinalización vertical ou barreiras de seguridade.

Pero neste blog centrámonos no noso concello, en Rianxo. Así que quixemos ver o estado das estradas rianxeiras, sobre todo a raíz dalgún tuit que nos chamou a atención:

Seguir lendo

Galardón a Adolfo Muíños

4 Xan

O alcalde de Rianxo, Adolfo Muíños, acaba de ser galardoado co premio “Osíxeno”, pola Asociación para a Defensa Ecolóxica de Galiza, ADEGA. Segundo esta organización, é merecente deste premio “pola valente decisión de abandonar SOGAMA e a incineración e solicitar a incorporación á Mancomunidade do Barbanza para compostar os residuos urbanos”.

adolfo

Un ano máis, e van xa 13 edicións, ADEGA fai públicos os premios OSÍXENO e DIOXINA para recoñecer as actuacións de persoas ou colectivos a prol do ambiente (premio OSÍXENO) ou en contra (premio DIOXINA). En 2009 instituiuse o premio OSÍXENO DE HONRA para subliñar toda unha traxectoria de compromiso co ambiente e a cultura do país, que na súa primeira edición recibíu D. Isaac Díaz-Pardo.

Dende aquí queremos agradecer a Adolfo por amosarnos que pasiño a pasiño un outro mundo é posíbel!!!

Presentación do libro Sobre Ruinas

27 Dec

O pasado 13 de decembro presentouse no Auditorio de Rianxo Sobre ruínas, o novo poemario de Xesús Rábade Paredes, escritor cospeitense, pero rianxeiro de adopción.

Imaxe

Seguir lendo

O trial galego ten o seu maior patrocinador en Rianxo

11 Mar

O pasado sábado 09 de marzal levouse a cabo na vila rianxeira a presentación dun dos equipos máis fortes agora mesmo do trial galego.

O Club Motociclista Teo, presentou a súa “armada” de pilotos trialeiros que este ano agardan acadar o máximo de títulos posibles nas categorías nas que participan.

Pois ben, o acontecemento veu recaer en Rianxo porque o máximo patrocinador deste ano é o TOFFE, o cal, rexentado polo emprendedor David Alcalde Costas se encargará de prover os pilotos de todo o “avituallamento” que fai falla nun longo ano de competicións.

Á presentación asistiron moitos dos pilotos que conforman o clube motociclista como Víctor Pérez, José A. Botana, Javier Neo, J. Carlos Waldomar, Manuel Mella, Alberto Fernández, Luís Piñeiro, Pablo Gontán, Álvaro Pérez, Martín García, Brais Mirón, que competirán dentro do Campionato Galego de Trial. Así mesmo, tamén estiveron arroupados polo presidente do Clube, o longamente coñecido no mundo do trial, Casimiro García.

Image

Ó evento tamén acudiu o alcalde de Rianxo Adolfo Muíños, ó cal tanto David Alcalde como Casimiro García lle estiveron comentando a posibilidade de para o ano 2014 desputar unha proba do campionato galego de trial aquí en Rianxo, e co incomparabel fondo da ría de Arousa de fondo da proba, ó cal o alcalde se comprometeu a valorar o tema e poñer á disposición do clube o posibel para que isto ocorra.

Image

Deixamos unhas fotiños de dous dos pilotos deleitando ó público alí presente con diversas cabriolas á lombos das súas motos.

Image

Image

Resaltar que, a primeira proba do campionato se acaba de celebrar o día 24 de febreiro no Entrimo e na cal os pilotos barbanzáns do clube acadaron bos logros como o Segundo posto de J. Carlos Waldomar, e Javier Neo, que acabou cuarto na categoría TR35.  En TR4 quedaron ás beiras do pódium os pilotos Álvaro Perez e Brais Mirón, que acadaron os postos cuarto e quinto respectivamente nesta categoría.

Deixamos tamén unhas fotos cedidas pola organización nunha proba do campionato.

Image

Image

Agardemos que a conversa mantida entre patrocinador, presidente do clube e alcalde de Rianxo cheguen a bo porto e para o ano poidamos desfrutar no noso concello dunha proba do Campionato Galego de Trial.

