Como cada domingo de festa, á medianoite todas as luces da Ribeira apagáronse para que puidésemos desfrutar das cores, formas e brillos que nos brindan os fogos de artificio. Velaquí un pequeno resumo do que foi o espectáculo pirotécnico.
Arquivo | Rianxo RSS feed for this section
Fotos da Guadalupe 2013: danzas o domingo pola tarde
20 SetO domingo pola tarde, na praza de Rafael Dieste tivemos ocasión de ver actuar a Vai de Roda e a dous grupos convidados por este: Taranvainas (Vigo) e Rancho Folclórico de Rebordoes, Santo Tirso (Portugal). Velaquí algunhas fotiñas sacadas por Xoán Antón Castro durante o acto, do que desfrutaron centos de rianxeiros:
Festas da Guadalupe 2013: o Rock in Rian
16 SetDe novo, un gran traballo da Comisión de Juadalupeñas, que trouxo a Rianxo a Medomedá, á Compañía do Ruído, Terbutalina e Sonoro Maxín. En total, 7 horas de boa música nun gran festival. Velaquí unhas poucas fotos.
Rianxo on Fire ‘13
13 Set
A Festa da Guadalupe é un momento moi esperado para moitos, porque son moitos días de festa, de boa música e de interesantes actividades. Unha delas será o Rianxo on Fire ’13, que se celebra 16 de setembro na praza da Virxe da Guadalupe. Falamos con Héitor González, un dos organizadores e músicos que van actuar. E animámosvos a todos a non perder este evento, que esperemos que se acabe consolidando en Rianxo.
Entrevista co Xixí sobre a Guadalupe 2013
6 Set
Ramón Iglesias Sánchez (1938), máis coñecido como o Xixí, é desas persoas que che sorprenden. Máis que nada porque leva unha cuarta parte da súa vida á fronte da Comisión de Festas de Rianxo. Con 75 anos enriba podemos velo cada día da Guadalupe pendente de como tocan ás orquestras ás 4 da mañá, e a primeira hora xa acompañando gaiteiros e bandas. Persoalmente creo que é moi de agradecer o traballo que se fai dende a Comisión de Festas, porque a todos nos gusta divertirnos, pero moi pouca xente se implica nunha tarefa que require de todo un ano. O Xixí, por certo, tamén estará na expo de Ruando Rianxo para a que contamos co apoio e o patrocinio do Concello.
Antonio Gómez Campaña, bateeiro
5 SetUn vídeo de Youtube no que se pode ver un rianxeiro adicado ás bateas dende o ano 1963.
Fotos antigas de Rianxo: reunións, festas, celebracións
2 SetDe novo, o noso agradecemento público a Rafael Caamaño, de Disteva, pola súa xenerosidade á hora de facernos chegar estas imaxes. Como vedes, hai fotografías antigas de Rianxo de xuntanzas entre amigos, actos sociais, vodas, do entroido…
Entrevista a David, o do Toffe
30 AgoNon chega aos 30 anos pero trátase de todo un exemplo de emprendedor. David Alcalde Costas (10/07/1984), máis coñecido por todos como “David, o do Toffe”, é un cu inquieto. Sendo xefe de cociña na Terraza de Chicolino da Pobra, deixou a un lado un posto seguro e apostou polo seu propio negocio en Rianxo. Táboas non lle faltaban, xa que traballou con Toñi Vicente e aprendeu dos mellores, incluído Arzak.
Podería quedar aí a cousa e acomodarse, pero xa digo que para min David non é un empresario, senón un emprendedor, porque non ten parada. Creou unha web de venda de produtos galegos gourmet, ten outra empresa de ocio infantil xunto á súa muller, vai levar a cafetaría do instituto de Rianxo, prepara a apertura doutra… E o mellor de todo é que aposta pola mocidade daquí, xa que patrocina uns 220 deportistas da localidade. Imos coñecelo un pouco máis, pero sabede que tamén estará representado na exposición de Ruando Rianxo, que terá lugar en outubro no Auditorio grazas ao apoio do Concello .
V Trofeo Internacional de Xadrez en Rianxo, esta semana
26 Ago
Esta semana, en concreto o sábado 31 de agosto, terá lugar en Rianxo un evento de nivel, o V Trofeo Internacional Distribunosa Concello de Rianxo. Só hai que dicir que virán ata a nosa localidade que os mellores xogadores de Xadrez que se poden ver neste tipo de torneos. De feito, xa está confirmada a presenza do Gran Mestre Internacional cubano Arian González.
Calquera pode participar no toreno. Só ten que completar a inscrición ata o 29 de agosto, ben na web do Club de Xadrez Rianxo ou ben enviando un correo electrónico a escolaxadrezrianxo@gmail.com
Hai un feixe de premios para os gañadores. Así, o primeiro clasificado levará 500 euros e o trofeo Distribunosa, o segundo contará con 300€ e unha copa e o terceiro 200€ e un trofeo. Pero ata o 8º clasificado todos levan premio en metálico. Nos tramos de ELO tamén haberá ata 12 premios en metálico.
O evento terá lugar no pavillón municipal de Rianxo dende as 10.30 horas.
XI festival de baile e música tradicional Aleivosía
25 AgoOnte dia 24 de agosto celebrouse na praza de Rafael Dieste o XI festival de baile e música tradicional Aleivosía.
A Agrupación de baile e música tradicional Aleivosía pertencente á Asociación Sociocultural Fogo Fatuo de Rianxo e en colaboración coa Área de Educación, Cultura e Normalización Lingüística do Concello de Rianxo, levaron a cabo este evento dentro da programación do Verán Cultural 2013.
Polo palco habilitado para a ocasión pasaron un total de 7 agrupacións que conforman Aleivosía e que contan con integrantes dende os 3 até os 50 anos de idade que deleitaron ó numeroso público asistente na praza a unha noite chea da mellor esencia da cultura tradicional con bailes, pandereteiras, gaiteiros, e un sorteo de diferentes agasallos que foron entregando ós/ás gañadores/as.
Aquí vos deixamos unhas fotiños do que foi dando de si o festival.
