O 23 de febreiro de 2014 terá lugar a II Marcha BTT Concello de Rianxo organizada polo club Castro Barbudo. Ao igual que o ano pasado, terán 3 dificultades (27, 40 e 60 km) para dar cabida a todos os amantes da bicicleta tanto principiantes como os mais veteranos.
Hai un límite de 500 participantes e a inscrición custa 6€. Medio cento de persoas xa están apuntadas. Se te queres animar, podes apuntarte aquí http://www.championchipnorte.com/evento/inscribirme/id/93
Este ano a cabalgata de Reis, organizada polo Concello coa colaboración da Asociación Cabalar e as Juadalupeñas, precisa de figurantes para o belén vivente.
Veña, anímate e participa na actividade! Se estás interesado, podes pode dirixirte ás oficinas de Cultura, no Auditorio, ou ben avisar á Concellería de Cultura do Concello: cultura@concelloderianxo.es
De seguro que o pasas moi ben e coa túa axuda ducias de nenos rianxeiros (e non tan nenos) pasarán un día de Reis marabilloso.
Cada fin de ano, cando a xente de Rianxo quería saír para desfrutar do paso da Noitevella ao Aninovo, realmente non se quedaba no Concello porque non había moitas opcións. Ou ben quedabas na casa, cun grupo de amigos ou ías tomar algo a algún dos poucos locais que abrían. Así que a maior parte dos rianxeiros (entre os que me inclúo), tiraban para o concello veciño de Boiro ou ben ata Pontecesures en busca de marcha.
Dende o 13 de decembro até o 4 de xaneiro do 2014, poderemos desfrutar dunha exposición do Fondo Galego de Cooperación e Solidariedade.
A exposición Imaxes con Fondo, que nace dun concurso de fotografía, pretende promover a reflexión, o pensamento crítico e un cambio de actitude dentro da nosa sociedade, por medio da palabra e a imaxe.
Nesta expo, participa unha rianxeira de 23 anos que se chama Raquel Cespón Romero, quen nos conta que a súa formación en fotografía comezou en outubro do ano pasado con algúns cursos que organiza a USC, como obradoiros de creatividade fotográfica ou creación de proxectos fotográficos. Na actualizade participa en diferentes actividades do Fotoforum Compostela, como algunha exposición colectiva, un fotolibro ou actividades mensuais como a fotoliga que organizan.
O venres 13 de presentouse no auditorio de Rianxo o tríptico de recomendacións lectoras Tempo de acivros. Tempo de libros.
O tríptico está elaborado polas bibliotecas escolares do CEIP ADR Castelao de Rianxo, CEIP Ana Mª Diéguez de Asados, CEP X Mª Brea Segade de Taragoña, CRA de Rianxo, IES Félix Muriel e a Escola Infantil A Galiña Azul de Rianxo xunto coa Biblioteca Pública Municipal Castelao.
Velaquí unhas poucas fotos da gala:
Hoxe quero poñer un gran documento realizado polo Centro Arqueolóxico do Barbanza. Trátase do catálogo dos Campiños e que recolle con todo detalle o que alí podemos ver. Así que é moi importante destacar o labor que realizan dende Neixón e que poidamos ter este tipo de documentos.
Catálogo da necrópole tumular dos_Campiños
Oxalá algún día poidamos ter unha sinalización correcta ou algún tipo senda ou percorrido que nos permita descubrir os tesouros históricos que agochan os montes de Rianxo e que realmente a día de hoxe permanecen ocultos para unha maioría, xa que son moi difíciles de atopar.
No punto marcado como Campiños 6, podemos atopar a fermosa mámoa dos Campiños, que segundo se pode ver no catálogo elaborado polo Centro Arqueolóxico do Barbanza Centro Arqueolóxico do Barbanza foi “explorada no ano 1977 por aficionados vencellados ao Teleclube de Leiro”. Trátase dunha sepultura de corredor curto que sufriu unha espoliación na súa cámara norte, polo que venceu a parede do corredor dese lado.
Trátase dun momumento funerario “construído e utilizado no momento de pleno apoxeo do megalitismo galaico, quizais correspondendo a unha fase asimilable ao Neolítico Final I-Calcocítico Precampaniforme”.
No lugar tamén se atoparon instrumentos como machados, unha aixola (ferramenta que consta dunha prancha de aceiro co bordo cortante duns 10 cm, unida a un mango curto, que se usa para desbastar a madeira), dúas láminas de sílex ou tres puntas de frecha de base triangular ou restos cerámicos.
> Post no blog de cando estivemos alí con Juan Carlos Collazo e con Rabunho Rexeita.
Alguén sabería dicir en que sitio do Concello de Rianxo se atopa esta imaxe? O único que podemos dicir é que está na fachada dunha casa particular.
O sábado 23 disputouse no campo de Vilas o segundo partido de liga dos prebenxamíns.
Nesta ocasión, a superioridade dos pequechos do Unión fíxose palpable e acadaron un resultado de 22-0!!!
Non arranca mal esta primeira toma de contacto dos nosos cativos co futbol, despois do empate na casa dos de Cesures. Agardemos que siga a racha e os nenos sigan divertíndose que, a fin de contas, é o que importan a estas idades.
Deixamos unhas poucas fotos do transcurso do encontro:
O pasado 31 de agosto, celebrouse na nosa localidade o V Trofeo Internacional Distribunosa-Concello de Rianxo. Nós estivemos alí, polo que temos en fotos algúns deses momentos do encontro e tamén a entrega de trofeos.
Houbo máis de 250 participantes de todas as idades e de moitos lugares (galegos e do resto de España, pero tamén de Francia, Cuba, Serbia, Inglaterra, Uzbekistán, Portugal ou Lituania), o que demostra a capacidade de convocatoria deste trofeo rianxeiro. Ademais, en Rianxo participaron tres Grandes Mestres Internacionais (a nivel mundial hai 1.420).
Fotos de Rianxo 