O latexo das prazas

1 Mar

No día de hoxe, inaugurouse no auditorio de Rianxo a exposición O Latexo das prazas. Unha exposición fotográfica que organiza e promove o Concello de Pontevedra a través da Concellería de Promoción Económica Emprego e Turismo.

Image

Na escolma de fotografías podemos ver as distintas visións de 12 fotógrafos profesionais dos medios de comunicación pontevedreses das prazas da cidade.

Estes fotógrafos son, Rafa Fariña, Javier Cervera-Mercadillo, Mónica Ferreirós, David Freire, Gonzalo García, Ramón Leiro, Gille López, Albá Sotelo, Noé Parga, Carlos Puga, Miguel Vidal e Xan Xiadas.

Image

Image

A exposición vén acompañada dunha publicación en papel, coa orixinal idea de que cada foto ten ó mesmo tempo e tamén dentro do libro, unha postal reproducindo a mesma imaxe.

Image

Tamén podemos disfrutar dunha vídeo-proxección de dous vídeos de Diego Pons:

-Pontevedra é un amor.

-Viaxando con Diego.

Image

Á inauguración asistiron a modo de presentación a Concelleira de Promoción Economía, Emprego e Turismo, Carlota C. Román García  e Raquel Abolo. Dende o concello de Rianxo así mesmo asistiron o alcalde Adolfo Muíños, Adelina Ces e María Teresa Sobradelo.

Image

Engadir tamén que a exposición escomeza o percorrido por toda Galicia e resto do estado eiquí en Rianxo, para voltar dentro dun ano outra vez á cidade do Lérez, e pasar a formar parte do arquivo fotográfico do concello.

O alcalde de Rianxo, na Deputación da Coruña

20 Xuñ

Adolfo Muíños, alcalde do noso concello, previsiblemente será deputado provincial a finais deste mes. Que vos parece a noticia?

Valoración do BNG deste primeiro ano de goberno municipal en Rianxo

13 Xuñ

O alcalde de Rianxo, Adolfo Muíños, valora como foi este primeiro ano á fronte do goberno municipal.

– Como foi este primeiro ano de Goberno en Rianxo?
– Pois tocounos vivir un dos períodos máis críticos da economía mundial neste século. A ninguén se lle escapa que isto está a ter enormes repercusións sobre o global e tamén máis no local: recortes nas achegas das administracións aos concellos en moitas materias, anulación ou reformulación de proxectos, falta de investimentos do Estado e da Xunta, anulación de proxectos inmobiliarios (e perda de ingresos), falta de créditos para emprendedores e empresas… mentres rebaixan os recursos aumentan as demandas en axudas sociais e a atención a desfavorecidos.

E todo cun equipo de goberno novo que está a aprender a marchas forzadas a navegar no peor momento dos concellos da democracia. A situación hoxe obriga a ser moi prudente cos recursos, a priorizar e tamén a pospoñer proxectos que nos gustaría poder encamiñar, ou a ralentizar actuacións que quereriamos facer axiña. Por exemplo limpeza de camiños e pequenas obras no rural: onde a Xunta subvencionaba o ano pasado 18 operarios este ano avisa que só serán 6. O traballo así reséntese.

– En que cousas se avanzaron e que cousas quedaron pendentes de facer?
– Temos tres anos por diante, seguro que iremos avanzando en máis aspectos conforme vaiamos madurando como equipo e se vaia desbloqueando a situación económica que afoga o país. Tamén expliquei nun dos últimos plenos que as contas do concello, tal como está planificado o pago das débedas a longo prazo, terán un marco moito máis favorábel a partir do 2015. De pagar un millón anual pasaremos a 300.000 e axiña a menos de 190.000 mil, co que se liberarán moitos cartos para investimentos e gastos correntes que até entón están presos dos compromisos bancarios. Este é o mandato que nos tocou vivir: o da crise.

E, de todos é sabido que hai investimentos que non dependen da vontade do Concello: teñen que intervir outras administracións como a Xunta ou a Deputación. Falo do Centro de Día, con proposta do noso concello dunha parcela en Rianxiño para que o faga, ou o saneamento e abastecemento do Araño. Só con cartos de fóra se poden facer, pero isto é aquí e en todos os lados, igual que se subvencionou en Boiro, Lousame, Dodro, Pobra… a Xunta debe comprometerse con Rianxo. É de xustiza polos seus habitantes. O Concello pon un terreo seu e de balde, non é mala oferta! Estamos a facer os deberes e petando en moitas portas: consellerías, direccións xerais, consorcios,… o problema é que, segundo din, tamén eles teñen as contas xustiñas e non hai porque non crelo.

