Esta fin de semana pasada tivemos a oportunidade de desfrutar de novo counha nova entrega do Teatro Express, interpretado polo Teatro Airiños de Asados, baixo unha idea da Área de Educación e Normalización Lingüística do concello de Rianxo.
Arquivo | cultura RSS feed for this section
A sala Castelao no Museo de Pontevedra
3 AbrNo Museo da Deputación de Pontevedra alberga unha sala adicada en exclusiva ao rianxeiro máis coñecido: Castelao. Alí poderemos atopar moitas das súas obras, algunhas de seguro que sorprendentes para o visitante, así como as caretas da súa obra Os vellos non deben de namorarse. Comentar que a entrada é gratuíta, así que se ides por Pontevedra, non deixedes de ir.
Concerto “A Música da Belle Epoque”
30 Mar
Dende o sábado 28 podemos visitar no primeiro andar do auditorio rianxeiro a expo do fondo musical de Rianxo. A inauguración da expo estivo presidida polo alcalde de Rianxo, Adolfo Muíños, a presidenta da UNED Galiza, Susana Blanco Miguelez e por José Luís do Pico Orjais. Ademais, contouse con moita xente que se achegou a ver tan singular material que se expón por primeira vez na localidade.
A Música de Rianxo na Belle Epoque
27 Mar
O vindeiro sábado 28 de marzo, ás 20.30 horas, terá lugar no Auditorio de Rianxo un concerto histórico A Música de Rianxo na Belle Epoque.
Colocación dun monolito nas illas Malveiras en homenaxe a Manuel Antonio
23 Mar
O pasado sábado 20 de marzo, e dende o concello de Rianxo procedeuse á colocación dun monolito nas illas Malveiras en homenaxe ó escritor Manuel Antonio. Acto enmarcábase dentro das xornadas “De Catro a Catro, catro singladuras en homenaxe a Manuel Antonio” que se están a levar a cabo durante este mes de marzo.
II Torneo de Poesía Recitada Erótica, ferve a lingua
10 Mar
O vindeiro sábado 14 de marzo, vaise presentar no Bar A Lareira do Pazo o II Torneo de Poesía Recitada Erótica, ferve a lingua. Ademais, este ano vén nin máis nin menos que cun premio de 1.000 euros para a/o gañador/a do torneo. Aí é nada.
Homenaxe a Rosalía de Castro
28 Feb
Hoxe 28 de febreiro celebrouse en Rianxo a homenaxe a Rosalía de Castro, para conmemorar o 178 aniversario do nacemento da escritora padronense o pasado 24 de febreiro, cunha lectura de textos tanto da autora, como propios de entidades, particulares..
(foto propiedade de Fogo Fatuo)
(foto propiedade de Fogo Fatuo)
Todo comezou na praza de Manuel Antonio, onde tamén está a estatua de Rosalía, á cal lle puxeron unha touca feita polo colectivo artesanal Ondiñas Mainas de Rianxo, seguindo a proposta da SEGA (http://www.asega-critica.net/2015/02/rosalia-de-castro-aterece.html), o acto estivo acompañado polos gaiteiros de Fogo Fatuo que fixeron primeiro un pasarúas pola vila.
De seguido, as lecturas de texto traladáronse ó salón de actos da casa consistorial do concello debido ás inclemencias do tempo, onde Adolfo Muiños abreu o acto coa lectura dun texto da Asociación de Escritoras e Escritores en Lingua Galega (AELG).
Para dar paso ó acto actuaron as Rianxeiras da Covecha, un grupo de tres irmáns afincadas en A Pobra do Caramiñal pero con fondas raices rianxeiras (como elas se definiron).
Logo pasouse á lectura en si dos textos e das cales vos imos poñendo unhas fotos:
-Comezou Hadriana Ordoñez:
-Marité Iglesias:
-Adelina Ces:
-Mauricia Ces:
-Marina Losada:
-Pepa Martinez:
Logo, tamén Pepa se encargou de dar a coñecer o colectivo Artesanal Ondiñas Mainas que escomeza a sua andadura en Rianxo, e foron @s encargad@s de confecionar o chal que se lle colocou ó busto de Rosalía.
Logo voltaron a actuar as Rianxeiras da Covecha.
O acto rematou cun convite a tod@s @s asistentes e a quen se queira xuntar ás próximas xornadas a Rosalía de Castro o vindeiro ano que ven.
Oferta cultural da fin de semana
20 Feb
Imos hoxe coa oferta cultural para a fin de semana en Rianxo. E comezamos coa exposición “Retrospectiva” do pintor noiés Nacho C. Beiro. A expo, poderá visitarse dende hoxe mesmo (inaugúrase ás 20.30 horas no Auditorio) até o vindeiro 14 de marzo.
Primeiro día do entroido 2015 en Rianxo
14 Feb
Antes de nada, comentar que onte a miña idea era ir sacar fotos ao Bituin de tris de Taragoña, xa que levo un par de anos vendo no facebook as actuacións-imitacións que realizan, así que tirei para alá. Estaba previsto para as 22.30 horas. E alí non había nin un alma, salvo os da organización. Así que ás 23.20 horas, despois de ver que a cousa tiña pinta de tardar bastante, decidín tirar para Rianxo.
Programación do Entroido 2015 en Rianxo
12 Feb
Xa está lista a programación do Entroido 2015 no Concello que este ano vén cargadiño de actividades moi variadas. Moitas delas realizaránse na carpa instalada na praza de Castelao. De todos os xeitos, se a chuvia nos abanadona, algunha poderase realizar na praza. E senón, pois estaremos abrigados. Incluso haberá calefación no caso de que vaia frío!
Fotos de Rianxo 