Arquivo | política RSS feed for this section

Resultados das eleccións autonómicas 2016 en Rianxo

26 Set

rianxoautonomicas16

Como podemos ver nos datos de participación, aínda que a porcentaxe foi dous puntos por riba de 2012 (65,17% vs 63,18%), a nivel global global só houbo un voto máis, porque hai catro anos se contaron 6.231 papeletas. O que si, baixou moito o número de votos en branco e de nulos, que daquela sumou o 4,38%.

resultadosautonomicas16

En canto ao detalle por partidos, o PP practicamente mantense. É certo que perde un punto porcentual, pasando do 41,4% ao 40,47%, pero o reconto total é moi semellante ao de 2012: unicamente perde 22 papeletas e hai preto de 2.500 rianxeiros que confiaron nos populares para gobernar en Galicia.

Eses 22 votos igual foron parar a Ciudadanos, que contou con 121 apoios. Hai catro ano, con UPyD, a representación foi de 73 papeletas.

Por outra banda, ao igual que en Galicia, a formación de En Marea supera lixeiramente ao PSOE. No primeiro caso irrompe con 1.188 papeletas. Se tomamos como referencia a AGE no 2012, daquela tiveran 920 votos, co que a subida é considerable.

O PSOE descende en 137 votos, pasando do 20,5% dos apoios ao 18%.

Por último, e aínda que no resto de Galicia perde apoios, o BNG en Rianxo consegue aumentar os seus votos nas autonómicas. Un punto porcentual máis, do 16,45% ao 17,51% e 79 votos máis, en concreto 1.078 papeletas. Igual se agardaba máis sendo Rianxo un concello gobernado polo BNG, pero é que precisamente en Rianxo sempre se vota PP tanto nas xerais como nas autonómicas, polo que o dato é relativamente bo con respecto a hai catro anos se temos en conta a tendencia dos frentistas. Sorprende, pero hai moitos rianxeiros que a pesar de votar PP en determinados comicios, a nivel local votan BNG.

Valoración de Adolfo Muíños do comezo do seu segundo mandato

9 Ago

Aínda que vai alá xa o ano dende o comezo da nova lexislatura, quixemos repasar co alcalde, Adolfo Muíños, como están a ser estes primeiros meses de traballo. Falamos dos orzamentos, nos que vai notar a mellor situación económica do Concello, do PXOM (que espera aprobar nun pleno no 2017), da entrada en Serra do Barbanza e das actuacións previstas nos próximos meses. Ademais, de novo, insiste en que deixará o seu cargo rematados os oito anos á fronte da alcaldía de Rianxo, para lanzar a mensaxe de que ninguén é imprescindible.

Seguir lendo

Mari Carmen Figueira, do PSOE, valora o primeiro ano desta lexislatura

8 Xul

Continuamos coas valoracións dos líderes locais do que está a ser este primeiro ano de lexilatura tras as últimas eleccións municipais. Desta vez é a socialista Mari Carmen Figueira quen nos explica cales son as demandas que lle están a realizar ao goberno rianxeiro e tamén como viu os resultados das eleccións xerais en Rianxo, onde o PSOE creceu en votos.

Seguir lendo

Resultados das eleccións xerais 2016 en Rianxo

26 Xuñ

A primeira conclusión vendo os resultados das eleccións xerais en Rianxo (100% escrutado) é que o PP aumenta sensiblemente o seu número de apoios e a segunda é que hai un certo desencanto da política, xa que baixou a participación en 387 votantes. Tres de cada dez rianxeiros decidiron non acudir ás urnas.

votos

O Partido Popular pasou do 32,18% dos vostos ao 36,41% máis con 162 papeletas máis que hai seis meses, polo que a subida foi moi grande, tendo en conta tamén a baixada da partipación.

O PSOE recupera a súa posición (hai que lembrar que nas anteriores foi a terceira forza), pasando do 22,2% ao 24,96% dos sufraxios e 102 votos máis. Un resultado tamén moi bo, tendo en conta que os socialistas baixaron a nivel estatal

Podemos-En Marea foi o gran perdedor da noite en Rianxo, xa que baixa sensiblemente os seus apoios: do 27,1% ao 23,5%, deixando polo camiño 333 votos.

Outra das sorpresas é que Ciudadanos é o cuarto partido máis votado (da outra vez foi o quinto), pasando do 6,24% ao 6,75%, con 11 votos máis.

E o BNG (partido que goberna en Rianxo), deixa de ser a cuarta forza nas xerais. Foi o outro gran perdedor da noite nas xerais, pasando do 9,6% dos apoios ao 6,28%. Con Podemos-En Marea son as dúas grandes formacións que perden votos. No caso dos frentistas, 252 papeletas.

Se sumamos os votos do centro-dereita (Ciudadanos e PP), vemos que obterían 2.832 apoios, mentres que os grupos de esquerda (PSOE, Podemos e BNG) conseguirían 3.592 votos.

Velaquí os resultados da noite:

resultados2016

E os resultados en decembro de 2015:

resultados2015

Antón Castro, de Rianxo en Común, valora o primeiro ano desta lexislatura

18 Xuñ

Esta semana cumpríase xusto un ano dende que se celebrou o primeiro pleno da nova lexislatura en Rianxo. Unha das incorporacións á corporación municipal foi Rianxo en Común, con dous edís. Un grupo novo nun novo tempo sen maiorías no Concello e que nos conta, a través do seu voceiro, Antón Castro, como foi a súa experiencia nestes primeiros 12 meses de lexislatura. Ao tempo que nos indica cales considera que son as prioridades de Rianxo e como ve as Mareas de cara ás eleccións xerais.

Seguir lendo

Norberto Uzal deixa o Pleno da Corporación Municipal de Rianxo

1 Mar

José Norberto Uzal Tresandi, que ata o de agora era número dous do PP de Rianxo e, como tal, edil no Pleno da Corporación Municipal, vai abandonar o seu cargo. As razóns que o levaron a tomar esta decisión son puramente profesionais, como indica o propio Uzal.

Seguir lendo

Xusto Xosé Ordóñez será quen substitúa a Adolfo Muíños á fronte do BNG

28 Dec

Á dereita, Xusto Xosé Ordóñez, con Adolfo Muíños ao seu carón. Imaxe de futgal.es

Xa o adiantaba o propio Adolfo Muíños nunha entrevista antes das eleccións locais de maio deste ano: “Pase o que pase, este será o meu último mandato”. E así vai ser. O alcalde de Rianxo cumprirá toda a lexislatura á fronte da corporación municipal, tal e como estaba previsto. Pero dende a formación nacionalista están a dar pasos para cubrir ao líder rianxeiro e ter unha figura de peso de cara aos próximos comicios.

Seguir lendo