Acabamos tamén de solicitar da Mancomunidade Serra do Barbanza un estudo de custes dunha nova recollida do lixo, pois entendemos é o máis respectuoso co medio ambiente e ofrece un nivel de separación e xestión mellor que a incineración en SOGAMA. Cando teñamos os datos tomaremos a decisión.

Non desboto nada do programa a priori, só que está a custar máis do que se pensaba e obrigando a ralentizar actuacións, estudar moi ben onde investir, buscar recursos e non asumir competencias a maiores que lastran a actuación municipal. É algo que estamos aprendendo a diario: un bo baño de realidade!

– Houbo boa sintonía co PSdeG?
– Si, penso os dous partidos, BNG e PSdeG, entendemos que era necesario avanzar cun único proxecto colectivo e poñerse á fronte do Concello con sensatez e sentido común neste contexto actual. Non hai outra, as dificultades existen en todos os concellos, da cor que sexan, non coñezo a ninguén que teña varas máxicas polo que toca vogar na mesma dirección.

– Dende o PPdeG din que a súa actitude non foi colaborativa con eles. Como a valora vostede?
– Eu entendo que cada quen ten que xogar un papel. E á oposición de Rianxo tócalles exercer de oposición e salientar as diferenzas e o negativo máis que o que positivo. Reciben comodamente nas súas casas antes de cada pleno informes, propostas, actas… Acceden libremente aos funcionarios municipais para preguntar, informarse…

A min tocoume ser oposición municipal e estar o BNG no goberno da Xunta con Pérez Touriño. O papel que xogou o BNG na oposición de Rianxo foi facilitar tamén determinados investimentos que eran bos para Rianxo, non atrancar portas, senón abrilas. Pero vexo que entendemos de distinta maneira a política e a maneira de exercer de oposición.

Tamén vexo que fan moito fincapé na falta dunha auditoría despois das eleccións. Certo, non se fixo, porque a mellor auditoría é a que acabamos de realizar, mandando todas as contas e as débedas a que as fiscalice, estude e aprobe o Ministerio de Facenda do PP en Madrid. O mesmo estamos a realizar coa Xunta de Galicia e o Consello de Contas. Os concellos hoxe están perfectamente estudados.

Co proceso do Plan de Axuste mandamos todas as facturas do 2011 e anteriores a Madrid dando pé a que as empresas reclamen senón aparecen na lista! Pero como dixen antes, a cada quen lle toca xogar un papel e o o do PP en Rianxo é ser oposición e, polo tanto, parecerlle mal que se busque saír adiante.

– Tamén comentaron dende a oposición que quixeron solicitar un crédito ás súas costas, no último momento e en contra do consello da interventora municipal. Que ten que dicir a este respecto?
– Cando máis de 4.000 concellos de todo o Estado se acollen a uns plans de axuste promovidos polo goberno de Rajoy, aprobados logo polo Ministerio de Facenda do PP, no que incluso abren un prazo novo para os que non se lles aprobou nos plenos… dicir que é ás súas costas paréceme incríbel, cando se aproba nun pleno público ao que deberían ter asistido.

Outra cousa é que, isto sábeno, os prazos do Ministerio para acollerse ao Plan de axuste e solicitar o crédito foron tan reducidos e cambiantes que houbo que convocar plenos en horas, dun día para outro e elaborar contas, plan de axuste, pago a provedores… E isto obrigaba a aumentar o ritmo de traballo do goberno e da oposición e claro, eran moitos plenos. Afortunadamente, o Plan de axuste de Rianxo foi aprobado polo goberno de Madrid.

Dicir que Rianxo se acolleu ao Plan de Axuste do PP do Estado pois non había outra, ou pagábamos a dez anos co crédito a interese que eles escolleron, co banco que eles escolleron ou pagábamos nun só ano de vez (reténdonos mensualmente a metade do que o estado nos da para soster o concello). A escolla non era moi difícil! Escollemos que non nos afogaran neste 2012 e nos anos seguintes ir pouco a pouco mellorando.

