Velaquí un vídeo coa canción “Rianxo, capricho para piano”, de L. Fernández. A adaptación para frauta e guitarra foi de J. Luís do Pico Orjais. A gravación correu a cargo de Pepe Romero (frauta) e J. Luís do Pico (guitarra). Pertence ao depósito de J. Ramón Nine Piñeiro, tío avó de José Nine Ces (depositante).
E as fotos son dos rapaces de Vai de Roda bailando por distintos puntos de Rianxo e da xente que se animou a bailar na praza de Rafael Dieste.
Agradecémoslle a Manuel Franco que nos deixara as fotografías. Son da familia de Moncho Bravo.
Hoxe queremos compartir con vós unha foto desa historia non tan antiga, xa que moitos dos nosos pais e avós de seguro que se lembran. É o tempo no que case todo o mundo tiña leiras e cultivaba millo para darllo aos animais.
E moitos rianxeiros, o que facían era acudir ata a chamada “molinera”, que tedes na imaxe. Pertencía á familia Pérez, polo que nos contou algún veciño. Polo visto, orixinalmente estaba situada preto do Castillo, onde a rexentaba o señor José e a súa muller Urbana (da familia Pérez).
Máis adiante levouse para Rinlo, onde seguiron os fillos, Lucho e Ramón. Estivo activa ata que comezaron a construír pola zona, pero ata a década dos 80 aínda funcionou.
As mozas adoitaban ir con sacos co millo en gran e alí moíano para despois darllo ás galiñas ou aos porcos da casa en forma de fariña. E para que vexades como eran as cousas, o muiñeiro non cobraba en pesetas, senón en especies. Quedábase coa chamada maquía. É dicir, unha parte da fariña que se quedaba o muiñeiro do traballo.
Esta palabra deu lugar a varias frases ao longo da nosa xeografía. Recollemos algunha presente no Corpus lexicográfico da lingua galega:
Rematamos o post agradecéndolle a Manuel Franco que nos cedera a imaxe para a súa difusión.
Fonte: http://ir.gl/3c4523
Antes de nada, teño que comentar que este post é todo mérito de Rabunho Rexeita. Para quen non o coñeza, é unha das referencias do noso Concello en canto a historia, curiosades e información. E máis en concreto na parroquia do Araño. O caso é que un día estando con Tito, de Rabunho Rexeita, e con Juan Carlos Collazo, experto no noso patrimonio arqueolóxico, faláronme desta historia, que por outra banda xa publicara Tito.
Poucas cousas hai máis fermosas que unha posta de sol. Se esta ten lugar o último día do ano e nos deixa estampas tan fermosas como as que puidemos ver dende Rianxo, pois que menos que recollelas coa nosa cámara e tratar de gardalas na memoria para desfrutar destes intres.
O día 5 de xaneiro, as súas Maxestades os Reis Magos pasarán por Rianxo para estaren cos nenos da nosa localidade antes de comezar co reparto dos regalos.
Velaquí este vídeo que acabamos de atopar sobre como se presentou en Bruxelas, na Comisión Europea, o problema do xeito, unha arte de pesca tradicional que se confunde coa pesa masiva e destrutora doutro tipo de artes.
Por certo, que no facebook se creou a páxina “Salvemos o xeito” onde se poden seguir as últimas noticias relacionadas co tema.
Outro ano máis, puidemos desfrutar dos primeiros momentos do novo ano en Rianxo grazas a un traballo estupendo da Comisión de Juadalupeñas. Por ese motivo, moita da xente que saía ata Boiro an fin de ano agora queda aquí e dinamízase un pouco todo o que ten que ver coa hostalería.
Todos coñecemos de seguro a capela da Illa da Toxa. A súa gran peculiaridade é que está cuberta de cunhas de vieira. Aínda que no noso concello esa solución non é habitual, si que temos algúns exemplos parecidos.
Faro de Vigo. Foto de Jesús Regal
Para nós Rianxo é o noso concello. A terra de grandes escritores, de bos músicos, de mellor xente, de grandes produtos do mar e da terra… Pero en Ourense, a palabra “rianxo” ten o seu propio significado.
Fotos de Rianxo 