O vindeiro sábado 14 de marzo, vaise presentar no Bar A Lareira do Pazo o II Torneo de Poesía Recitada Erótica, ferve a lingua. Ademais, este ano vén nin máis nin menos que cun premio de 1.000 euros para a/o gañador/a do torneo. Aí é nada.
Archive by Author
IX Día do Deporte
9 Mar
Un ano máis, e van xa nove, celebrouse no auditorio o Día do Deporte. En concreto foi o pasado sábado ás 21.00 horas, momento no que o Concello de Rianxo recoñeceu o traballo dos nosos clubes de deportistas en prol do desenvolvemento do deporte local durante o 2013 e o 2014.
Nesta ocasión ,14 clubs deportivos, 10 deportistas e 13 patrocinadores foron os principais protagonistas da gala. Ademais, fíxose entrega do Premio ó Mérito Deportivo 2015, que recoñece a unha persoa cunha traxectoria de especial entrega e dedicación na promoción do deporte e dos valores deportivos en Rianxo.
Homenaxe a Rosalía de Castro
28 Feb
Hoxe 28 de febreiro celebrouse en Rianxo a homenaxe a Rosalía de Castro, para conmemorar o 178 aniversario do nacemento da escritora padronense o pasado 24 de febreiro, cunha lectura de textos tanto da autora, como propios de entidades, particulares..
(foto propiedade de Fogo Fatuo)
(foto propiedade de Fogo Fatuo)
Todo comezou na praza de Manuel Antonio, onde tamén está a estatua de Rosalía, á cal lle puxeron unha touca feita polo colectivo artesanal Ondiñas Mainas de Rianxo, seguindo a proposta da SEGA (http://www.asega-critica.net/2015/02/rosalia-de-castro-aterece.html), o acto estivo acompañado polos gaiteiros de Fogo Fatuo que fixeron primeiro un pasarúas pola vila.
De seguido, as lecturas de texto traladáronse ó salón de actos da casa consistorial do concello debido ás inclemencias do tempo, onde Adolfo Muiños abreu o acto coa lectura dun texto da Asociación de Escritoras e Escritores en Lingua Galega (AELG).
Para dar paso ó acto actuaron as Rianxeiras da Covecha, un grupo de tres irmáns afincadas en A Pobra do Caramiñal pero con fondas raices rianxeiras (como elas se definiron).
Logo pasouse á lectura en si dos textos e das cales vos imos poñendo unhas fotos:
-Comezou Hadriana Ordoñez:
-Marité Iglesias:
-Adelina Ces:
-Mauricia Ces:
-Marina Losada:
-Pepa Martinez:
Logo, tamén Pepa se encargou de dar a coñecer o colectivo Artesanal Ondiñas Mainas que escomeza a sua andadura en Rianxo, e foron @s encargad@s de confecionar o chal que se lle colocou ó busto de Rosalía.
Logo voltaron a actuar as Rianxeiras da Covecha.
O acto rematou cun convite a tod@s @s asistentes e a quen se queira xuntar ás próximas xornadas a Rosalía de Castro o vindeiro ano que ven.
Oferta cultural da fin de semana
20 Feb
Imos hoxe coa oferta cultural para a fin de semana en Rianxo. E comezamos coa exposición “Retrospectiva” do pintor noiés Nacho C. Beiro. A expo, poderá visitarse dende hoxe mesmo (inaugúrase ás 20.30 horas no Auditorio) até o vindeiro 14 de marzo.
Fotos do martes de entroido 2015 en Rianxo
19 Feb
Deixámovos hoxe unhas cantas fotos que fixemos o martes de entroido na praza de Castelao en Rianxo. Como vedes, volveu ateigarse de cativ@s con ansias enormes de pasalo ben. A carpa instalada no campo estaba chea de inchables, Wii, Ps4, e zona de pintado de caras.
Programación do Entroido 2015 en Rianxo
12 Feb
Xa está lista a programación do Entroido 2015 no Concello que este ano vén cargadiño de actividades moi variadas. Moitas delas realizaránse na carpa instalada na praza de Castelao. De todos os xeitos, se a chuvia nos abanadona, algunha poderase realizar na praza. E senón, pois estaremos abrigados. Incluso haberá calefación no caso de que vaia frío!
Valse “Rianxo”
9 Feb
A fin de semana pasada vímonos inmersos no enorme pracer de poder contribuír fotograficamente ó desenvolvemento da promoción do valse “Rianxo, capricho para piano” que se levou a cabo por varias partes do Concello.
Xuntanza de arquitetos en Rianxo para falar do PXOM
28 Xan
Segundo unha nota de prensa que nos enviaron, este pasado luns o Goberno Municipal de Rianxo convocou a tódolos arquitectos de Rianxo a unha xuntanza. A idea era reunirse co equipo redactor do Plan Xeral de Ordenación Urbanística (PXOM). O encontro durou dúas horas e media, e tamén estiveron Carlos Coto, o arquitecto responsable da Área de Rehabilitación Integral, así como cinco arquitectos, unha arquitecta técnica, e Adolfo Muíños e Carlos Gey.
Fotos e crónica da presentación do libro Rianxo na ditadura franquista
27 Xan
O pasado sábado, 24 de xaneiro, tivo lugar no noso concello a presentación do libro Rianxo na ditadura franquista 1939-1979, dos historiadores Xesús Santos e Xosé Comoxo.
Presentación libro Rianxo na Ditadura Franquista
21 Xan
Este sábado 24 de xaneiro, ás 20.30 horas no Auditorio de Rianxo preséntase o libro Rianxo na ditadura franquista (1939-1979), dos rianxeiros Xosé Comoxo e Xesús Santos, editado pola Deputación Provincial da Coruña.
Segundo a presentación do libro, “estudar o acontecido en Rianxo durante os case corenta anos do franquismo era unha cuestión pendente. Os autores desta obra sabían que atoparían dificultades durante a investigación, por ser un tema que de por si provoca controversia, coa agravante de extravío ou ocultación deliberada de documentación. O froito dese traballo é este libro, no que debullan un sen fin de acontecementos que retratan a vida relixiosa social e administrativa presidida polo nacional catolicismo”.
“Estudan os primeiros anos da posguerra, os da fame e depuracións, así como a volta, lenta, ás diversións e aos pasatempos de sempre (bailes, danzas, comparsas, regatas marítimas, cine, fútbol…). Dedican espazo a descifrar o mandato dos diferentes alcaldes, ás ordes da Falanxe provincial, que, salvo excepcións, non destacaron nas melloras das infraestruturas, en parte debido á mala situación das arcas do Estado e das municipais”.
“O tema político tamén é abordado polos investigadores, sacando á luz certas diverxencias habidas dentro da organización falanxista”.
“Non se esqueceron do mundo do agro e do mar, tan importante para a economía local, e os seus diversos problemas. As campañas marisqueiras e os enfrontamentos mariñeiros, están presentes neste arduo traballo”.
Fotos de Rianxo 