– Un dos seus obxectivos era abrir a participación da política á cidadanía. Considera que se está a conseguir?
– O primeiro que fixemos foi impulsar plenos mensuais o último xoves de cada mes onde teñen voz os propios veciños, ademais de dar posibilidade á oposición de formular preguntas, peticións, etc. O normal era cada dous meses, mais entendemos que melloramos así a participación xeral, aínda que dea máis traballo, aínda que o PP poida intervir neles e propoñer. Non importa: faise porque cremos nese traballo.

Neste momento tamén se está a impulsar o Consello de Educación, para que comece a funcionar no vindeiro curso escolar. Non vai acabar hí a aposta decidida pola participación que temos e o diálogo permanente e colaboración co tecido social rianxeiro.

– Outra das prioridades era rematar a lexislatura co PXOM feito. Como van os traballos e os prazos con este tema?
– Pois avanza segundo o ritmo previsto no plan de traballo do Concello e da empresa técnica que o está a elaborar. Logo do avaliación ambiental que xa emitiu a Xunta contamos ter nova documentación lista para a remitir outra vez á Xunta entre outubro e decembro deste ano para que ela elabore o seu informe previo. Logo volta ao Concello para encamiñarse á aprobación inicial. Pero ollo, que se aprobe inicialmente entre fins de ano e comezos do 2013 non significa que todo sexa coser e cantar, aínda restará moito prazo. O horizonte segue a ser o 2015, todo o mandato. Non imos enganar nisto, está en xogo o Urbanismo de Rianxo, o PXOM de referencia para os próximos 15 anos. Pasaron 27 anos sen cambialo, o que dá moito respecto polo tempo perdido. Bo tino, sentido común, diálogo, prudencia e pasos firmes e seguros. Segue vixente o que dixemos: un Rianxo para os que viven e para os que queren vivir en Rianxo, no urbano e no rural.

– Todos sabemos que estamos a vivir unha difícil situación económica na que predominan os recortes. En que vai recortar o BNG e que cousas serán intocables?
– Tentaremos recortar no superfluo, mantendo na medida do posíbel os servizos e buscando optimizar os dispoñíbeis buscando outros novos. Tampouco temos desde o BNG vontade de contables ou de recortadores profesionais. Nós queremos investir ben os recursos, non cortar por cortar. O que non fai nada si que é caro e despilfarrador para o erario público. Un exemplo claro: acabamos de deixar aparcado un proxecto de ampliación de paseo marítimo para solicitar centrar os recursos de Costas do Estado en manter o actual Rianxo-A Torre e mellorar o paseo Fincheira-Tanxil. Outro exemplo: co traslado do mercadillo acabamos de aforrar unha cantidade importante que se levaba Portos de Galicia e que agora reverterá no comercio de proximidade de Rianxo. Son medidas no bo camiño.

Outros poden pensar que o gasto en cultura, en educación en servizos sociais son superfluos, prescindíbeis, recortábeis. Nós non. Para o BNG estes cartos son fundamentais, igual que unha pista asfaltada ou un bo servizo de saneamento. Até o final resistirémonos a retocar as prestacións sociais da veciñanza no que é axuda a domicilio, programas de alfabetización, os cursos de memoria. Con ou sen subvención da Xunta tentaremos mantelos por ir dirixidos ás persoas con maior risco de exclusión. Eles non deben pagar as crises ou as estafas dos outros.

Do mesmo xeito, iremos avanzando na dotación de servizos de saneamento e abastecemento nas aldeas. Mais neste caso é fundamental a implicación tamén doutras administracións que son as que administran tamén recursos europeos para iso, como axudaron a Rianxo para Leiro e Isorna, ou como se van implicar na mellora da depuración con case catro millóns a investir en Rianxo de aquí ao 2015.

E tamén é importante que se saiba que o Concello nos últimos dous anos non recibiu axuda ningunha para amaños en colexios. Os tres colexios públicos e as dez unitarias estanse a soster cos cartos de Rianxo. Anualmente máis de 300.000 euros van a ensino, cando é a Xunta a que ten transferidas as competencias. Moitos concellos reclaman hoxe que se faga cargo dos custes dos seus centros.

