O pasado sábado 5 de abril, puidemos asistir ós XXIII Premios Irmandade do Libro, entregados pola Federación de Librarías de Galicia no Auditorio de Rianxo.
Arquivo | xente RSS feed for this section
Mulleres que rompen Moldes
24 Mar
Con motivo do mes da muller traballadora, a Concellería de Educación, Cultura e Normalizción lingüística do Concello de Rianxo encargoulle ao Cadro Artístico Airiños a realización dun novo TEATRO-EXPRÉS, que fale aos pequenos da vilae aos que se queiran achegar, das MULLERES que foron importantes para o desenvolvemento da nosa historia.
Candidatura ás eleccións na ARE 2014
21 Feb
Onte pola noite, presentouse no restaurante Tanxil unha das candidaturas ás proximas elecións na Asociación de Empresarios de Rianxo (ARE). A candidatura, capitaneada por Alfonso Castro Rodríguez acudiu á presentación co ánimo de mostrarlles @s presentes as liñas de actuación no caso de gañar as elecións que se van celebrar no local da ARE o próximo día 7 de marzo, ás 21:00 horas. Estes son os compoñentes da lista: Presidente: Alfonso Castro, Vicepresidenta: Mirian del Río, Vicepresidente: Rafael Maroñas, Interventor: David Alcalde, Tesoureiro: Vicente Martinez e secretario: Luis Duro
Historia de Rianxo
12 FebHISTORIA DE RIANXO, así se chama unha nova páxina que dende o 7 de febreiro está a colgar fotos antigas da vila.
Coma esta do dique, cando aínda tiña auga e a súa Virxe da Guadalupe no alto, e dende onde os rapaces de Rianxo, aínda non hai moitos anos, se atrevían a tirarse dende aló enriba.
Ou estoutra, que amosa a tal cantidade de barcos que había amarrados no paseo da Ribeira, cargadiños de sacos de berberechos!!!
Démolle a benvida a esta páxina e augurémolle moitas, moitas visitas e boas lembranzas para @s rianxeiros e os que non son do Concello tamén.
Concerto de María Xosé Silvar (Sés) en Rianxo
6 FebO próximo día 15 de febreiro ás 21:00 horas teremos un gran concerto en Rianxo, xa que Sés presenta o seu novo disco “Co Xenio Destrozado”, no Auditorio de Rianxo
As entradas están á venda na cafetería Castelao Rianxo e na Cervexería Gallaecia. Tamén podedes reservar e recoller en taquilla o día do concerto os tickets, pero hai que enviar un mail a info@dezetapro.com
O prezo é de 10€.
Como sinalan dende a promotora do concerto, “se algo podemos destacar de Sés é o seu enorme carisma e forza persoal, xa de sobra amosada en centos de concertos e actuacións ao longo de toda Galiza, percorrendo diferentes escenarios, pobo tras pobo e cidade tras cidade. Aos poucos e grazas á transmisión boca-orella, a súa intensa personalidade e honestidade á hora de manifestarse, foi conquistando o público cun caudal de enerxía que chama pola unión e o cuestionamento do establecido”.
“Co xenio destrozado” é un traballo feito con orgullo identitario, frescura e vitalidade, que pretende concentrar nunha presa de cancións viscerais e paixonais a potencia do directo. Temas de cantautora vestidos de blues, rock e sons do continente hispanoamericano.
Gravado nos estudios Bruar, da Coruña, e producido por María Xosé Silvar, a propia SÉS, neste traballo conta cos seus músicos habituais nos directos: Tito Calviño (guitarra), Marcos Pazo (batería) e Fran Sanz (baixo).
Formada na música e no baile tradicional, Sés é profesora e licenciada en Filoloxía Galega e Antropoloxía Social. En 2007 crea xunto a tres amigos a banda Chámalle Xis!, un dos grupos revelación daquel ano e un dos gañadores do concurso A Coruña Son, apadriñado por Santiago Auserón.
Logo de colaborar con grupos coma Zënzar ou Xabier Díaz, publica no 2011 Admirando a condición, o primeiro disco de Sés (o nome “caseir”» de María Xosé Silvar), un proxecto 100% en galego e 100% en feminino.
Así que, xa sabedes. Se queredes pasar unha boa velada escoitando mellor música, alí nos vemos!
Actos Castelao 2014
4 FebO venres 31 de xaneiro presentouse no auditorio rianxeiro a revista do mes de xaneiro de A Voz de Barbantia e tamén o libro de Anxos Sumai A lúa da colleita. Ó acto asistiron o alcalde Adolfo Muíños, a autora do libro e os tamén escritores Antón Riveiro Coello, Iria Lago e Uxía Casal.
Presentación do libro Sobre Ruinas
27 DecO pasado 13 de decembro presentouse no Auditorio de Rianxo Sobre ruínas, o novo poemario de Xesús Rábade Paredes, escritor cospeitense, pero rianxeiro de adopción.
Imaxes con Fondo
18 DecDende o 13 de decembro até o 4 de xaneiro do 2014, poderemos desfrutar dunha exposición do Fondo Galego de Cooperación e Solidariedade.
A exposición Imaxes con Fondo, que nace dun concurso de fotografía, pretende promover a reflexión, o pensamento crítico e un cambio de actitude dentro da nosa sociedade, por medio da palabra e a imaxe.
Nesta expo, participa unha rianxeira de 23 anos que se chama Raquel Cespón Romero, quen nos conta que a súa formación en fotografía comezou en outubro do ano pasado con algúns cursos que organiza a USC, como obradoiros de creatividade fotográfica ou creación de proxectos fotográficos. Na actualizade participa en diferentes actividades do Fotoforum Compostela, como algunha exposición colectiva, un fotolibro ou actividades mensuais como a fotoliga que organizan.
V Trofeo de Xadrez Distribunosa-Concello de Rianxo
26 NovO pasado 31 de agosto, celebrouse na nosa localidade o V Trofeo Internacional Distribunosa-Concello de Rianxo. Nós estivemos alí, polo que temos en fotos algúns deses momentos do encontro e tamén a entrega de trofeos.
Houbo máis de 250 participantes de todas as idades e de moitos lugares (galegos e do resto de España, pero tamén de Francia, Cuba, Serbia, Inglaterra, Uzbekistán, Portugal ou Lituania), o que demostra a capacidade de convocatoria deste trofeo rianxeiro. Ademais, en Rianxo participaron tres Grandes Mestres Internacionais (a nivel mundial hai 1.420).
Cabaré dos 80… anos de Airiños!
13 NovEsta fin de semana pasada estrearon os de Airiños o seu Cabaré dos 80…Anos de Airiños, cun cheo total no Auditorio os dous días e, como non, tamén no día da preestrea.
Fotos de Rianxo estivo alí ese primeiro íia, o da preestrea, para acadar esas tan ansiadas fotografías do grupo de teatro en activo máis antigo de Galiza. Desfrutamos moitísimo desdes 90 minutos cheos de humor, baile, posta en escea…
Fotos de Rianxo 