Velaquí as fotos do luns das Juadalupeñas.
I Trial Concello de Rianxo: 20 e 21 de setembro
17 Set
Esta fin de semana, celébrase nos montes de Leiro o I Trial Concello de Rianxo, que ademais é puntuable para o Campionado Galego de Trial. O evento está organizado polo Club Motociclista Teo, en colaboración co Concello de Rianxo e a Federación Galega de Motociclismo, e contando co patrocinio de Sabadell Gallego, como puidemos ler na web do Concello.
Así, a proba comeza o sábado 20 de setembro ás 16.00 horas coa proba infantil. Os nenos de entre 6 e 13 anos enfrontaranse a cinco zonas. Pola súa banda, os adultos terán o seu turno o domingo 21 dende as 10 h da mañá. A proba contará con 40 pilotos, algúns deles asturianos e castelán-leoneses.
Este evento será a sétima proba das nove que o compoñen o Campionato Galego.
Programa:
Sábado, 20 de setembro, 16 a 18:30 h.: Proba infantil
Domingo, 21 de setembro, de 10 a 15:30 h.: Proba Absoluta.
Fotos das festas da Guadalupe de Rianxo 2014: a procesión marítima
17 Set
Velaquí vos traemos a segunda parte da procesión do domingo. Pero, nesta ocasión, dende o punto de vista marítimo, xa nos barcos. Queremos agradecerlle tanto á Comisión de Festas da Guadalupe como a David do Toffe a oportunidade de podermos ir, tanto Xoán coma min, en cadasúa embarcación e seguir así a procesión dende o mar. Aquí tedes parte das fotos que sacamos ese día.
Fotos das Festas da Guadalupe 2014: a misa do domingo e primeira parte da procesión
16 Set
O domingo tivo lugar un dos actos máis importantes da Guadalupe: a misa no Campo de Arriba, que este ano contou co arcebispo de Santiago, Julián Barrio, ao tempo que co arcebispo de Tánxer, Santiago Agrelo. Ademais, unhas 200 persoas doutros sitios de España, que viñan polo V Encontro de Santuarios, confrarías e Irmandades de NS de Guadalupe formaron parte do acto.
Fotos das Festas da Guadalupe 2014: o Rock in Rian
15 Set
O sábado 13 de setembro tivo lugar o Rock in Rian, organizado pola Comisión de Juadalupeñas. O cartel era de luxo e o ambiente impresionante. Non puidemos sacar ningunha imaxe da actuación de Forraje, pero un dos momentos da noite foi a actuación de Sabela Galbán cos de Medomedá, como podedes ver na imaxe superior.
Fotos das festas da Guadalupe 2014: o chupitaso
13 Set
Un ano máis, comezaron as festas da Guadalupe. Neste 2o14 botamos a andar coa ameaza de algo de chuvia. Pero no chupitaso medo de mollarse non había, porque os centos de mozos que estaban na praza de Castelao o que tiñan era ganas de que comezase a festa para tirarse auga e viño.
Orquestra Abanico: “O luns das Juadalupeñas haberá algunha sorpresa”
12 Set
Foto de Rosendo © Fonte: facebook.com/pages/Abanico-Orquesta
A pesar de ser de Santiago, o cantante José Manuel Domínguez leva o nome de Rianxo con orgullo por toda Galicia. Faino dende o 2002 a través da orquestra Abanico. Unha formación que nos encanta e que nos fai desfrutar alí en canta festa os vemos. Este ano, de novo, estarán facendo desfrutar a mozos e non tan mozos no días das Juadalupeñas. José Manuel cóntanos máis sobre a historia de Abanico e como é o día a día dunha orquestra.
Santiago Agrelo, arcebispo de Tánxer: “Só faltei dous anos á Guadalupe, e un deles estaba hospitalizado, a piques de morrer”
11 Set
Santiago Agrelo Martínez (20/06/1942), natural de Asados, acode todos os anos ás festas da Guadalupe a oficiar a novena. Acode en coche dende Marrocos, onde foi nomeado en abril de 2007 arcebispo de Tánxer. Nunha entrevista que realizamos o ano pasado con motivo da exposición de Ruando Rianxo e que publicamos agora, puidemos falar con el durante case unha hora de relixión, emigración, fame, da súa actividade en Marrocos e de moitos outros temas. Velaquí a conversa ao completo.
Suspendida a reunión da ANPA Os Gudiños polo recorte de mestres especialistas
9 Set
Fonte: web do CEIP Alfonso Daniel Rodríguez Castelao
Actualización: hoxe chegouse a un acordo coa Consellería para este curso. Coméntannos que ía haber recortes si ou si, así que se acadou a solución “menos mala” para este curso. Contarase cunha persoa a media xornada, pero con base en Rianxo, polo que se poderá realizar ben o traballo de coordinación e seguimento do alumnado.
Lembremos que inicialmente, este xoves 11 de setembro, ás 20.00 horas, a Asociación de Nais e Pais (ANPA) Os Gudiños do CEIP ADR Castelao convocara a unha reunión para explicar a situación que pode vivir tanto o centro rianxeiro como os Centros Rurais Agrupados do Concello. Pero, como dicimos, está suspendida. A continuación contamos os detalles do que pasaba.
O estado das estradas rianxeiras
9 Set
Estado do firme por comunidades. Fonte: Asociación Española de la Carretera. 2014
Segundo un estudo da Asociación Española de la Carretera (AEC) realizado este ano, o estado do firme das estradas españolas é o peor dende que comezaron a analizalo en 1985. Os autores sinalan que hai un grave deterioro, ata o punto de que “actualmente as estradas españolas se atopan nun estado de conservación ‘deficiente’, rozando xa o ‘moi deficiente'”. Galicia, como se ve arriba, está entre as peores comunidades en canto ao estado do firme, xunto con Asturias, Navarra, A Rioxa e Aragón. Non obstante, somos das comunidades con mellores notas en canto a sinalización vertical ou barreiras de seguridade.
Pero neste blog centrámonos no noso concello, en Rianxo. Así que quixemos ver o estado das estradas rianxeiras, sobre todo a raíz dalgún tuit que nos chamou a atención:
Asi están as pistas en #Corques, despois imos todos as urnas, nn digo nada… @concellorianxo pic.twitter.com/YSeFwajBKr
— Mariola (@aloiram_) agosto 7, 2014
Fotos de Rianxo 