– Que pode agardar a cidadanía rianxeira para os próximos tres anos de lexislatura?
– Que veñen tres anos difíceis pola situación xeral económica, que nos fará falta paciencia ás veces, pois estamos moi limitados para prestar servizos que antes eran inmediatos, mais que se poñerá toda a imaxinación, rigor no traballo e capacidade de diálogo perante outras administracións para reclamar o que en xustiza nos corresponde a Rianxo.

Imos no camiño certo na elaboración do Plan Xeral que será o referente urbanístico dos 15 anos vindeiros. Unha materia pendente que pretendemos aprobar para mandatos futuros.

Como usan os políticos rianxeiros as redes sociais?

24 Dec

Dende hai uns meses levaba con ganas de facer un post especial para fin de ano, así que hoxe, como teño tempo, decidinme a falar de como usan os políticos rianxeiros as redes sociais.

BNG: En primeiro lugar teño que falar do partido que ten a alcaldía, do BNG, que era tamén o que máis se movía nisto das redes sociais, xa que teñen un blog (http://bngrianxo.blogaliza.org) e durante a campaña electoral colgaron moitos vídeos en Youtube.

Ben, ía darlles un tirón de orellas aos do BNG porque dende as eleccións tiñan o seu blog abandonado, e mesmo preguntas sen responder no post no que se agradecía aos veciños a confianza ante os resultados electorais. Hoxe, para a miña sorpresa, descubro que de novo a súa bitácora volve estar activa. En concreto dende o 10 de decembro volve haber entradas, pero pasaron máis de seis meses. Un erro no que adoitan caer moitos políticos é en usar as redes sociais para a campaña e, unha vez rematada esta ou conseguido o poder, deixar de lado ferramentas que antes usaban moito, como neste caso o blog.

Se dende o BNG non queren mesturar o blog do partido co que sería o de Adolfo Muíños, o noso consello é que tomen exemplo doutros alcaldes da zona, como Rafael García, o de Noia, que ten un blog propio no que fala dos asuntos do seu concello. Moitos non seguimos día a día as cousas de Rianxo polos medios de comunicación, así que estaría ben ter un lugar onde ver esa información e ter distintos puntos de vista. Por exemplo, xa se está a traballar no PXOM e eu non vin nas redes sociais do BNG ningunha información deste tipo. Tamén sei que están participando cada vez máis persoas nos plenos do concello, pero esas noticias non quero velas só en La Voz de Galicia, senón que me gustaría que proactivamente se difundise e se informase aos veciños de cando é un pleno, das cuestións que se van tratar, etc. e para están tamén os blogs, o Facebook ou o Twitter.

Noutra orde de cousas, a nivel de estilo, diríalles que non usasen as maiúsculas porque en internet iso é como berrar e non está ben visto.

Por outra banda, en canto ao Facebook, o BNG de Rianxo ten un perfil creado (con máis de 400 amigos) e Adolfo Muíños tamén ten o seu (con máis de 600 amigos). Nos dous casos o perfil está aberto, é público e pódese ver o que se escribe sen necesidade de ser amigos, o cal é de agradecer. Iso si, o partidos políticos, organizacións, institucións e demais non deben crear un perfil de tipo persoal, senón que deben crear unha páxina. Do contrario corren o risco de que Facebook lles elimine o perfil.

De novo boto en falta información de cara aos cidadáns de Rianxo que poidan ser interesantes. É certo que se difunden moitas actividades culturais, pero pouco máis. Igual non o vin eu, pero de novo nada do PXOM nin doutras cousas prioritarias para o Concello.

Por último, sinalar que Adolfo Muíños ten conta no Twitter (uns 100 seguidores):

Salta xa á vista que o seu perfil non está actualizado, xa que indica que é candidato á alcaldía cando realmente é o alcalde. De novo vexo información sobre actos institucionais e actos culturais do Concello, pero poucas cousas centradas noutros temas. Por exemplo, o 12 de maio falaba de que había que recuperar o servizo de ambulancias para Rianxo. Ese é o tipo de temas que boto en falta, que se fale das xestións dende a alcaldía ou dende as concellerías que propician melloras para Rianxo.

