Como sabedes, a miña idea era poder entrevistar a todos os candidatos á alcaldía de Rianxo. Hai catro anos non puiden conversar con Carlos Gey (PSOE) e, nesta ocasión, a persoa coa que non puiden falar foi con Vanessa Martínez (PP). Neste caso, soliciteille a entrevista o 28 de marzo, ao que dixo que “sin problema”.
Tag Archives: Rianxo
Entrevista a Adolfo Muíños, candidato á alcaldía de Rianxo no 2015 polo BNG (parte 2)
18 Mai
Nesta ocasión sodes vós, os lectores, os que facedes as preguntas. Velaquí as cuestións que lle quixestes formular aos candidatos á alcaldía de Rianxo. (1ª parte da entrevista). As preguntas nas que se indica (FR) ao final son propias, que xurdiron durante a conversa, e as que levan un * ao final son respondidas por escrito, porque foron enviadas polos nosos lectores despois de realizásemos a entrevista.
Final do certame de poesía erótica Ferve a Lingua
17 Mai
Onte tivo lugar na cafetería Castelao a terceira xornada e final do certame de poesía erótica “Ferve a lingua”. Despois dunha estupenda introdución de Esther Carrodeguas, falou Hadriana Ordóñez, que se amosou orgullosa da participación e de toda a xente que acudía ao evento.
O próximo sábado, XVI Subida o Castro Barbudo
15 Mai
Xa te podes apuntar para participar na XVI Subida ao Castro Barbudo, que terá lugar o sábado 23 de maio en Taragoña. Ademais, rematará cunha churrascada espectacular, como cada ano. Para repoñer ben as forzas despois das pedaladas 😉
O prezo este ano será de 12 euros (festa final incluída), tanto para federados como non federados. Disporase dun avituallamentos un sólido e doutro líquido e todos os inscritos entrarán no sorteo de varios regalos.
Ás 3 da tarde en Campo de Pazos comezarán as inscricións, e ás 16.00 horas comezará a proba. Se vos gusta a bici de montaña, non deixedes de ir, que ademais dos montes de Taragoña, Rianxo e Lousame formaredes parte dunha proba que leva 16 anos, que se di pronto.
Presentación do novo disco de Carapaus, final de Ferve a lingua e Letras Galegas
15 Mai
Este sábado, 16 de maio, Carapaus presenta o seu novo álbum “Déixao andar”. Será nun concerto gratuíto ao que todos estades convidados na Sala Capitol de Santiago de Compostela, ás 22.00 horas.
Entrevista a Antón Castro, candidato á alcaldía no 2015 por Rianxo en Común (parte 1)
14 Mai
Quedo con Antón no Campo de Arriba, no mercado de Sachos á Rúa, no que tamén está implicado. Despois imos falar tranquilamente ao Castelao. Un quinto para el e colacao para min e comeza a conversa. Como curiosidade, descubro que non ten whatsapp no móbil. Di querer levar a voz da xente ao concello e facer as cousas doutra maneira.
Entrevista a Mari Carmen Figueira, candidata á alcaldía de Rianxo no 2015 polo PSOE (parte 1)
12 Mai
Quedo con Mari Carmen na sede do PSOE, para estarmos tranquilos e non ter o típico ruído de bar de fondo á hora de transcibir a gravación. Ela leva o fío da conversa. Comeza falándome do debate televisado, de que a xente lle comentou que non parecía unha política, senón alguén normal, pero que se sente orgullosa diso e que en persoa sabe que gaña. Tamén me fala de que estes últimos anos estivo apartada da vida política por unha enfermidade e da responsabilidade que ten agora como cabeza de lista. De feito, xa fóra das preguntas, comenta que en Rianxo sempre houbo unha rosa gobernando e quere que volva.
Entrevista a Adolfo Muíños, candidato á alcaldía de Rianxo no 2015 (parte 1)
12 Mai
Volvo quedar con Adolfo, catro anos despois, no mesmo sitio onde o entrevistei por primeira vez: no Memphis. Son as 10 da mañá do domingo, a xente está entrando para a igrexa e, de fondo, escóitanse as baladadas do reloxo do campanario. No fío musical do bar soa Antonio Orozco. Comeza a conversa arredor dun colacao para min e dun café para el. Se nada cambia, non volverei quedar con el como candidato, porque durante a entrevista confesa que serán os seus últimos 4 anos no concello, ben sexa gobernando ou ben como oposición.
“Tronzar Os Valos”, de Sés, no auditorio rianxeiro
4 Mai
Portada do disco, moi ilustrativo sobre o carácter artístico e o contido musical do novo traballo, o 3º disco de estudo da artista bergantiñana Sés (María Xosé Silvar, nada na Coruña en 1983)
Crónica e fotos de Carlos Bastos. Esta longa fin de semana vivíronse varios actos culturais en Rianxo. O venres, solapáronse o Desfile da Pasarela do Castelo da Lúa organizado pola ARE no pavillón polideportivo, e a presentación do disco da artista Sés no auditorio.
Debate na televisión dos candidatos de Rianxo
1 MaiNa canle de televisión Rías Baixas debateron os tres partidos con representación nas últimas eleccións locais (motivo polo cal non estaba Rianxo en Común). Participaron Adolfo Muíños (candidado do BNG), Mari Carmen Figueira (candidata do BNG) e Norberto Uzal (número 2 do PP).
Fotos de Rianxo 