Aínda que non sexamos unha localidade famosa polo mel, si que hai veciños que teñen colmeas. Non é habitual velas, pero xa vedes que hai quen ten incluso un par de ducias, como nesta finca que atopei preto do Vilar (O Araño).
Arquivo | O Araño RSS feed for this section
Canto custa facer unha festa? O caso das do Araño
28 AgoÁs veces non somos conscientes de todo o traballo que require organizar e pagar unhas festas. Por iso nos parece un interesante exercicio ver de onde se sacan os cartos e canto diñeiro fai falla para celebrar unhas festas parroquias. Moi acertadamente, para que se valore o seu traballo, dende a Asociación de Festas do Araño publicaron os seus gastos e ingresos.
Aquí está o cartel das festas, tres días coas orquestras Os Ánxeles, Bahía Blanca, D’Noche, La Torre, Brujas, Dúo Óbice, gaiteiros e fogos.
A isto habería que sumar outro día coas festas de Buhía:
Canto credes que custa?
Por que non se sabe que o hórreo máis longo do mundo é o do Araño?
4 AgoComo na parroquia do Araño se están a celebrar as festas e o elemento máis emblemático da parroquia é o hórreo, hoxe quixen lanzar unha reflexión: por que en toda Galicia se segue a dicir que a graneira máis longa do mundo é a de Carnota? Por que o hórreo do Araño é un gran descoñecido fóra do noso Concello? Por que non lle sabemos sacar todo o potencial que ten?
Entrevista a Rabunho Rexeita
12 XulDe seguro que xa coñeces Rabunho Rexeita, unha páxina no facebook na que hai un feixe de fotos antigas do Araño e de Rianxo, onde te podes enterar de historias, curiosidades, información sobre o patrimonio rianxeiro, vídeos antigos… Vamos, que día a día é unha páxina de referencia para coñecer e redescubrir todo o que está ao noso arredor. Pero como somos curiosos, tamén nos preguntamos quen está detrás de Rabuno Rexeita, quen é esa persoa que cada día alimenta as nosas mentes con novas e interesantes cousas sobre Rianxo e O Araño. Hoxe imos descubrilo neste blog a través de fotos e dunha entrevista.
A igrexa do Araño e cando lle caeu a tribuna
3 XulA igrexa do Araño é do século XVII. Coméntase que no seu día había un templo en Santa Baia, pero despois construiuse a igrexa arriba, onde está agora.
Como anécdota, cabe sinalar que en 1929 caeu a tribuna, que era de madeira, provocando un susto ben grande aos asistentes. Foi cambiada pola actual, unha de albanelaría. Foi tan soada a caída da tribuna, que por Rianxo circulaba un poema que nos comentou Xesús Santos:
Asados ponte firme
que o Araño xa caeu
e Taragoña está temblando,
co susto que lle meteu.
A antiga fonte do Pazo dos Calotes
2 XulGrazas ao gran Rabunho Rexeita, descubrimos que pegada aos Pazo dos Calotes (O Araño) había unha fonte preciosa:
Festa de San Xoán 2013
19 XuñChega a noite máis máxica do ano, a máis curta e a que nos deixa cheirando a roupa 🙂 O San Xoán, coas súas cacharelas, o churrasco e as sardiñas asadas tamén se celebra en Rianxo, aínda que agardemos que o tempo acompañe. Velaquí algunhas das actividades que podes ter.
En primeiro lugar, en Buhía, no Araño, organízase a tradicional festa de San Xoán. Hai que ter en conta que na Hermida teñen unha capela na honra deste santo e todos os anos organizan unha celebración. Hai misa e dúas orquestras pola noite:
Foto sacada por Rabunho Rexeita
Ao día seguinte, o 23 de xuño a partir das 22:00 horas, a Asociación Antrospinos organiza unha festa na praia da Torre de Taragoña. Non faltará a comida e mesmo haberá unha barra de bebidas e actuación musical:
Actividades de lecer para o verán 2013
19 XuñDende o 18 de xuño xa está aberto o prazo para as actividades de verán do concello de Rianxo.
Así que os pais e as nais do concello, polo menos xa teremos onde ter entretidos os cativos no periodo estival.
Este ano, tráennos diversos trocos que non tiñamos outros anos:
- MÁIS TEMPO: o Campamento Urbano vai ter actividade cinco días á semana, triplicando o horario do ano anterior.
- MÁIS IDADES: amplíase o espectro de idades, pois vai dirixido a nenos e nenas nados entre o 2001 e 2009.
- MÁIS PRAZAS: ofértanse 150, podendo ampliarse ata as 200.
- MÁIS PROFESIONAIS: 10 monitores con formación específica, aos que hai que sumar os monitores do Servizo de Deportes.
- MÁIS ACTIVIDADES: actividades deportivas, obradoiros gastronómicos, flashmob, stopmotion, música e bailes, expresión corporal, obradoiros…
O fío condutor será unha VIAXE ARREDOR DO MUNDO, con inicio e remate en Rianxo, e que pasará por tódolos continentes.
Aquí o resumo de toda a programación dispoñible: www.concelloderianxo.es/avoltaaomundo
Tamén, e para os que lles guste a música, a Banda Escola de Música de Rianxo, vai dar durante os meses de xullo e agosto uns obradoiros musicais polas parroquias de Rianxo, Taragoña e o Araño , orientados a rapaces e rapazas de entre 3 e 7 anos.
Fotos do campo de fútbol abandonado do Araño
21 MaiAgora que hai un grupo de mozos de Buía que están detrás da idea de recuperar o equipo da parroquia do Araño, colgamos aquí unha galería de fotos de como está agora mesmo o campo de fútbol. Roubaron uralitas, metal, cortaron cableado e mesmo romperon baños.
Aquí pode apreciarse como roubaron moitos dos tubos metálicos que rodeaban o campo para que non entrara o público durante os encontros: 
Esta é a zona na que se resgardaba a xente e tamén onde estaba a cantina na que se servían as bebidas: 
Velaquí os vestiarios dos equipos e dos árbitros:
Nos postes pode apreciarse como non hai ningunha lámpada das que iluminaba o campo:
Hai unha pequena caseta que era a que xeraba a electricidade ao campo. Roubaron e cortaron o cableado:
Este era o banco do equipo visitante:
E este era onde se sentaban os xogadores do Araño: 
O cuarto de baño está rompido:
Aquí podemos ver a taquilla por dentro:
Fotos de Rianxo 