Grazas aos kayaks de D’Fabula Ocio, puidemos facer unha ruta moi especial polo mar. En concreto, percorremos a costa dende o porto de Leiro ata o de Rianxo ao atardecer. A verdade é que o mar che ofrece unha perspectiva da costa moi diferente e, ao tempo, moi fermosa. Isto foi parte do que vimos.
Hai un tempo publicamos por aquí imaxes do hórreo de Isorna, o terceiro máis grande de Rianxo. Pois ben, hoxe queremos colgar as imaxes do resto do conxunto do que forma parte, da fermosa reitoral onde podemos atopar pezas únicas como un retrete de pedra que daba directamente ao rego que discurría por detrás da finca, algo pouco habitual naqueles tempos.
Agradecerlle de novo ao arquitecto Carlos Henrique Fernández Coto e ao antigo sacristán da parroquia por poder gozar dunha visita única a un sitio realmente fermoso.
Impresionante o documento audiovisual da Aula de Cultura Musical da Galiza (Uned Senior Rianxo). É da década dos 90 e forma parte dunha secuencia do programa de “Desde Galicia para el Mundo” que daquela emitía TVE. Como podedes ver, son gaiteiros do Liceo Marítimo de Rianxo tocando ao lado do paseo dunha praia de Tanxil sen anchear 🙂
Había anos que os vellos de Rianxo non falaban da Santa Compaña, porque non percorría os camiños e corredoiras dos montes das distintas parroquias. A cousa cambiou o sábado pola noite, cando as almas en pena conseguiron un séquito de 200 persoas e deixaron tras de si un rastro de luz.
Durante esta tarde a policía municipal de Rianxo acordoou parte da praza da Guadalupe. O motivo foi un exame de abellas.
Nun primeiro momento pensamos que podían ser avespas asiáticas, pero xa nolo desmentiron dende o Concello, polo que pedimos desculpas polo erro.
Ao pouco, chegou un apicultor, protexido totalmente cun traxe. Colleu algunhas abellas, coa raíña, e pouco a pouco o resto fóronse introducindo. Dese xeito xa se evita todo perigo na zona. A actuación, como vino, foi moi rápida.
O pasado 27 de maio, moitos veciños do concello estiveron no plató do Luar da TVG. Alí representaron a romaría do San Pedro de Vilas, cantaron e bailaron. Velaquí ese marabilloso momento. Estivo a xente de Vai de Roda, a agrupación Río de Anxo e a xente de Airiños.
Fragmento dun monólogo de Víctor Grande feito na Coruña coa Rianxeira como tema principal 🙂
Fernando Ponte Hernando, doutor en Mediciña e Cirurxía na USC e doutor en Historia da Ciencia na UdC envíanos esta fotografía. Como nos conta el mesmo hai uns anos publicou e presentou en Rianxo o seu libro sobre o Ángel Baltar Cortés. Por iso nos manda esta foto que lle cedeu a familia do doutor Miguel Gil Casares (1871-1931), a quién está dedicada.
Na foto pode lerse: “Villagarcía de Arousa. Playa de las Sinas. ¿? (Ballenóptero) que herido a tiros en Rianjo, vino a morir en riba playa el noviembre 1915”.
A historia, como sabedes, foi escrita no seu día por Rafael Dieste. E tamén foi recollida por Rabunho Rexeita, que sacou á luz as primeiras noticias sobre o tema, publicada en novembro de 1916, o cal non coincide coa data da fotografía. Pero, sen dúbida, é un documento único e de gran valor.
Esta semana cúmprense 40 anos dende que José María Vicente, un veciño de Leiro, atopou o famoso casco de ouro. Para celebrar este aniversario, o xoves 7 de abril terá lugar unha mesa redonda no Auditorio Municipal, ás 20 horas, onde estará o propio descubridor, o xornalista e experto Manuel Gago, a doutora e profesora da Universidade de Vigo Bea Comendador ou o Xefe do Servizo de Arqueoloxía da Xunta de Galicia, Roberto Pena Puentes.
Non deixes de acudir ao evento ou de ler a entrevista que lle fixemos no seu día a José María Vicente.
Esta fin de semana tivo lugar no Araño unha proba da Delegación de Galicia do Real Club Español do Can Pastor Alemán (CEPPA). Tratábase dun evento clasificatorio para o Campionato de España.
Seguir lendo
Fotos de Rianxo 