– Partido Popular: sinceramente, creo que é o partido que máis está aprendendo disto. Así como o BNG era o avanzado da clase e ultimamente estaba frouxo, o PP soubo posicionarse e ir collendo o seu sitio. De feito, en Rianxo hai dous ou tres anos moita xente non sabía nin quen era o líder deste partido e pouco se sabía das súas xestións. A pesar de que Vanessa xa viu que isto das redes sociais non é doado e que a xente moitas veces non fai críticas construtitivas, senón que van a facer dano, continúan facendo cousiñas, pero sen asesoramento.

En primeiro lugar, teñen unha páxina web http://www.ppderianxo.com que nas eleccións non estaba actualizada, pero que agora si que o está.

A imaxe, certamente, na campaña das municipais non era a mellor. Eu creo que xa postos, antes que sacar algo mal é mellor non sacar nada porque a imaxe que se dá de cara á xente é negativa. Se algo teu o sacas tarde, mal e a rastro, que farás noutro sitio, como na alcaldía? Agora a cousa está ben, e mesmo podemos atopar noticias sobre a súa actividade no concello, preguntas e respostas dos plenos. Vamos, que é interesante: http://www.ppderianxo.com/inicio_2879697.html

Iso si, tamén teñen “páxinas en creación” como o programa por parroquias. Xa postos, como realmente non se van crear porque xa pasaron as eleccións, eu recomendaría eliminar esas páxinas: http://www.ppderianxo.com/arano_2897568.html

Tamén recomendaría, que se non teñen canle en Youtube ou en Twitter, que non indiquen nada, porque certamente é algo que queda mal. Mesmo aparecen cousas que se supón que son do informático, con anotacións en castelán: “Vanesa Martínez en Twitter (hacer enlace)”: http://www.ppderianxo.com/siguenos_2890141.html

En canto ao Facebook, o partido ten un perfil público (máis de 600 amigos) e Vanessa Martínez ten un perfil que é privado (polo que non podemos ver que tipo de contidos publica). De novo é un erro ter un perfil para un partido político. O normal é ter unha páxina xa que non se trata de persoas. E as páxinas non teñen amigos, senón seguidores ou fans que saben que ninguén “en abstracto” lles vai cotillear nos seus perfís persoais. O Facebook permite cambiar un perfil persoal nunha páxina dun xeito moi doado, e sería recomendable que o fixesen.

De novo, ao igual que no caso do BNG, abusan das maiúsculas, algo que está mal visto na internet. Simplemente hai que escribir normal, porque poñer todo en maiúsculas interpréstase como berrar. Outra cousa que me chocou é que case todo o poñen en castelán. Realmente se se queren dirixir aos seus votantes de Rianxo, deberían ter claro que case todos falamos en galego e eles tamén participan nos plenos na nosa lingua, así que é un tanto contraditorio.

 

Por outra banda, inclúen moitas novas relacionadas co que pasa no Concello, como a inauguración da depuradora de Leiro e ligan tamén todas aquelas noticias que saen nos medios de comunicación nas que directamente se fale deles ou dalgún tema no que participan. Antes case non saían nos medios pero agora teñen claro que é importante que a súa actividade tamén teña reflexo na prensa como oposición forte. Creo que é algo acertado, como fixo o BNG no seu día. É importante ter unha alcaldía que faga cousas, pero tamén é importante ter unha oposición centrada, que controle o que se fai, que denuncie o malo e que faga poñerse as pilas ao goberno municipal.

Ah, case me esquezo de dicir, que as Novas Xeracións do PP de Rianxo tamén teñen perfil no Facebook, pero tamén privado 😦

PSOE: do Partido Socialista de Rianxo pouco hai que dicir, porque non debeu descubrir que é isto das redes sociais. Actualizou a súa web días antes das eleccións municipais (ata o feito que se podía ver a Pérez Touriño no encabezamento da mesma, cando xa había máis de dous anos que non era Presidente da Xunta) e aí quedou a cousa: http://www.psoe-rianxo.org/

Vamos, que só se preocuparon un pouco de cara ás eleccións e, dende aquela, nada de nada. Non hai información do que fan no Concello, non teñen blog, nin Facebook, nin Twitter (cando menos eu non atopei nada).

Resumindo: tirón de orellas ao BNG por baixar o nivel nos últimos meses e falta de información directa do que se fai no Concello, aprobado para o PP que comeza a informar máis e mellor de todo o relacionado coa súa formación, aínda que con fallos, e suspenso para o PSOE porque non existe no mundo dixital.