Velaquí vos traemos a segunda parte da procesión do domingo. Pero, nesta ocasión, dende o punto de vista marítimo, xa nos barcos. Queremos agradecerlle tanto á Comisión de Festas da Guadalupe como a David do Toffe a oportunidade de podermos ir, tanto Xoán coma min, en cadasúa embarcación e seguir así a procesión dende o mar. Aquí tedes parte das fotos que sacamos ese día.
O domingo tivo lugar un dos actos máis importantes da Guadalupe: a misa no Campo de Arriba, que este ano contou co arcebispo de Santiago, Julián Barrio, ao tempo que co arcebispo de Tánxer, Santiago Agrelo. Ademais, unhas 200 persoas doutros sitios de España, que viñan polo V Encontro de Santuarios, confrarías e Irmandades de NS de Guadalupe formaron parte do acto.
O sábado 13 de setembro tivo lugar o Rock in Rian, organizado pola Comisión de Juadalupeñas. O cartel era de luxo e o ambiente impresionante. Non puidemos sacar ningunha imaxe da actuación de Forraje, pero un dos momentos da noite foi a actuación de Sabela Galbán cos de Medomedá, como podedes ver na imaxe superior.
Un ano máis, comezaron as festas da Guadalupe. Neste 2o14 botamos a andar coa ameaza de algo de chuvia. Pero no chupitaso medo de mollarse non había, porque os centos de mozos que estaban na praza de Castelao o que tiñan era ganas de que comezase a festa para tirarse auga e viño.
Foto de Rosendo © Fonte: facebook.com/pages/Abanico-Orquesta
A pesar de ser de Santiago, o cantante José Manuel Domínguez leva o nome de Rianxo con orgullo por toda Galicia. Faino dende o 2002 a través da orquestra Abanico. Unha formación que nos encanta e que nos fai desfrutar alí en canta festa os vemos. Este ano, de novo, estarán facendo desfrutar a mozos e non tan mozos no días das Juadalupeñas. José Manuel cóntanos máis sobre a historia de Abanico e como é o día a día dunha orquestra.
Santiago Agrelo Martínez (20/06/1942), natural de Asados, acode todos os anos ás festas da Guadalupe a oficiar a novena. Acode en coche dende Marrocos, onde foi nomeado en abril de 2007 arcebispo de Tánxer. Nunha entrevista que realizamos o ano pasado con motivo da exposición de Ruando Rianxo e que publicamos agora, puidemos falar con el durante case unha hora de relixión, emigración, fame, da súa actividade en Marrocos e de moitos outros temas. Velaquí a conversa ao completo.
Xa está completiño o cartel das festas da Guadalupe 2014. Abaixo indicamos os grupos que veñen, pero na web da Comisión de Festas podedes descargar o programa completo.
Vese que despois do problema que houbo o ano pasado con Espectáculos Lito, polo cal non deixaban traer á Gran Parada porque había orquestras doutros promotores (o cal non foi unha excepción), este ano volveron contar coa empresa de Caldas de Reis.
O sábado 13 de setembro celebrarase tamén o Rock in Rian, organizado pola Comisión de Juadalupeñas. Estarán Medomedá, Forraje e Dios ke te crew e Ruxe Ruxe. Case nada:
E velaquí tedes o cartel do Rianxo on fire:
Xa están aquí, xa non queda nada para as nosas queridas festas da Guadalupe 2014!!!
Por iso, e para ir quentado motores deixámos aquí un par de enlaces interesantes para facer seguimento do que proximamente vai acontecer:
A páxina das festas no Facebook: https://www.facebook.com/guadaluperianxo?fref=nf
A nova páxina web: http://www.guadaluperianxo.org/
A páxina das Juadalupeñas: https://www.facebook.com/juadalupenas.rianxo?fref=ts
E tamén o enlace para participar no XI Feirón Mariñeiro ( http://www.guadaluperianxo.org/feiron), que este ano se celebrará o 18 de setembro, e para o cal xa están abertas as inscricións ata o vindeiro 24 de agosto
Xa non queda nada e, este ano, coma os anteriores, estaremos para amosarvos fotograficamente o que vaia acontecendo.
Saúde e MOITA FESTA!
O último día é o máis agardado por moitos e tamén o máis odiado para tantos outros, xa que vén un montón de xente de fóra, case non se pode camiñar pola praza e hai moito botellón. É o último día das festas, nas que se nos sentimos orgullos cantando A Rianxeira e ao tempo que se acenden miles de bengalas entre tres grandes palcos de orquestras, no noso coranzonciño tamén se ilumina algo. Para ben e para mal as festas de Rianxo son grandes festas, por is non deixan indiferente a ninguén.
Fotos de Rianxo 