Esta fin de semana, paseando pola praia do Porrón, puiden apreciar milleiros de berberechos e centos de longueiros mortos. Como se pode observar nas imaxes, non se trata de cunchas antigas, senón de berberechos con moi pouco tempo. En moitos deles obsérvanse os restos dos bilvavos mortos. Semella que as chuvias e o temporal que estes días afecta a Galicia está a afectar seriamente a campaña marisqueira en Rianxo.
Velaquí unha imaxe do porto de Rianxo un sábado á tarde, desfrutando dun tranquilo paseo:
Na tarde de onte celebrouse como cada ano a tradicional cabalgata de reis en Rianxo.
Este ano, truncáronse todos os prognósticos. Tanto organizadores (Concello), como colaboradores (Comisión das Juadalupeñas e Cafetería Toffe) afanáronse en cumprir a programación que estaba prevista, pero debido ás inclemencias meteorolóxicas tan adversas, houbo un cambio de plans e, finalmente, o evento tivo que desenvolverse no Auditorio.
Ainda así, a afluencia do público foi moi grande, e tanto grandes coma cativ@s achegáronse polo Auditorio para poder desfrutar dunha tarde das máis entrañables de todo o ano para nenas e nenos (e non tan cativos).
Nós puidemos estar no backstage, polo que acompañamos e sacamos fotos ás súas Maxestades, paxes e demais acompañantes antes de que os cativos de Rianxo lles contaras os regalos que lles pediran. Velaquí a secuencia:
O alcalde de Rianxo, Adolfo Muíños, acaba de ser galardoado co premio “Osíxeno”, pola Asociación para a Defensa Ecolóxica de Galiza, ADEGA. Segundo esta organización, é merecente deste premio “pola valente decisión de abandonar SOGAMA e a incineración e solicitar a incorporación á Mancomunidade do Barbanza para compostar os residuos urbanos”.
Un ano máis, e van xa 13 edicións, ADEGA fai públicos os premios OSÍXENO e DIOXINA para recoñecer as actuacións de persoas ou colectivos a prol do ambiente (premio OSÍXENO) ou en contra (premio DIOXINA). En 2009 instituiuse o premio OSÍXENO DE HONRA para subliñar toda unha traxectoria de compromiso co ambiente e a cultura do país, que na súa primeira edición recibíu D. Isaac Díaz-Pardo.
Dende aquí queremos agradecer a Adolfo por amosarnos que pasiño a pasiño un outro mundo é posíbel!!!
Hai uns días, entereime de que morreu en Rianxo o Popoio. De seguro que moitos sabedes quen é, porque é un dos rostros inconfundibles da vila que asociamos sen dúbida ás festas da Guadalupe. Era unha desas persoas que sempre vías de bo humor e que lembras bailando diante da orquestra ou pasándoo ben neses días de setembro nos que o municipio se transforma e nos sentimos as persoas máis felices do mundo durante oito días.
Este ano a cabalgata de Reis, organizada polo Concello coa colaboración da Asociación Cabalar e as Juadalupeñas, precisa de figurantes para o belén vivente.
Veña, anímate e participa na actividade! Se estás interesado, podes pode dirixirte ás oficinas de Cultura, no Auditorio, ou ben avisar á Concellería de Cultura do Concello: cultura@concelloderianxo.es
De seguro que o pasas moi ben e coa túa axuda ducias de nenos rianxeiros (e non tan nenos) pasarán un día de Reis marabilloso.
Como dá comezo o 2014, queremos compartir con vós as cifras do blog durante o ano pasado. Realmente o que nos motiva a traballar e a sacar noticias e cousas interesantes é saber que hai moita xente detrás que nos segue, que nos le e que difunde o que facemos, aí que queremos compartir con vós o informe que nos manda WordPress do 2013.
Pero tamén queremos nós debullarvos as cifras, para que non teñades que andar traducindo do inglés 😉 Comezamos!
A través do xornal Certo acabo de enterarme de que pechou a residencia que abriu hai dous anos a editora rianxeira Axóuxere na aldea de Brión, en Leiro. Era un espazo no que creadores de todo o mundo podía pasar uns meses e escribir, compoñer ou desenvolver a súa obra con total liberdade e sen gastar un peso. Ademais, organizaban cursos e xornadas con eses novos artistas, para que os rianxeiros puidesen, ao tempo, aproveitar esas estadías e aprender novas cousas.
Foto de La Voz de Galicia. Irene La Sen na Residencia de Escritores
Agora, este fermoso proxecto, ten que pechar por falta de apoio institucional e sen capacidade de recursos por parte de Axóuxere, que continuará editando libros. Velaquí o seu comunicado:
Cada fin de ano, cando a xente de Rianxo quería saír para desfrutar do paso da Noitevella ao Aninovo, realmente non se quedaba no Concello porque non había moitas opcións. Ou ben quedabas na casa, cun grupo de amigos ou ías tomar algo a algún dos poucos locais que abrían. Así que a maior parte dos rianxeiros (entre os que me inclúo), tiraban para o concello veciño de Boiro ou ben ata Pontecesures en busca de marcha.
Fotos de Rianxo 